17 Jee sáá niniꞌ ráa nchíkɨ́n vá, jee nsi̱kúkáꞌnú ráa iniꞌ rá ñɨvɨ jie̱ꞌe̱ꞌ ya̱ nkachiꞌ rá najiáꞌáꞌ ííꞌ vá nu̱u̱nꞌ ráa jie̱ꞌe̱ꞌ nchíkɨ́n vá.
Saájee ne̱ numíjiꞌíꞌ kua̱ꞌa̱nꞌ ráa, jee nna̱niꞌinꞌ ráa María jín José, jín nchíkɨ́n vá, káá‑a ɨɨn nu̱u̱nꞌ ñúꞌún ya̱ yájíꞌ rá sa̱na̱ꞌ.
Jee ntáká rá ñɨvɨ ya̱ nteso̱ꞌo ráa maa nti̱vɨ́ xíniꞌ ráa jie̱ꞌe̱ꞌ tu̱ꞌun ya̱ nkachiꞌ rá te̱e náka lanchi vá nu̱u̱nꞌ ráa.
Jee suni maá hora yukuán nkenta ña nu̱u̱nꞌ íñɨ́ ráa, jee jiáꞌa ña ya̱ kútaꞌviꞌ ña nu̱u̱nꞌ Ndiosíꞌ nákuetúꞌún ña re̱ꞌ jee nka̱jiéꞌé ña nkachiꞌ ña jie̱ꞌe̱ꞌ nchíkɨ́n vá nu̱u̱nꞌ ntáká rá ñɨvɨ rá nétu ya̱ kiji I̱toꞌoꞌ‑ó nakani núne re̱ꞌ rá ñɨvɨ ñuunꞌ Jerusalén nu̱u̱nꞌ tu̱nóꞌó nóꞌo ráa.
―Kuánoꞌonꞌ veꞌi nú, jee nakani nú nɨꞌɨ ya̱ nsa̱ꞌá Ndiosíꞌ jín nú ―nkachiꞌ Jesús. Saájee kua̱ꞌa̱nꞌ te̱e vá jee káchítu̱ꞌún re̱ꞌ kua̱íyó nu̱u̱nꞌ ñuunꞌ yukuán jie̱ꞌe̱ꞌ ntántúníꞌ nsa̱ꞌá Jesús jie̱ꞌe̱ꞌ re̱ꞌ.
