Lucas 2:26 - Mixteco del suroeste de Tlaxiaco Oaxaca

²⁶ Jee nstúvi ya̱chi̱ꞌ Ta̱chi̱ꞌ Ííꞌ nu̱u̱nꞌ re̱ꞌ ya̱ ni nsáꞌ kuviꞌ re̱ꞌ ne̱ ntiáꞌan kuniꞌ re̱ꞌ nu̱u̱nꞌ máá Cristo ya̱ chuichí I̱toꞌoꞌ‑ó Ndiosíꞌ.

Lucas 2:26 交叉參考

Mateo 2:12

Saájee nstúꞌva ya̱chi̱ꞌ Ndiosíꞌ ráa nu̱u̱nꞌ ñuma̱ꞌná ráa ya̱ nsáꞌ nikó ráa nu̱u̱nꞌ Herodes, saájee inka ka̱ꞌ ichi nkene ráa kua̱noꞌonꞌ ráa ñuunꞌ ráa.

Lucas 2:29

I̱toꞌoꞌ ni̱ꞌ Ndiosíꞌ, vitan jee nachuichí nú nuꞌuꞌ ya̱ kúvi musúꞌ nú kɨ̱noꞌonꞌ ni̱ꞌ jín nú, sánikua̱ꞌ nchi̱sóyuꞌú nú nu̱u̱nꞌ nuꞌuꞌ, jee ne̱ saɨn nájiáví váꞌa ánímaꞌ ni̱ꞌ.

Lucas 9:27

Soo nuꞌuꞌ jee máá naáꞌ vá káchíꞌ ni̱ꞌ nu̱u̱nꞌ rán ya̱ sava rá ñɨvɨ ya̱ íñɨ́ yaꞌá, ni nsáꞌ kuviꞌ ráa ne̱kua̱ꞌ kuniꞌ ráa tiñu ñáꞌnú níso Ndiosíꞌ ya̱ tatúníꞌ re̱ꞌ ―nkachiꞌ Jesús.

Juan 1:41

Saájee ña̱nanukú‑u ñaniꞌ‑i Simón, jee nkachiꞌ‑i nu̱u̱nꞌ Simón: ―Nna̱ketáꞌán ránꞌ Mesías ―nkachiꞌ re̱ꞌ. Mesías kuíni kachiꞌ Cristo [ya̱ ñani Ndiosíꞌ sáva tatúníꞌ nu̱u̱nꞌ ñɨ̱vɨ́].

Juan 20:31

Soo rá tu̱ꞌun yaꞌá ntee ni̱ꞌ nu̱u̱nꞌ tutuꞌ yaꞌá, sáva ránoꞌó ji̱nu̱ꞌ iniꞌ rán ya̱ Jesús kúvi re̱ꞌ Cristo, ya̱ nátavaꞌ‑a ñɨvɨ nu̱u̱nꞌ kua̱chi ráa, jín ya̱ kúvi re̱ꞌ Se̱ꞌya Ndiosíꞌ, jee sáva ni̱ꞌi̱nꞌ rán ya̱ kutekuꞌ rán nɨ́ɨ́nkání jín re̱ꞌ jie̱ꞌe̱ꞌ ya̱ kúneí iniꞌ rán re̱ꞌ.

Juan 4:29

―Neꞌenꞌ rán jee kuniꞌ rán ɨɨn te̱e ya̱ nkachiꞌ re̱ꞌ nu̱u̱nꞌ ni̱ꞌ nta̱ká ya̱ nsa̱ꞌá ni̱ꞌ. ¿Á nsú te̱e yaꞌá kúvi Cristo? ―nkachiꞌ ña.

Juan 8:51

Máá nááꞌ vá káchíꞌ ni̱ꞌ nu̱u̱nꞌ rán, ya̱ retú néni ɨɨn ñɨvɨ ya̱ chuꞌun iniꞌ tu̱ꞌun ni̱ꞌ, jee ni nsáꞌ kuviꞌ ánímaꞌ‑a chi koo‑o jín Ndiosíꞌ nɨ́ɨ́nkání ―nkachiꞌ Jesús.

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.

Hechos 17:3

Nna̱kachiꞌ va̱ꞌa re̱ꞌ ka̱ꞌ tu̱ꞌun vá. Jee nxi̱néꞌénꞌ re̱ꞌ ya̱ Tu̱ꞌun Ndiosíꞌ nkachiꞌ‑i ya̱ Cristo, jee íyó kunoꞌo‑o jee natekuꞌ i̱i̱ꞌ‑i kene nteñu rá níꞌiꞌ. Jee nkachiꞌ Pablo: ―Cristo ví Jesús. Maáréꞌ ví ya̱ stékútu̱ꞌún ni̱ꞌ nu̱u̱nꞌ rán.

Hechos 2:36

―Saájee kukáꞌnú na̱a̱ꞌ iniꞌ ntáká ñɨvɨ tataꞌ Israel, ya̱ ñani Ndiosíꞌ Jesús yaꞌá ya̱ kuvi‑i I̱toꞌoꞌ‑ó jín ya̱ kuvi‑i Cristo, sáva natavaꞌ re̱ꞌ ñɨvɨ nu̱u̱nꞌ kua̱chi ráa. Jesús yaꞌá ví ya̱ nte̱kaa rán nu̱u̱nꞌ kurúsiꞌ jee ñaꞌniꞌ rán maa ―nkachiꞌ Pedro.

Hechos 9:20

Jee kuíntañúꞌún nste̱kútu̱ꞌún re̱ꞌ jie̱ꞌe̱ꞌ Jesús iniꞌ rá veꞌi sinagoga nu̱u̱nꞌ kútútú rá ñɨvɨ Israel nu̱u̱nꞌ súkuáꞌa ráa Tu̱ꞌun Ndiosíꞌ. Nkachiꞌ re̱ꞌ ya̱ Jesús kúvi Se̱ꞌya Ndiosíꞌ.

Hebreos 11:5

Jee Enoc ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, jee saáva nna̱keꞌen tékúꞌ Ndiosíꞌ maa kua̱ꞌa̱nꞌ re̱ꞌ jín‑i antivɨ́ sáva ntu níꞌíꞌ‑i. Jee ntu̱ví nnániꞌinꞌ rá ñɨvɨ maa, chi maá Ndiosíꞌ nna̱keꞌen maa kua̱ꞌa̱nꞌ re̱ꞌ jín‑i. Chi ne̱ sáá ntiáꞌan ka̱ꞌ nakeꞌen re̱ꞌ maa jee nni̱ꞌi̱nꞌ‑i ya̱ nákuetúꞌún Ndiosíꞌ ya̱ nkuva̱ꞌa iniꞌ re̱ꞌ nne̱ꞌyá re̱ꞌ maa.