Juan 5:7 - Mixteco del suroeste de Tlaxiaco Oaxaca

⁷ Jee nna̱xiníkó te̱e kúꞌvíꞌ vá: ―Tátáꞌ, ntu̱ví íyó né ɨɨn ya̱ chineí nuꞌuꞌ sikívɨ‑ɨ nuꞌuꞌ nu̱u̱nꞌ pila nute sáá kántáꞌ‑a, jee ni kua̱ꞌa̱nꞌ ni̱ꞌ xíꞌna ka̱ꞌ inka ñɨvɨ kívɨ nu̱u̱nꞌ nute nsú káꞌ nuꞌuꞌ ―nkachiꞌ re̱ꞌ.

Juan 5:7 交叉參考

Juan 5:2

Jee nu̱u̱nꞌ ñuunꞌ Jerusalén vá íyó ɨɨn pila nute ya̱ naní Betesda tu̱ꞌun hebreo. Jee káá pila vá yatin ɨɨn rá yuvéꞌí nu̱u̱nꞌ ki̱vɨ̱ꞌ rá ñɨvɨ ñuunꞌ Jerusalén naní‑i Yuvéꞌí Lanchi. Jee íyó ne̱ u̱ꞌu̱nꞌ yúvéꞌi pila vá.

Juan 5:3

Jee rá yúvéꞌi vá káá kue̱ꞌe̱ꞌ víꞌí rá ñɨvɨ kúꞌvíꞌ: rá kuáá, rá lénkó, jín rá ntu kúvi kantaꞌ, [jee káá ráa yukuán nétu ráa ya̱ ne̱yu̱ꞌ nu̱u̱nꞌ nuteñúꞌún iniꞌ pila vá.

Juan 5:4

Chi íyó sava íchí jee kíji nkuun ɨɨn najiáꞌáꞌ ííꞌ Ndiosíꞌ nu̱u̱nꞌ pila nute vá, jee síkántáꞌ‑a nute vá. Jee ñɨvɨ xíꞌnañúꞌún ka̱ꞌ ki̱vɨ̱ꞌ nu̱u̱nꞌ nute vá retú kántáꞌ‑a, jee nuvi ñɨvɨ vá nu̱u̱nꞌ na̱ni kue̱ꞌi̱ꞌ nóꞌo‑o.]

Juan 5:6

Jee sáá niniꞌ Jesús maa káá‑a, jee niniꞌ re̱ꞌ ya̱ ya nkuvi kue̱ꞌe̱ꞌ víꞌí kui̱ya̱ꞌ ya̱ kúꞌvíꞌ‑i jee nkachiꞌ re̱ꞌ nu̱u̱nꞌ‑u: ―¿Á kuíni nú nuvi nú? ―nkachiꞌ Jesús.

Romanos 5:6

Chi ne̱ sáá táyáꞌ iniꞌ‑ó ntu̱náꞌ kúvi saꞌá‑ó sáva kino̱o na̱a̱ꞌ‑ó nu̱u̱nꞌ Ndiosíꞌ, jee maá tiempúꞌ ñani Ndiosíꞌ ni̱ꞌi̱ꞌ Cristo jie̱ꞌe̱ꞌ rá ñɨvɨ ntu ntɨ́ɨn kuéntáꞌ ráa Ndiosíꞌ.

1 Corintios 9:24

Jee, ¿á ntu jíníꞌ rán ya̱ sáá kunu rá ñɨvɨ jee ntáká kuitɨꞌ ráa jínu nijia, soo kua̱chi métúꞌún ɨɨn ni ví ya̱ kúneí‑i ni̱ꞌi̱nꞌ‑i kutaꞌviꞌ‑i ta̱ꞌvi̱ꞌ‑i rúja? Saáva suni sukuán kuéntáꞌ jínu ɨɨn ñɨvɨ, íyó kueꞌnu rán kuniꞌvɨꞌ iniꞌ rán kuiñɨ ni̱ꞌin rán jín tu̱ꞌun re̱ꞌ sáva kuneí rán ni̱ꞌi̱nꞌ rán ta̱ꞌvi̱ꞌ kutaꞌviꞌ rán ya̱ nachunáán re̱ꞌ nu̱u̱nꞌ ránoꞌó.