Gálatas 3:4 - Alacatlatzala Mixtec New Testament

⁴ ¿Án ña ma̱ni̱ kuiti xi̱kuu ndiꞌi ña yo̱ꞌvi̱ ni̱xo̱ꞌvi̱ ndó xa̱ꞌa̱ ña kúu ndó ni̱vi na kándixa Jesucristo? Ta yi̱ꞌi̱ ndáti i̱ ndí o̱n si̱ví ña ma̱ni̱ ní‑xikuu ñayóꞌo.

Gálatas 3:4 交叉參考

1 Corintios 15:2

Ta xa̱ꞌa̱ ña ndinoꞌo ini ndó kándixa ndó to̱ꞌon va̱ꞌa xa̱ꞌa̱ Jesucristo ña ni̱ka̱ꞌa̱n ndoso i̱ no̱o̱ ndó, tá o̱n sandakoo ndó kándixa ndó to̱ꞌon yóꞌo, ta ndixa Ndios saka̱ku ra ndóꞌó ki̱vi̱ ña va̱xi. Tá o̱n si̱ví ñanda̱a̱ kúu ñayóꞌo, níkúu, ta saá ña ma̱ni̱ kúu ña ka̱ndixa ndó Jesucristo.

Gálatas 3:3

Ta saá vitin, ¿nda̱chun xáni si̱ni̱ ndó nda̱tán xáni si̱ni̱ ni̱vi na kúu na kíꞌví si̱ni̱? Chi ki̱vi̱ ki̱xáꞌá ndó kándixa ndó Jesucristo, ta̱nda̱ ki̱vi̱ saá ki̱xáꞌá ndó ndáa ini ndó Níma̱ Ndios ña taxi ña ndee̱ ña ndaꞌa̱ ndó xa̱ꞌa̱ ña va̱ꞌa kundiko̱n ndó yichi̱ Jesucristo. Ta vitin, ¿nda̱chun xáni si̱ni̱ ndó ndí o̱n vása xíni̱ ñóꞌó ka̱ ndó ndee̱ Níma̱ Ndios?, chi vitin xáni si̱ni̱ ndó ndí ndasaá kuiti xíꞌin ndee̱ yi̱kí ko̱ñu mi̱i ndó kúchiño ndó va̱ꞌa kundiko̱n ndó yichi̱ Jesucristo.

2 Juan 1:8

Kasa kuenda va̱ꞌa xíꞌin mi̱i ndó ña o̱n kandixa ndó to̱ꞌon vatá ña káꞌa̱n ni̱vi yóꞌo. Saá chi tá kandixa ndó ñavatá yóꞌo, yi̱yo ní ko̱to̱ o̱n nakiꞌin ndó ndiꞌi ñava̱ꞌa ña kóni Ndios taxi ra ndaꞌa̱ ndó.