Juan 18:12 - Mixteco del suroeste de Tlaxiaco Oaxaca

¹² Saájee rá soldado jín te̱e tátúníꞌ nu̱u̱nꞌ ráa, jín rá te̱e kúmí veñu̱ꞌun káꞌnú ya̱ nta̱jí rá te̱e kúñáꞌnú nu̱u̱nꞌ Israel, ntɨɨn ráa Jesús, jee nte̱nuꞌniꞌ ráa re̱ꞌ.

Juan 18:12 交叉參考

Génesis 22:9

Jee nkenta ráa nu̱u̱nꞌ kúvi nu̱u̱nꞌ nkachiꞌ Ndiosíꞌ nu̱u̱nꞌ re̱ꞌ jee yukuán nsamaꞌ re̱ꞌ yu̱u̱ꞌ nu̱u̱nꞌ so̱ko̱ꞌ re̱ꞌ nu̱u̱nꞌ Ndiosíꞌ, jee nchi̱só re̱ꞌ yutun nu̱u̱nꞌ‑u, jee nte̱nuꞌniꞌ re̱ꞌ se̱ꞌya re̱ꞌ Isaac, jee nchi̱só re̱ꞌ maa nu̱u̱nꞌ nsamaꞌ re̱ꞌ nu̱u̱nꞌ yutun.

Génesis 40:3

Jee nta̱jí re̱ꞌ ráa kɨ̱ꞌɨ̱nꞌ ráa iniꞌ veka̱a nu̱u̱nꞌ nééꞌ veꞌi te̱e ya̱ kúvi capitán tátúníꞌ yósóꞌ nu̱u̱nꞌ rá ñɨvɨ jiátíñú Faraón jee nchiꞌi rá soldado rá te̱e vá iniꞌ veka̱a vá, nu̱u̱nꞌ yɨ́ꞌɨ́ José ranika̱ꞌ.

Mateo 26:57

Jee rá te̱e ntɨɨn Jesús, kua̱ꞌa̱nꞌ ráa jín re̱ꞌ nu̱u̱nꞌ Caifás, ya̱ kúvi su̱tu̱ꞌ kúñáꞌnú ka̱ꞌ, jee yukuán íyó tútú rá te̱e xínéꞌénꞌ tu̱ꞌun nta̱túníꞌ Ndiosíꞌ, jín rá te̱e kúñáꞌnú yósóꞌ nu̱u̱nꞌ rá ñɨvɨ ñuunꞌ Israel.

Mateo 27:2

Jee niꞌniꞌ ráa re̱ꞌ, jee kua̱ꞌa̱nꞌ ráa jín re̱ꞌ jee nna̱ku̱ꞌva ráa re̱ꞌ xi̱ntíín Pilato ya̱ kúvi te̱e ñuunꞌ Roma, ya̱ tátúníꞌ nu̱u̱nꞌ ñuunꞌ Israel.

Mateo 27:27

Saájee rá soldado gobernador vá kua̱ꞌa̱nꞌ ráa jín Jesús chíkéꞌi nééꞌ iniꞌ vetíñú, naní pretorio, nu̱u̱nꞌ yɨ́ꞌɨ́ rá soldado, jee nna̱stútú ráa ntáká rá táꞌán soldado ráa jee ne̱ nkuti̱yu̱ꞌ ráa xiín Jesús.

Marcos 14:53

Jee ña̱na̱ka ráa Jesús nu̱u̱nꞌ su̱tu̱ꞌ kúñáꞌnú ka̱ꞌ. Jee nku̱tútú ntáká rá su̱tu̱ꞌ kúñáꞌnú, jín rá te̱e kúñáꞌnú, jín rá te̱e xínéꞌénꞌ tu̱ꞌun nta̱túníꞌ Ndiosíꞌ yanaꞌán.

Marcos 15:1

Jee ya̱neꞌenꞌ, nna̱túꞌún rá su̱tu̱ꞌ kúñáꞌnú, jín rá te̱e kúñáꞌnú, jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín nɨꞌɨ rá inka ka̱ꞌ te̱e yɨ́ꞌɨ́ Justicia Ñáꞌnú ya̱ néen kuéntáꞌ ráa nu̱u̱nꞌ Israel. Jee niꞌniꞌ ráa Jesús, jee nnaka ráa maa, jee nna̱ku̱ꞌva ráa maa xi̱ntíín Pilato.

Lucas 22:54

Saájee ntɨɨn ráa Jesús, jee ña̱na̱ka ráa re̱ꞌ veꞌi su̱tu̱ꞌ kúñáꞌnú ka̱ꞌ, jee nnikɨnꞌ jíka Pedro ya̱ta̱ꞌ rá ñɨvɨ ya̱ kua̱ꞌa̱nꞌ jín Jesús.

Juan 18:3

Saájee nkenta Judas yukuán náka kue̱ꞌe̱ꞌ víꞌí rá soldado, jín rá te̱e kúmí veñu̱ꞌun káꞌnú, ya̱ nta̱jí rá su̱tu̱ꞌ kúñáꞌnú jín rá fariseo ráa kua̱ꞌa̱nꞌ ráa, jee ínaꞌá ráa rá kantil, jín rá ñuꞌunꞌ itɨ sújié, jee níso ráa rá yuchiꞌ espada ráa.

Hechos 10:1

Íyó ɨɨn te̱e nééꞌ ñuunꞌ Cesarea, ya̱ naní re̱ꞌ Cornelio. Kúvi re̱ꞌ capitán ya̱ tátúníꞌ nu̱u̱nꞌ ɨɨn sientúꞌ (100) soldado ejército Roma. Yɨ́ꞌɨ́ re̱ꞌ nu̱u̱nꞌ batallón naní Italiano.

Hechos 21:31

Sáá nnu̱kú ráa kaꞌniꞌ ráa maa, jee nkanta tu̱ꞌun nu̱u̱nꞌ general, ya̱ tátúníꞌ re̱ꞌ nu̱u̱nꞌ rá soldado Roma, ya̱ íyó ti̱xi̱nꞌ nɨꞌɨ ñuunꞌ Jerusalén.

Hechos 21:37

Sáá ma̱kuáꞌ ki̱vɨ ráa iniꞌ veꞌi vá, jee Pablo nkachiꞌ nu̱u̱nꞌ general: ―¿Á kuvi kachiꞌ ni̱ꞌ ntíꞌ nu̱u̱nꞌ nú? Jee nkachiꞌ general: ―¿Á jíníꞌ nú kaꞌanꞌ nú tu̱ꞌun griego?

Hechos 23:10

Sáá nxi̱níꞌin víꞌí ka̱ꞌ kántátúꞌun ráa, jee nyu̱ꞌví víꞌí general, chi nkaꞌvi iniꞌ re̱ꞌ, ya̱ tasáva ráa Pablo. Saáva nta̱túníꞌ re̱ꞌ nu̱u̱nꞌ rá soldado, ya̱ natavaꞌ ráa maa nteñu rá ñɨvɨ, jee kɨ̱naka ráa maa nu̱u̱nꞌ veꞌi cuartel nu̱u̱nꞌ nééꞌ rá soldado.