Luka 10:11 - Wapongte Mic-Yowa Gbolicne

¹¹ ‘Ngengele macnginengte lubedi higenonggeng bakatackeme, nonge yogo inguchac webeng wagac. Inguc aime yogodi sowacnengineng edalicngebadaicte. Ailu ngenge sifu yanguc ngagedaing! Wapongte ngani-damongti yawa biyac bangkalegac.’

Luka 10:11 交叉參考

Salecebaicne 13:51

Hikenogale ailu higenginackocni lube weboc wawec. Yogo aibabangineng sowacne edalicebanogale ailu hegilecebalu Aikoniam taonka hikeiboc.

Luka 10:9

Nga taon iwa hucnginengkolec yenge bamadicebalu ngic-ngigac yanguc edocebadaing, ‘Wapongte ngani-damongti ngengela biyac bangkalegac.’

Hibru 1:3

Aime Madec ye yeuctihac Wapongte tapili nga hibi-angoc. Ailu yeke silicnginec moniyang aigaic. Aime Madec ye yowaine tapiliineholec ailu yowa yogodi wiyac sasawa himongka nga sawawa ailu honocmengka fayackegac, yogo bafuwayackewec fagac. Ailu ye ngic-ngigac sasawa nongileng bikic suweyackelu bole bamoctolu honocmengka Ngictau tapiliineholec yele foleinapec iwa fewec ngiyegac.

Salecebaicne 13:46

Inguc aibong Pol nga Banabas yeke yowa sanangnehac hangoc mikac yanguc edocebaiboc, “Molickelu Yuda ngic-ngigac ngengela Wapongte yowa mibec yegengkengelewec. Aime yakumacbac ngenge ngengung hegilelu gaga-sanang mi banogale ngagesigaingte noke hegilecngebalu Israel yengele alingkacni miyac, yengela hikedabelecte.

Salecebaicne 13:40

Wapongte siduc-mimi ngic yengi yowa yanguc miibong, yogo ngengela sanangkenale ung-yowa edocngebagabac.

Salecebaicne 13:26

“Israel ngic hae-gbafocne, ngambononggeng Abraham ailu ngic-ngigac gocne Wapong alang bacnocaigaing, ngenge yowane mibe ngagening. Bikicte ame babale yefe fagac. Ailu wasecne ainogale, yowa yogo nongileng lowec fagac.

Mareko 6:11

“Nga mac-himong monicka hikebong ngic yengi mi hefolecngebalu yowangineng mi ngagedaingtewa, ngenge higenginangkocni lube webong wame mac-himong yogo hegilelu hikedaing. Aime ngic yenge yogo nganilu Wapongti amengineng baduyeledaicte, yogo ngage-motodaingte.”

Mataio 10:14

Nga monicti mi hefolecngebalu yowangineng mi ngagedaictewa, ngenge mac me taon yogo hegilelu higenginangkocni lube webong wame hikedaing. Taonte ngic-ngigac yenge inguc nganilu wowosaele sawang-yowa ngagedaingte.

Roma 10:21

Aime hatac Wapongte mic balu Israel ngic-ngigac yengelebac yanguc miwec, “Ngic-ngigac aling monic yowane mi balaibecaigaing, ailu yowa kwekwe gacaigaing, yenge nala kwesiningte ailu, hadengsoc molene sungkecaigabac.” (Yes 65:2)

Roma 10:8

Ilec gale yowa yanguc miicne fagac, “Wapongte yowa yogo emenginang, nga micnginang, ailu kwelenginang fagac.” (Yef 30:14) Aime ngage-ngagesingte yowa yogo hocne edocebalu weduyelecaigabeleng.

Mataio 3:2

miwec, “Honocmengte ngani-damongti biyac bangkalegacte ngenge kwelengineng hefaliyena.”

Mataio 10:7

Ngenge hikelu yanguc edocebalu weduyeledaing, ‘Honocmengte ngani-damong yogo biyac bangkalecnubagac.’

Luka 9:5

Nga taon monicte ngic-ngigac yenge mi hefolecngebabong, ngenge taon yogo hegilelu higenginangkocni lube webong wadaic. Aime ngic yenge yogo nganilu Wapongti amengineng baduyeledaicte, yogo ngage-motodaingte.”

Luka 10:10

Aime taon monicka febong yenge mi hefolecngebabong, ngenge mac yefenginang lelu yanguc edocebadaing,