Juan 5:15 - Mixteco del suroeste de Tlaxiaco Oaxaca

¹⁵ Jee kua̱ꞌa̱nꞌ te̱e vá, jee nkachiꞌ re̱ꞌ nu̱u̱nꞌ rá te̱e kúñáꞌnú nu̱u̱nꞌ ñɨvɨ Israel, ya̱ Jesús ví te̱e ya̱ nxi̱núvi‑i re̱ꞌ.

Juan 5:15 交叉參考

Marcos 1:45

Soo kua̱ꞌa̱nꞌ te̱e vá jee nka̱jiéꞌé nna̱kani víꞌí‑i nu̱u̱nꞌ nɨꞌɨ rá ñɨvɨ. Jee ñe̱te̱nuun tu̱ꞌun jie̱ꞌe̱ꞌ ya̱ nkuvi yukuán, saáva ntu nkúvi ka̱ꞌ ki̱vɨ nijinꞌ Jesús nu̱u̱nꞌ ni ɨɨn rá ñuunꞌ. Chisaꞌ ni̱kónúun iyo re̱ꞌ nu̱u̱nꞌ ñu̱ꞌún sáɨn, jee nkiji rá ñɨvɨ ne̱ ntáká ichi nu̱u̱nꞌ re̱ꞌ.

Juan 1:19

Jee rá tee nísotíñú nu̱u̱nꞌ rá ñɨvɨ Israel nchu̱ichí ráa sava rá su̱tu̱ꞌ jín sava rá te̱e tataꞌ Leví, ya̱ sátíñú nu̱u̱nꞌ veñu̱ꞌun káꞌnú, ne̱ nu̱u̱nꞌ ñuunꞌ Jerusalén kɨ̱ꞌɨ̱nꞌ ráa nu̱u̱nꞌ Juan sáva katu̱ꞌún ráa re̱ꞌ: ―¿Né ɨɨn kúvi nú? Jee yaꞌá ví ya̱ naáꞌ njia̱ꞌa Juan.

Juan 4:29

―Neꞌenꞌ rán jee kuniꞌ rán ɨɨn te̱e ya̱ nkachiꞌ re̱ꞌ nu̱u̱nꞌ ni̱ꞌ nta̱ká ya̱ nsa̱ꞌá ni̱ꞌ. ¿Á nsú te̱e yaꞌá kúvi Cristo? ―nkachiꞌ ña.

Juan 5:10

Saájee rá te̱e kúñáꞌnú nu̱u̱nꞌ rá ñɨvɨ Israel nkachiꞌ ráa nu̱u̱nꞌ te̱e ya̱ nnuvi vá: ―Ki̱vɨ̱ꞌ nájiáví kúvi vitan, jee ntu yɨ́netuꞌ kuniso nú tu̱nchi̱só nú ―nkachiꞌ ráa.

Juan 5:12

Saájee ni̱ka̱tu̱ꞌún ráa maa: ―¿Né ɨɨn ví ya̱ nkachiꞌ nu̱u̱nꞌ nú: “Nakeꞌen nú tu̱nchi̱só nú, jee kaka”? ―nkachiꞌ ráa.

Juan 5:16

Saáva jie̱ꞌe̱ꞌ yaꞌá kúvi ya̱ rá te̱e kúñáꞌnú nu̱u̱nꞌ ñɨvɨ Israel nito u̱ꞌvi̱ꞌ ráa Jesús, jee nniꞌvɨꞌ iniꞌ ráa kaꞌniꞌ ráa maa, chi sáꞌá re̱ꞌ rá tiñu yaꞌá ki̱vɨ̱ꞌ nájiáví.

Juan 5:18

Saáva jie̱ꞌe̱ꞌ rá tiñu yukuán, jee saꞌ víꞌí káꞌ nniꞌvɨꞌ iniꞌ rá te̱e kúñáꞌnú nu̱u̱nꞌ ñɨvɨ Israel ya̱ kaꞌniꞌ ráa maa, chi nsú kua̱chi kuitɨꞌ jie̱ꞌe̱ꞌ ya̱ njia̱ꞌa re̱ꞌ nu̱u̱nꞌ ya̱ tátúníꞌ ráa jie̱ꞌe̱ꞌ ki̱vɨ̱ꞌ nájiáví, chisaꞌ suni nkachiꞌ re̱ꞌ ya̱ máá Ndiosíꞌ kúvi Tátáꞌ maáréꞌ, ya̱ sáꞌá nuún re̱ꞌ maáréꞌ jín Ndiosíꞌ.

Juan 9:15

Jee tukuni rá te̱e fariseo vá ni̱ka̱tu̱ꞌún ráa máá te̱e vá na̱sa nkuvi jee nna̱kune̱ꞌyá re̱ꞌ. Jee nkachiꞌ re̱ꞌ nu̱u̱nꞌ ráa: ―Ntee Jesús ne̱ꞌyu̱ꞌ nu̱u̱nꞌ rá nchinúún ni̱ꞌ, jee nna̱kete ni̱ꞌ nu̱u̱nꞌ ni̱ꞌ, jee nkuvi nna̱kune̱ꞌyá ni̱ꞌ ―nkachiꞌ te̱e ya̱ nna̱kune̱ꞌyá vá.

Juan 9:25

Saájee nna̱xiníkó re̱ꞌ: ―Ntu̱ví jíníꞌ ni̱ꞌ retú te̱e íyó kua̱chi kúvi te̱e yukuán. Kua̱chi vá jíníꞌ ni̱ꞌ ɨɨn tiñu ni, ya̱ nkuvi ni̱ꞌ ɨɨn te̱e kuáá nékúvi, jee ntañúꞌún jee néꞌyá ni̱ꞌ.

Juan 9:30

Saájee nna̱xiníkó te̱e vá, jee nkachiꞌ‑i nu̱u̱nꞌ ráa: ―Na̱ ka̱ꞌ xtívɨ́‑ɨ xi̱ni̱ꞌ ni̱ꞌ ya̱ ntu̱ví jíníꞌ rán ne̱ núꞌ va̱ji re̱ꞌ, soo nsa̱ꞌá re̱ꞌ nnu̱nijinꞌ rá nchinúún ni̱ꞌ.

Juan 9:34

Saájee nna̱xiníkó ráa, jee nkachiꞌ ráa nu̱u̱nꞌ re̱ꞌ: ―Noꞌó chi ne̱ ki̱vɨ̱ꞌ nkaku nú jee ne̱ íyó chitú kanáa noꞌó jín kua̱chi. Jee, ¿á noꞌó xínéꞌénꞌ nú nu̱u̱nꞌ ránuꞌuꞌ rúja? ―nkachiꞌ ráa, jee íchí ntavaꞌ ráa re̱ꞌ iniꞌ veꞌi sinagoga vá ya̱ ni ntu jiáꞌa ráa ka̱ꞌ ki̱vɨ re̱ꞌ maa.