Gálatas 3:7 - Alacatlatzala Mixtec New Testament

⁷ Ta saá, va̱ꞌa ná kunda̱a̱ ini ndó ñayóꞌo ndí ni̱vi na ndáa ini Ndios ñii ki̱ꞌva nda̱tán ta̱Abraham xi̱ndaa ini ra Ndios, ndiꞌi ni̱vi yóꞌo yóo na nda̱tán yóo sa̱ꞌya ñani síkuá ndinoꞌo ta̱Abraham.

Gálatas 3:7 交叉參考

San Lucas 19:9

Ta nda̱kuii̱n ta̱Jesús, ni̱ka̱ꞌa̱n ra: ―Ki̱vi̱ vitin Ndios sa̱ka̱ku ra ta̱yóꞌo xíꞌin naveꞌe ra, chi ñii ki̱ꞌva nda̱tán xi̱i̱ síkuá yó ta̱Abraham ka̱ndixa ra Ndios, saá kándixa ta̱Zaqueo vitin. Ta saá kúnda̱a̱ ini yó ta̱Zaqueo kúu ñii sa̱ꞌya ndinoꞌo ta̱Abraham.

San Lucas 21:31

Ta ki̱vi̱ xíto ndó xa kua̱ꞌa̱n kundivi ndiꞌi ñayóꞌo ña nda̱to̱ꞌon i̱ xíꞌin ndó, ta saá kunda̱a̱ ini ndó xa va̱xi kuyatin ki̱vi̱ kixáꞌá kaꞌnda chiño Ndios ñoyívi yóꞌo.

San Juan 8:39

Ta nda̱kuii̱n na, ni̱ka̱ꞌa̱n na xíꞌin ta̱Jesús: ―Ta̱Abraham kúu yivá ndi̱ ―káchí na xíꞌin ra. Ta ni̱ka̱ꞌa̱n ta̱Jesús xíꞌin na: ―Tá sa̱ꞌya ndinoꞌo ta̱Abraham kúu ndó, ta saá ko̱ꞌo̱n ndó kundiko̱n ndó yichi̱ ra, níkúu.

Romanos 4:24

ta ñii ki̱ꞌva káꞌa̱n ña xa̱ꞌa̱ mi̱i yó, na kúu ni̱vi na ndixa kándixa Ndios, ta̱ kúu ta̱a ta̱ sa̱nataku̱ Jesucristo ta̱Káꞌno no̱o̱ yó. Ta xa̱ꞌa̱ ña kándixa yó ra, Ndios ka̱ꞌa̱n ra ndí mi̱i yó kúu ni̱vi na ndii na o̱n ko̱ó kua̱chi ndíso no̱o̱ ra, ta va̱ꞌa yóo yó xíꞌin ra.

Gálatas 3:9

To̱ꞌon yóꞌo kóni kachí ña ndí nda̱tán Ndios ke̱ꞌé ra ñava̱ꞌa xíꞌin ta̱Abraham, chi xi̱kuu ra ta̱a ta̱ ka̱ndixa Ndios, saá kéꞌé Ndios ñava̱ꞌa xíꞌin ndiꞌi ni̱vi na kúu na kándixa Jesucristo.

Gálatas 6:16

Ta ndiꞌi ni̱vi na kándixa to̱ꞌon yóꞌo ta táku̱ na saá, ¡va̱ꞌa ná koo ñava̱ꞌa ini na! Ta, ¡va̱ꞌa ná kundáꞌví ini Ndios koni ra na! Chi vitin ndu̱u na naveꞌe Ndios.

Hebreos 13:23

Ta kóni i̱ ndato̱ꞌon i̱ xíꞌin ndóꞌó ña kunda̱a̱ ini ndó ndí ñani yó ta̱Timoteo, xa ke̱e ra veꞌe ka̱a ta xa yóo ndíka̱ ra vitin. Táná kixaa̱ ya̱chi̱ ra no̱o̱ yóo i̱ yóꞌo, ta saá xaa̱ ra xíꞌin i̱ ña koto ndi̱ ndóꞌó.