Yaw, da akwar fa dəram daŋgay a Gazlavay, mevel akwar fa cey a ray ndaw na, mbəkdamara mebərey ŋga ndaw aha, amba Papakw akwar masa da vaɗ a mbəkdakwara mebərey akwar may. [
Ta’, a sləkɗawa, a sawa fa papaha. «Ama masa a lawa dəreŋ ta way ŋga papaha ɗagay na, papaha a hətar, a kar dey-ceceh. A hway a da cadərwa ray, slaslap! a slasləpa.
Anda keɗe, təram ndəhay maaya, wuɗam vaw, səram dey-ceceh da wuzlah akwar. Mbəkdamatara mebərey ŋga ndəhay da wuzlah akwar anda Gazlavay ma mbəkdakwara mebərey akwar ta fa Kəriste may.
Yah daa fərsəne maja yah ma wuzda *Mey-maaya-mawiya. Ya wuɗey na, anja a njey da cakay aɗaw mandaw mandaw daa masa yah daa fərsəne keɗe amba a jənya aa slam a ŋga akah.
