Lucas 7:42 - Mixteco del suroeste de Tlaxiaco Oaxaca

⁴² Jee jie̱ꞌe̱ꞌ ya̱ ntu̱ví íyó xu̱ꞌún ráa chunáán ráa nu̱u̱nꞌ te̱e jiánúún vá, jee nne̱káꞌnú iniꞌ re̱ꞌ nne̱ꞌyá re̱ꞌ ni núvíꞌ ráa. Saájee, ¿né ɨɨn ni núvíꞌ ráa kunu̱u̱nꞌ ráa ka̱ꞌ te̱e njiáꞌanúún xu̱ꞌún vá rúja? ―nkachiꞌ Jesús.

Lucas 7:42 交叉參考

Mateo 18:27

Jee nku̱náꞌví iniꞌ i̱toꞌoꞌ‑o maa, jee ñasɨꞌ nu̱u̱nꞌ ya̱ táyáꞌvi‑i, jee nne̱káꞌnú iniꞌ re̱ꞌ nne̱ꞌyá re̱ꞌ maa njia̱ꞌa re̱ꞌ kua̱ꞌa̱nꞌ‑a.

Mateo 18:34

Saájee nki̱ti̱ꞌ víꞌí iniꞌ i̱toꞌoꞌ‑o vá, jee nta̱túníꞌ re̱ꞌ ya̱ chiꞌi ráa maa veka̱a nu̱u̱nꞌ kunoꞌo‑o, ne̱kua̱ꞌ kuneí‑i nachunáán‑a nɨꞌɨ ya̱ táyáꞌvi‑i nu̱u̱nꞌ re̱ꞌ.

Mateo 6:12

Jee kunekáꞌnú iniꞌ nú kune̱ꞌyá nú ránuꞌuꞌ jie̱ꞌe̱ꞌ kua̱chi sáꞌá ráníꞌ, kuéntáꞌ kua̱ꞌ suni nékáꞌnú iniꞌ ráníꞌ rá niváꞌa sáꞌá ráa ránuꞌuꞌ.

Lucas 7:43

Jee nna̱xiníkó Simón: ―Káꞌvi iniꞌ ni̱ꞌ ya̱ maáréꞌ ya̱ kue̱ꞌe̱ꞌ ka̱ꞌ nne̱káꞌnú iniꞌ te̱e jiáꞌanúún xu̱ꞌún vá. Jee nkachiꞌ Jesús nu̱u̱nꞌ Simón: ―Na̱a̱ꞌ ni nkachiꞌ nú ―nkachiꞌ Jesús.

Romanos 3:24

Soo nsiíyo Ndiosíꞌ kua̱chi‑ó sáva kino̱o na̱a̱ꞌ‑ó nu̱u̱nꞌ re̱ꞌ, jee nsi̱kútaꞌviꞌ saɨn re̱ꞌ maa nu̱u̱nꞌ‑ó sú ntu íyó ni̱ꞌi̱nꞌ‑ó maa chi íyó mániꞌ iniꞌ re̱ꞌ néꞌyá re̱ꞌ yó, chi nchu̱náán nkáꞌnú Cristo Jesús nu̱u̱nꞌ Ndiosíꞌ jie̱ꞌe̱ꞌ kua̱chi‑ó, sáva nákani núne Cristo yó kene‑ó nu̱u̱nꞌ kua̱chi‑ó, jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ re̱ꞌ.

Romanos 5:6

Chi ne̱ sáá táyáꞌ iniꞌ‑ó ntu̱náꞌ kúvi saꞌá‑ó sáva kino̱o na̱a̱ꞌ‑ó nu̱u̱nꞌ Ndiosíꞌ, jee maá tiempúꞌ ñani Ndiosíꞌ ni̱ꞌi̱ꞌ Cristo jie̱ꞌe̱ꞌ rá ñɨvɨ ntu ntɨ́ɨn kuéntáꞌ ráa Ndiosíꞌ.

Gálatas 3:10

Chi yósóni̱nu nta̱ká rá ñɨvɨ ya̱ nánukú ráa saꞌá ráa ya̱ tátúníꞌ ley vá sáva kino̱o na̱a̱ꞌ ráa nu̱u̱nꞌ Ndiosíꞌ. Chi káchíꞌ tu̱ꞌun ley nta̱túníꞌ Ndiosíꞌ ya̱ nééꞌ nu̱u̱nꞌ tutuꞌ: “Kosoni̱nu nta̱ká ráa ya̱ ntu kúníꞌin ráa kaníjiá ráa nɨꞌɨ kuitɨꞌ ya̱ tátúníꞌ ley ya̱ nééꞌ nu̱u̱nꞌ tutuꞌ.”

Efesios 1:7

Jee ni̱ꞌi̱ꞌ Cristo nu̱u̱nꞌ kurúsiꞌ jee ñatɨ ni̱ñɨ̱ꞌ re̱ꞌ sáva chunáán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi‑ó sáva nakani núne re̱ꞌ yó ya̱ nkɨ́ꞌɨ‑ó ka̱ꞌ nu̱u̱nꞌ kua̱chi‑ó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo. Jee suꞌva nékáꞌnú iniꞌ Ndiosíꞌ yó, sánikua̱ꞌ ntántúníꞌ nasɨ́kuitɨꞌ íyó mániꞌ iniꞌ re̱ꞌ néꞌyá re̱ꞌ yó,

Efesios 4:32

Chisaꞌ íyó koo va̱ꞌa ñunkúún iniꞌ rán jín ɨɨn inka táꞌán rán, jee koo ya̱ náꞌví iniꞌ rán, jee kunekáꞌnú iniꞌ rán kune̱ꞌyá rán ɨɨn inka táꞌán rán, kuéntáꞌ kua̱ꞌ sáni nne̱káꞌnú iniꞌ Ndiosíꞌ nne̱ꞌyá re̱ꞌ ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ Cristo.

Colosenses 3:13

jín ya̱ keꞌneꞌ iniꞌ rán jín táꞌán rán, jín ya̱ kunekáꞌnú iniꞌ rán kune̱ꞌyá rán ɨɨn inka táꞌán rán, retú íyó kua̱chi nsa̱ꞌá néni ɨɨn rán si̱kɨ̱ꞌ néni ɨɨn inka rán. Kuéntáꞌ kua̱ꞌ nne̱káꞌnú iniꞌ Cristo nne̱ꞌyá re̱ꞌ ránoꞌó, jee suni sukuán ranika̱ꞌ saꞌá rán.