Lucas 1:53 - Mixteco del suroeste de Tlaxiaco Oaxaca

⁵³ Jee rá ñɨvɨ ya̱ jíꞌíꞌ ráa so̱ko jee njia̱ꞌa víꞌí re̱ꞌ nu̱u̱nꞌ ráa ya̱ kajiꞌ ráa, jee rá ñɨvɨ kúká, jee nna̱chuichí saɨn re̱ꞌ ráa.

Lucas 1:53 交叉參考

Mateo 5:6

Na̱ ka̱ꞌ netuꞌ ka̱ꞌ kúvi rá ñɨvɨ ya̱ va̱ne̱ꞌ jíso̱ko iniꞌ ráa, jín ya̱ va̱ne̱ꞌ jíchíꞌ iniꞌ ráa ya̱ ñúꞌún iniꞌ ráa kino̱o na̱a̱ꞌ ráa nu̱u̱nꞌ Ndiosíꞌ, chi ne̱kuva̱ꞌa iniꞌ ráa saꞌá Ndiosíꞌ ya̱ kino̱o na̱a̱ꞌ ráa nu̱u̱nꞌ re̱ꞌ.

Lucas 1:54

Jee nchi̱neí nchituvi re̱ꞌ yó ñɨvɨ ñuunꞌ Israel, ya̱ kúvi‑ó musúꞌ re̱ꞌ, chi nákúꞌun iniꞌ re̱ꞌ ya̱ kunáꞌví iniꞌ re̱ꞌ,

Lucas 6:21

’Na̱ ka̱ꞌ netuꞌ ka̱ꞌ kúvi ránoꞌó ñɨvɨ ya̱ vitan jíꞌíꞌ rán so̱ko, chi koo ya̱ kajiꞌ rán ne̱ kuvi iniꞌ rán. ’Na̱ ka̱ꞌ netuꞌ ka̱ꞌ kúvi ránoꞌó ya̱ vitan náꞌyúꞌ rán, chi kiji ya̱ ne̱ kue̱ku̱ꞌ rán.

Lucas 6:24

’Chisaꞌ, ¡na̱ ka̱ꞌ náꞌví ka̱ꞌ ránoꞌó ñɨvɨ kúká ya̱ kunoꞌo rán!, chi ya̱ nni̱ꞌi̱nꞌ rán nɨꞌɨ ya̱ kusɨ̱ɨ̱ꞌ iniꞌ rán ni tékúꞌ rán jee ntu̱náꞌ ni̱ꞌi̱nꞌ rán ka̱ꞌ ichinúúnꞌ ka̱ꞌ.

Juan 6:35

Jee nkachiꞌ Jesús nu̱u̱nꞌ ráa: ―Nuꞌuꞌ ví i̱xta̱tíláꞌ ya̱ saꞌá ni̱ꞌ ya̱ kutekuꞌ ñɨvɨ nɨ́ɨ́nkání jín Ndiosíꞌ. Jee ɨɨn ñɨvɨ ya̱ nátuꞌva nuꞌuꞌ, jee kuéntáꞌ ni nsáꞌ kujiso̱ko kuitɨꞌ ráa. Jee ɨɨn ñɨvɨ ya̱ kúneí iniꞌ‑i nuꞌuꞌ, jee kuéntáꞌ ni nsáꞌ kujichiꞌ ka̱ꞌ iniꞌ ráa.

1 Corintios 1:26

Ránoꞌó, ñaniꞌ jín ku̱ꞌva, tɨɨn kuéntáꞌ rán ya̱ maá Ndiosíꞌ nkana ránoꞌó sáva i̱nu̱ꞌ iniꞌ rán Cristo jee ki̱vɨ rán naꞌá re̱ꞌ, jee ya jíníꞌ va̱ꞌa rán ya̱ ntu íyó kue̱ꞌe̱ꞌ rán ya̱ kúvi ñɨvɨ níchí sáni jiáni iniꞌ rá ñɨvɨ ñɨ̱vɨ́ ya̱ kúvi ya̱ níchí, jee ntu íyó kue̱ꞌe̱ꞌ rán ya̱ níso tiñu ñáꞌnú tatúníꞌ rán, jee ni ntu̱ví íyó kue̱ꞌe̱ꞌ rán ya̱ nkaku rán nu̱u̱nꞌ ñɨvɨ ya̱ kúñáꞌnú ka̱ꞌ.

1 Corintios 4:8

Chi ya kúváꞌa iniꞌ rán ya̱ jiáni iniꞌ rán ya̱ kúmí rán nɨꞌɨ ya̱ jíniñúꞌún rán, ya̱ kuéntáꞌ retú ya nkukúká rán. Jee jiáni iniꞌ rán ya̱ kuvi tatúníꞌ maárán, jee ni ntu ka̱ꞌ jíniñúꞌún rán ránuꞌuꞌ kúníꞌ rán. Jee varésukuán jee kuvi tatúníꞌ nijia rán, sáva suni kuvi tatúníꞌ ránuꞌuꞌ jín ránoꞌó.