Mey-maaya-mawiya masa Luk ma wuzlala 22:35 - Mofu-Gudur

³⁵ Fa dəɓa ha, Yesu a ləvtar a gula aŋga hay: «Ta pas masa yah ma slərdakwar, dala da har daa ba, gabal daa ba, tarak daa ba heyey na, ka ta huram cek daa slam aha la daw?» A mbəɗdamara, a ləvmar: «Ya ta huram cek daa ba.»

Mey-maaya-mawiya masa Luk ma wuzlala 22:35 交叉參考

Mey-maaya-mawiya masa Luk ma wuzlala 10:4

Ka da lam dala ba, ka da lam gabal ba, kwa ka da lam tarak hay ba. Ka da lacam daa cəveɗ ŋga cey har a ndəhay ba.

Mey-maaya-mawiya masa Luk ma wuzlala 22:34

Yesu a mbəɗdara, a ləvar: «Ya fa ləvka, Piyer, tasana wuskwaa gwagwalak a da cey ɗay na, ka ta ləvey cay dey maakar, ka sərya ba, ka sərya ba.»

Mey-maaya-mawiya masa Luk ma wuzlala 22:36

A ləvtar: «Ama wure keɗe na, ndaw masa dala aŋga daha, ŋga la a har, ndaw masa gabal aŋga daha, ŋga la. Ndaw masa dəlaw aŋga daa ba, ŋga həɗkada zana aŋga, ŋga həɗkawa dəlaw dəɓa.

Mey-maaya-mawiya masa Luk ma wuzlala 9:3

Ta’, a ləvtar: «Diyam, ama daa madaw akwar na, ka da lam cek a har ba, ka da lam zlanday ba, ka da lam gabal ba, ka da lam cek mezəmey ba, ka da lam dala ba. Ndaw a da ley zana cew ba.

2 Kwarinti hay 8:15

Mey aɗaw keɗe na, aa letek ta mey ŋga Gazlavay maa guzley da ray cek mezəmey ma kəzlwa ta da vaɗ zleezle, a ləvey: «Ndəhay masa ma həlmawa cek mezəmey a ga la na, ta katar kalah daa ba. Ndəhay ma həlmawa nekəɗey na, ta katar pəreh daa ba may.»