Lucas 24:21 - Mixteco del suroeste de Tlaxiaco Oaxaca

²¹ Soo ni̱yo tu̱neí iniꞌ ránꞌ ya̱ suvire̱ꞌ vá nakani núne re̱ꞌ rá ñɨvɨ ñuunꞌ Israel nu̱u̱nꞌ xi̱ntíín Roma, nékúvi. Soo vitan jee jie̱ꞌe̱ꞌ nɨꞌɨ rá tiñu yaꞌá, jee ya̱ íyó u̱ni̱ꞌ ki̱vɨ̱ꞌ ya̱ nkuvi yaꞌá.

Lucas 24:21 交叉參考

Lucas 1:68

Na̱ ka̱ꞌ netuꞌ ka̱ꞌ kúvi I̱toꞌoꞌ‑ó ya̱ kúvi re̱ꞌ Ndiosíꞌ rá ñɨvɨ ñuunꞌ‑ó Israel, chi nkiaaꞌ re̱ꞌ nchi̱neí re̱ꞌ yó ya̱ kúvi‑ó ñɨvɨ re̱ꞌ, jee nna̱kani núne re̱ꞌ yó nu̱u̱nꞌ tu̱nóꞌó nóꞌo‑ó.

Lucas 2:38

Jee suni maá hora yukuán nkenta ña nu̱u̱nꞌ íñɨ́ ráa, jee jiáꞌa ña ya̱ kútaꞌviꞌ ña nu̱u̱nꞌ Ndiosíꞌ nákuetúꞌún ña re̱ꞌ jee nka̱jiéꞌé ña nkachiꞌ ña jie̱ꞌe̱ꞌ nchíkɨ́n vá nu̱u̱nꞌ ntáká rá ñɨvɨ rá nétu ya̱ kiji I̱toꞌoꞌ‑ó nakani núne re̱ꞌ rá ñɨvɨ ñuunꞌ Jerusalén nu̱u̱nꞌ tu̱nóꞌó nóꞌo ráa.

Hechos 1:6

I̱ña̱jée sáá nku̱tútú ráa jín Jesús, jee ni̱ka̱tu̱ꞌún ráa re̱ꞌ: ―I̱toꞌoꞌ ránꞌ, ¿á tiempúꞌ vitan nakakɨnꞌ jiáá tuku país maáó Israel ya̱ tatúníꞌ tuku ñɨvɨ maáó?

Hechos 7:28

¿Á kuíni nú kaꞌniꞌ nú nuꞌuꞌ, kuéntáꞌ ñaꞌniꞌ nú te̱e Egipto iku?”, nkachiꞌ te̱e sáꞌá kini vá.

Apoclipsis 5:9

Jee jíta ráa ɨɨn yaaꞌ jiáá ya̱ káchíꞌ suꞌva: Noꞌó ví ya̱ íyó ni̱ꞌi̱nꞌ nú tɨɨn nú tutuꞌ i̱ña̱ꞌ jee kuvi kune nú rá seyúꞌ násɨ́ꞌ maa. Chi nso̱ko̱ꞌ nú maánú ñaꞌniꞌ rá ñɨvɨ noꞌó, jee jín ni̱ñɨ̱ꞌ nú nna̱chuya̱ꞌvi nú nkeꞌen nú rá ñɨvɨ sáva nuvi ráa ñɨvɨ Ndiosíꞌ. Rá ñɨvɨ vá va̱ji nu̱u̱nꞌ ntáká tataꞌ, ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, ntáká ñuunꞌ, ntáká nu̱u̱nꞌ rá ñɨvɨ.