Jems 4:7 - Mangseng

⁷ Maken aro thomu o paesu thomu ruru a God isa thewo. Aro thomu o mothong a Satan ile tongporumongre, maken aro i lo lelpot thomu.

Jems 4:7 交叉參考

Matiu 11:29

Aro lomumu sivenga nge tho ako tho voth ini omu Pomnga, naro thomu o el mire ako a tho nge. Eneke tho ini toko mosinga na vothung ako nge paruruong i voth a tho nge naro thomu o el thauong.

Pakeke 26:19

“Na nepes a Agripa, tho panes inga ur ako tho thopol i ako i esu a Pen a Urvet me.

Pakeke 9:6

Naro wong mita mo wong eso a rem pomnga la. Panen aro toko e ako aro i ria wong nge ur ako aro wong oma i.”

Pol ile malueng ako i wat i a toko lemioongare nge ako o voth a rem pomnga a Rom 10:3

Na olemi mire senu avele ako, ini inga a God ienga ako i oma toko mo i velpol ini toko vengvenga a itheki. Ma o sis ve aro o velpol ini toko vengvengare a God itheki, ako nge osivenga ole engenging. Na olemi i venen aken, mako o lel okime nge a God ile sovengalo ako aro i apet toko ve ini toko vengvenga nge.

Pol ile malueng ako i wat i a toko lemioongare nge ako o voth a rem pomnga a Rom 14:11

Eneke God ile erere i ri vene: “Toko Pomnga i ri vene, ‘Aro ve i nunganga ako tho mimi, i nunganga mun ako toko alavusnga aro o koru oeve ruru mo o papomnga tho. Na or alavusnga mun aro o pamilempot ole vothungre a God nge.’” Aisaia 45:23

Epesus 4:27

Na o mothong tova o sungpot a Satan imei e.

Epesus 5:21

Aro thomu o nongal pel lomu riong, eneke thomu ini a Krais ile na o papomnga i.

Epesus 6:13

Maken aro thomu o teuna ol a God ile paseralonga alavusnga, na nge wop lemi ako nang kerenga aro i velpoltun thomu, aro thomu o pavurvur ako aro o mit engeng nge ngarangre ole punong, na aro ve punpeling i vus, aro thomu rongan o mit engeng inga.

Hibru 12:9

Naro lemir rum nge titemerre ake ru a ulue, or alavusnga o sung pasavilong a it nge, ma te papomnga or nge. Na i vava nge Titemer Pen a Urvet anga, e? I sivenga rintet ako aro te voth ol a ile pasavilong lemi mo te el mimiong ako aro ile vusonga avele.

1 Pita 2:13

Aro thomu o voth a toko mukalinga ulue angare osa thewo, eneke Toko Pomnga i sis ve aro thomu o oma venen aken. Naro thomu o voth a nepes mukalinga ako ini nepes alavusnga oa pomnga isa thewo.

1 Pita 5:6

Maken aro thomu o paruru sivengomu, na o paeso sivengomu a God ile thealing engenga lemi mo aro i paesa thomu roro nge nang ako i ateal i a thomu nge lale.