Jems 2:23 - Mangseng

²³ Ma i velpol ranga ve ako God ile erere i ri nge, ako i ri vene, “Abraham ilemio nge a God, mako God i apet i ve ini toko vengvenga.” Stat 15:6 Mako o apet a Abraham ini a God ithanga.

Jems 2:23 交叉參考

Galesia 3:6

Na lomumu rum senu tel nge a Abraham ile omaing ako i oma i. Na God ile erere i ri vene, “Abraham ilemio nge a God, ma God i apet i ve ini toko vengvenga.” Stat 15:6

Pol ile malueng ako i wat i a toko lemioongare nge ako o voth a rem pomnga a Rom 11:2

Na nomenga God i ateal Israelre mo aro o velpol ini ile tokokoere, na ikime lelalpot or avele. Na riong ake i nunganga, eneke ava lomumu mire senu nge a Elaija ia tenesing ako i voth a God ile erere lemi nge, na i vene: Elaija ikei ot a God ako nge Israelre, na i ri pompom ve,

Galesia 3:22

Aveto God ile erere i ri ve, vothung kerenga ile engenging ile mong toko alavusnga, na God i oma venen aken mo aro tokokoere o ela ile sungong nge ile riong kinnga tova ve olemio nge a Jisas Krais.

Pol ile malueng ako i wat i a toko lemioongare nge ako o voth a rem pomnga a Rom 9:17

Na aken i nunganga, eneke God ile erere i ri nge ile riong ako i sungu i a Isip angare ole nepes a Pero nge, ako i ri ve, “Tepun or aini i voth ako tho papompom vengveng ong nge, na i vene: Aro tho pathengal lek engenging a tokokoere nge, nge ako tho sung paomelaling a ong nge. Na e mun e, aro iok i kima a pen elonga ake ru a ulue.” Kisim Bek 9:16

Panongpolong Sivenga ako Luk i wat i 4:21

Lamako i patea ol riong a or nge, ma i ri ve, “Na ponange thomu o nongpol riong aken kene i velpol nunganga lale.”

Panongpolong Sivenga ako Mak i wat i 15:27

Na a Jisas ilo sei o pamona mun toko keminga or aini, ma e i mon a imeni sivenga nge anga, na e i mon a imeni kerenga nge anga.

Panongpolong Sivenga ako Mak i wat i 12:10

Ma Jisas i ri riong agelalnga ve, “Lomumu rum senu nge riong ako a God ile erere i ri vene: ‘Um ako vel aringare o rivenga i kerenga ma o siv lelpot i, ake kene i velpol ini um a ur vet ako i paengeng vel ranga ve ini wovek sapatanga.

1 Pita 2:6

Na ur areken i nunganga, eneke God ile riong i ri vene: “O nongpol! Tho ateal nepes omole lale, na i ranga ve ini um a urvet ako i olonga i roro rintet na i toth ako aro tho pangoa i a tete a Saion ranga ve ini um ako i paengeng vel ile mitong, ranga ve ini wovek sapatanga. Na toko ako ilemio nge i, aro i el le maraing nge i avele.” Aisaia 28:16

2 Timoti 3:16

Na God i pavelpol ile riong alavusnga ako i voth a erere nge, mo i opoal it nge patoraling nge riong nunganga, na nge toko pavengvenga, na nge torong nge ole vothung kerenga, na nge pamirealing nge vothung vengvengare omanga,

Pakeke 1:16

Ma Pita i ria ol or ve, “Titeikre, ine riong omole ako o wat i a erere nomenga, i velpol ol lale. Nomenga God Ioni Riringa i pavelpolpot i a nepes a Devit iwo. Ma i ri nge omaing ako aro Judas i oma i. Ini toko aton ru i pathengal tokokoe areko o rere a Jisas. Na ponange riong ake i velpol nunganga lale.

Jems 2:24

Maken aro lemir mire senu ako ve, God i apet toko ini toko vengvenga nge ile vothung sivenga omanga, na nge ile lemioong ako i voth polpol, kene avele.