Jems 4:6 - Mangseng

⁶ Aveto God ile themosaling ako i sungu i a it nge, kene i engeng rintet. Maken God ile erere i ri vene, “Na God i paesu areko o paesa oion roro. Aveto i sungu ile themosaling nge areko o paruru or.” Gutpela Sindaun 3:34

Jems 4:6 交叉參考

Matiu 13:12

Toko ako ilemi mire nge a God, aro God i sungu mun mire pomnga a i nge, mo aro ile mire i pompom rintet. Na toko ako ilemi mire nge a God avele, aro God i eltetpot ile mire posnga ako i voth a i nge.

Matiu 23:12

Na toko ako i paaolonga isivenga, aken aro God i paruru i, na toko ako i paruru isivenga, aro God i paaolonga i.

Panongpolong Sivenga ako Luk i wat i 1:52

Ma i paesu nepesre ako ru a ole menongare nge, na i paposnga or. Na i papomnga toko vulutngare.

Panongpolong Sivenga ako Luk i wat i 14:11

Na tho ri venen aken, eneke tokokoe areko o papomnga osivenga, aro God i paruru or. Na tokokoe areko o paruru osivenga, aro God i papomnga or.”

Panongpolong Sivenga ako Luk i wat i 18:14

Ma Jisas i ria or ve, “Tho ria thomu, takis elnga aken ako i lo werer a ile pen, ienga inga ako i riri a God itheki, na Parisi aken aro avele. Eneke areko o papomnga osivenga, aro God i paruru or, na areko o paruru osivenga, aro God i papomnga or.”

Jems 4:10

Naro thomu o paesu sivengomu a Toko Pomnga itheki, aken aro Toko Pomnga aro i paesa thomu roro.

1 Pita 5:5

Na i vene mun nge thomu apongare, tho pator mun thomu ve aro o paesu sivengomu a lotu a mukalingare osa thewo. Na thomu alavusnga aro o paruru sivengomu mo o opoal pel, eneke God ile erere i ri vene: “God i lel ikime nge areko o paroro osivenga, aveto i sung ile themosaling nge areko o paruru osivenga.” Gutpela Sindaun. 3:34