Hechos 12:16 - Alacatlatzala Mixtec New Testament

¹⁶ Tá mií káꞌa̱n ka̱ na, ta ta̱Pedro ñíndichi yéꞌé, ta o̱n vása sándakoo ra kána ra ni̱vi veꞌe yóꞌo. Ta saá ni̱xa̱ꞌa̱n na na̱koná na yéꞌé. Tá xi̱ni na ndí ndixa ta̱Pedro kúu ra, ta na̱kaꞌnda ní ini na xíto na no̱o̱ ra.

Hechos 12:16 交叉參考

Hechos 12:13

Ta ki̱xaa̱ ta̱Pedro veꞌe yóꞌo, ta ka̱na ra ni̱vi na veꞌe yóꞌo, ta ki̱xi ñii ñaꞌa̱ ñá na̱ní Rode, ñá kísa chiño no̱o̱ naveꞌe yóꞌo kúu ñá. Ki̱xi ñá koto ñá yu kúu na kána.

Hechos 12:15

Ta ni̱vi na yóo yóꞌo o̱n vása kándixa na to̱ꞌon ña káꞌa̱n ñá, ta ni̱ka̱ꞌa̱n na xíꞌin ñá, káchí na saá: ―Ñá sána si̱ni̱ kúu yóꞌó ―káchí na xíꞌin ñá. Ta nda̱kuii̱n ñá, ni̱ka̱ꞌa̱n ñá: ―Mi̱i ña ndixa nda̱a̱ kúu ña káꞌa̱n i̱ xíꞌin ndó ndí ta̱Pedro kúu ta̱ ñíndichi yéꞌé. Ta tuku nda̱kuii̱n na, káꞌa̱n na xíꞌin ñá: ―O̱n si̱ví ta̱Pedro kúu ra. Ndá kuiti níma̱ ta̱Pedro kúu ña ―káchí na xíꞌin ñá.

Hechos 12:17

Ta ni̱xika ndaꞌa̱ ta̱Pedro no̱o̱ na ña o̱n ka̱ꞌa̱n ka̱ na nda̱ ñii to̱ꞌon. Ta saá na̱kuiná na yéꞌé, ta ni̱ki̱ꞌvi ra ini veꞌe, ta ki̱xáꞌá ra ndáto̱ꞌon ra xíꞌin na ndasaá ke̱ꞌé Ndios ñava̱ꞌa xíꞌin ra ña ku̱chiño kee ndíka̱ ra veꞌe ka̱a. Tá ndi̱ꞌi nda̱to̱ꞌon ta̱Pedro to̱ꞌon yóꞌo, ta ni̱ka̱ꞌa̱n ka̱ ra xíꞌin na, káchí ra saá: ―Ta xíꞌin ta̱Santiago ta xíꞌin inka̱ nañani yó ta xíꞌin náki̱ꞌva̱ yó na kándixa ta̱Jesús, ndato̱ꞌon ndó ndiꞌi ña ndo̱ꞌo i̱ ―káchí ta̱Pedro xíꞌin na. Tá ndi̱ꞌi ñayóꞌo, ta ke̱e ta̱Pedro, kua̱ꞌa̱n ra inka̱ xiiña.