Juan 15:16 - Mixteco del suroeste de Tlaxiaco Oaxaca

¹⁶ Chi nsú ránoꞌó nka̱ji rán nuꞌuꞌ, chisaꞌ nuꞌuꞌ nka̱ji ni̱ꞌ ránoꞌó ya̱ kɨꞌɨ rán nu̱u̱nꞌ ni̱ꞌ, jee ñani ni̱ꞌ ránoꞌó kuneeꞌ tiñu si̱kɨ̱ꞌ rán, sáva saꞌá rán tiñu ni̱ꞌ kuéntáꞌ kúun uva, sáva tiñu váꞌa vá kino̱o‑o kutú‑u. Sáva néni ɨɨn ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee taji re̱ꞌ maa nu̱u̱nꞌ rán.

Juan 15:16 交叉參考

Génesis 18:18

Chi íyó nijia ya̱ Abraham vá kuvi re̱ꞌ tátáꞌ ɨɨn nación máá kúñáꞌnú jín koo fesáꞌ‑a. Jee kuatíñú ni̱ꞌ maáréꞌ sáva saꞌá ni̱ꞌ ya̱ netuꞌ kuvi ntáká rá nación ñɨ̱vɨ́ yaꞌá.

Mateo 21:22

Jee ntáká ya̱ ka̱ka̱nꞌ rán, ni jíkánꞌ táꞌvíꞌ rán nu̱u̱nꞌ Ndiosíꞌ, jee i̱nu̱ꞌ iniꞌ rán jee ni̱ꞌi̱nꞌ rán maa ―nkachiꞌ Jesús.

Mateo 7:7

’Ka̱ka̱nꞌ táꞌvíꞌ nu̱u̱nꞌ Ndiosíꞌ, jee taji re̱ꞌ ya̱ jíniñúꞌún rán. Nukú rá tiñu váꞌa íyó nu̱u̱nꞌ re̱ꞌ jee naniꞌinꞌ rán ya̱ taji re̱ꞌ. Jee ka̱ka̱nꞌ táꞌvíꞌ rán nu̱u̱nꞌ re̱ꞌ kuéntáꞌ kua̱ꞌ síkájián yuvéꞌí jee síkúne re̱ꞌ maa.

Lucas 6:13

Jee sáá nku̱nijinꞌ, jee nkana re̱ꞌ rá te̱e kútáꞌán jín re̱ꞌ súkuáꞌa re̱ꞌ, jee nka̱ji re̱ꞌ u̱xu̱ꞌ u̱vi̱ꞌ (12) ráa, ya̱ suni nsi̱kúnání re̱ꞌ ráa apóstol, sáva kuvi ráa najiáꞌáꞌ re̱ꞌ chuichí re̱ꞌ.

Juan 13:18

’Nsú jie̱ꞌe̱ꞌ ntáká rán káꞌánꞌ ni̱ꞌ. Chi jíníꞌ ni̱ꞌ né ɨɨn ví ránoꞌó ya̱ nka̱ji ni̱ꞌ. Soo sáva sikúnkuvi rá tu̱ꞌun ya̱ nééꞌ nu̱u̱nꞌ Tutuꞌ níso Tu̱ꞌun Ndiosíꞌ ya̱ káꞌánꞌ‑a jie̱ꞌe̱ꞌ nuꞌuꞌ, jee káchíꞌ‑i: Te̱e ya̱ yájíꞌ nkáá jín nuꞌuꞌ, jee nkenta re̱ꞌ si̱kɨ̱ꞌ ni̱ꞌ, káchíꞌ nu̱u̱nꞌ Tutuꞌ.

Juan 15:19

Chi retánꞌ íñɨ́ i̱i̱ꞌ rán ichi jiáꞌnu rá ñɨvɨ ñɨ̱vɨ́ ya̱ ntu yɨ́ꞌɨ́ ráa xi̱ntíín Ndiosíꞌ, saájee íyó kunu̱u̱nꞌ ráa ránoꞌó, kuéntáꞌ ñúnúunꞌ ráa rá ñɨvɨ íñɨ́ jín ráa. Soo jie̱ꞌe̱ꞌ ya̱ nka̱ji ni̱ꞌ ránoꞌó ya̱ nsáꞌ kɨꞌɨ rán ka̱ꞌ nu̱u̱nꞌ ñujiínꞌ ñɨvɨ ñɨ̱vɨ́ yaꞌá jee ntu káꞌ jiáꞌnu rán kuéntáꞌ jiáꞌnu ráa. Jee jie̱ꞌe̱ꞌ saáva táꞌvi iniꞌ ráa néꞌyá ráa ránoꞌó.

Juan 15:5

’Chi nuꞌuꞌ, jee kúvi ni̱ꞌ kuéntáꞌ yokúꞌúꞌ káꞌnú yu̱ku̱ꞌ uva vá, jee ránoꞌó, chi kúvi rán kuéntáꞌ rá yokúꞌúꞌ kuáchí ya̱ kéne i̱ka̱ꞌ yokúꞌúꞌ káꞌnú vá. Chi néni ɨɨn ñɨvɨ ya̱ íñɨ́ ni̱ꞌin kino̱o kutú nu̱u̱nꞌ nuꞌuꞌ, jee suni kuiñɨ ni̱ꞌin ni̱ꞌ koo ni̱ꞌ jín ñɨvɨ vá, jee ñɨvɨ yaꞌá ví ya̱ sáꞌá tiñu váꞌa ya̱ kuíni Ndiosíꞌ. Chi retú ntu̱ví íñɨ́ ni̱ꞌin ñɨvɨ vá jín nuꞌuꞌ, jee kuéntáꞌ íyó sɨ́ɨ́n‑ɨ nu̱u̱nꞌ ni̱ꞌ, jee ni nkúvi na̱ saꞌá‑a ni ɨɨn tiñu váꞌa sáni kuíni Ndiosíꞌ.

Juan 6:70

Jee nna̱xiníkó Jesús nu̱u̱nꞌ ráa: ―¿Á nsú nuꞌuꞌ nka̱ji ni̱ꞌ u̱xu̱vi̱ꞌ (12) ránoꞌó rúja? Jee ɨɨn ránoꞌó kúvi kui̱ꞌna̱ꞌ.

Hechos 1:24

Jee nkaꞌanꞌ ráa jín Ndiosíꞌ, jee nkachiꞌ ráa: ―I̱toꞌoꞌ‑ó, suvinú vá, nijin iniꞌ nú na̱sa kúvi ánímaꞌ ntáká ñɨvɨ. Stúvi nú nu̱u̱nꞌ ránꞌ, né ɨɨn núvíꞌ rá yaꞌá vá nka̱ji nú,

Hechos 1:8

Soo ni̱ꞌi̱nꞌ rán fuersáꞌ ííꞌ sáá kenta Ta̱chi̱ꞌ Ííꞌ kɨꞌɨ re̱ꞌ iniꞌ rán. Jee kuvi rán ñɨvɨ, ya̱ istúvi rán ya̱ naáꞌ jie̱ꞌe̱ꞌ nuꞌuꞌ nu̱u̱nꞌ rá ñɨvɨ ñuunꞌ Jerusalén jín nu̱u̱nꞌ nɨꞌɨ rá sánitɨ́ɨn Judea jín Samaria, jín nu̱u̱nꞌ rá ñɨvɨ íyó rá ñuunꞌ íká ka̱ꞌ nu̱u̱nꞌ nɨ́ɨ́nkáꞌnú ñɨ̱vɨ́ ―nkachiꞌ Jesús.

Hechos 10:41

Soo nsú nu̱u̱nꞌ nɨꞌɨ ñɨvɨ ntu̱vi re̱ꞌ nsa̱ꞌá Ndiosíꞌ, chisaꞌ kua̱chi nu̱u̱nꞌ ráníꞌ, chi ñani ya̱chi̱ꞌ Ndiosíꞌ ránuꞌuꞌ ne̱ ntiáꞌan nkenta tiempúꞌ, sáva nástúvi ránꞌ ya̱ naáꞌ jie̱ꞌe̱ꞌ Jesús. Ránuꞌuꞌ kúvi ya̱ nyajiꞌ nkáá ránꞌ jín re̱ꞌ, jee niꞌi ránꞌ jín re̱ꞌ, ne̱sá nna̱tekuꞌ i̱i̱ꞌ re̱ꞌ nteñu rá níꞌiꞌ.

Hechos 22:14

Jee nkachiꞌ re̱ꞌ: “Ndiosíꞌ, ya̱ nneñu̱ꞌun rá jííꞌ yanaꞌán‑ó, ñani re̱ꞌ nó sáva kuniꞌ nú ya̱ kuíni re̱ꞌ saꞌá nú, jee sáva kune̱ꞌyá nú máá maá te̱e ya̱ na̱a̱ꞌ kúvi re̱ꞌ nu̱u̱nꞌ Ndiosíꞌ, jee sáva teso̱ꞌo nú ya̱ kaꞌanꞌ re̱ꞌ.

Hechos 9:15

Soo nkachiꞌ I̱toꞌoꞌ‑ó nu̱u̱nꞌ re̱ꞌ: ―Kuáꞌán. Chi kúvi re̱ꞌ te̱e nka̱ji ni̱ꞌ sáva kuatíñú ni̱ꞌ maa, sáva kɨ̱ꞌɨ̱nꞌ re̱ꞌ jín tu̱ꞌun jie̱ꞌe̱ꞌ ni̱ꞌ nu̱u̱nꞌ rá ñɨvɨ ntu kúvi Israel, jín nu̱u̱nꞌ rá te̱e ya̱ tátúníꞌ nu̱u̱nꞌ rá ñuunꞌ, jín nu̱u̱nꞌ rá se̱ꞌya tataꞌ ñɨvɨ Israel.

Romanos 1:13

Soo, ránoꞌó ñanitáꞌán ni̱ꞌ, kuíni ni̱ꞌ ya̱ kúkáꞌnú iniꞌ rán ya̱ kue̱ꞌe̱ꞌ íchí nñu̱ꞌun iniꞌ ni̱ꞌ kua̱jiane̱ꞌyá ni̱ꞌ ránoꞌó, soo ne̱ vitan íyó ya̱ chítuvi‑i nu̱u̱nꞌ nuꞌuꞌ. Kuíni ni̱ꞌ kua̱jiane̱ꞌyá ni̱ꞌ ránoꞌó sáva taji ni̱ꞌ Tu̱ꞌun Ndiosíꞌ nu̱u̱nꞌ ránoꞌó sáva saꞌá Ta̱chi̱ꞌ Ííꞌ re̱ꞌ tiñu iniꞌ ánímaꞌ rán, kuéntáꞌ nsa̱ꞌá ni̱ꞌ nteñu rá ñɨvɨ rá inka nación.

Romanos 1:5

Jee íyó mániꞌ iniꞌ Jesús néꞌyá re̱ꞌ ránuꞌuꞌ jee ntaji re̱ꞌ nu̱u̱nꞌ ráníꞌ tiñu apóstol ya̱ chúichí re̱ꞌ ránuꞌuꞌ saꞌá ránꞌ tiñu nu̱u̱nꞌ re̱ꞌ. Ntaji re̱ꞌ tiñu vá sáva stekútu̱ꞌún ránꞌ tu̱ꞌun re̱ꞌ, sáva koo ñɨvɨ nteñu nɨꞌɨ rá ñɨvɨ ñɨ̱vɨ́ ya̱ kúneí iniꞌ ráa Jesús jee saáva kaníjiá ráa maa.

Romanos 15:4

Chi ntáká rá tu̱ꞌun ya̱ níso nu̱u̱nꞌ Tutuꞌ Ííꞌ ne̱ yanaꞌán, jee ntee ráa maa sáva xinéꞌénꞌ ráa yó, sáva ni̱ꞌi̱nꞌ‑ó ya̱ káꞌnú koo iniꞌ‑ó kuiñɨ ni̱ꞌin‑ó jín Cristo. Jee suni tu̱ꞌun níso nu̱u̱nꞌ Tutuꞌ Ííꞌ nachuneí‑i iniꞌ‑ó. Jee jie̱ꞌe̱ꞌ vá ni̱ꞌi̱nꞌ‑ó tu̱ꞌun neí iniꞌ‑ó ya̱ ni̱ꞌi̱nꞌ‑ó ntáká ya̱ váꞌa ya̱ nchi̱sóyuꞌú Ndiosíꞌ.

Romanos 9:21

Áxí maá te̱e sáꞌá ki̱sɨ, ¿á ntu íyó kúvi saꞌá re̱ꞌ sáni kuíni re̱ꞌ jín ñuꞌun nkíxín, sáva jín ɨɨn ni ñujien ne̱ꞌyu̱ꞌ ñunkíxín vá kúvi saꞌá re̱ꞌ ɨɨn ki̱sɨ váꞌa máá viiꞌ ya̱ kuatíñú ñunkúún jee inka ka̱ꞌ ki̱sɨ láꞌví?

1 Corintios 10:11

Saájee ntáká ya̱ nnoꞌo rá ñɨvɨ vá, táji ɨɨn ichi nu̱u̱nꞌ‑ó sáva ntu saꞌá‑ó sukuán. Chi rá tu̱ꞌun yaꞌá jee nkino̱o nééꞌ‑e nu̱u̱nꞌ Tutuꞌ níso Tu̱ꞌun Ndiosíꞌ sáva kaꞌvi‑ó maa, jee stúꞌva tu̱ꞌun vá yó sáva nkúꞌun iniꞌ‑ó ya̱ saꞌá‑ó tiñu níváꞌa sukuán, chi maáó kúvi‑ó ñɨvɨ ya̱ tékúꞌ ka̱ꞌ rá tiempúꞌ kuánɨꞌɨ.

Gálatas 1:15

Soo ne̱ sáá ñúꞌún chi̱ji nánáꞌ ni̱ꞌ nuꞌuꞌ jee nsa̱ꞌá sɨ́ɨ́n Ndiosíꞌ nuꞌuꞌ sáva kuniso ni̱ꞌ tiñu táji re̱ꞌ. Jee nkana re̱ꞌ nuꞌuꞌ, chi ni̱yo ma̱ni̱ꞌ iniꞌ re̱ꞌ nne̱ꞌyá re̱ꞌ nuꞌuꞌ, ya̱ ntu íyó ni̱ꞌi̱nꞌ ni̱ꞌ. Jee tiempúꞌ nkuini re̱ꞌ jee

Efesios 2:10

Chi kúvi‑ó ɨɨn tiñu jiáá nsa̱ꞌá Ndiosíꞌ, chi maá Ndiosíꞌ nsa̱ꞌá yó sáá íyó‑ó ntañúꞌún jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús. Sáꞌá re̱ꞌ yó sukuán, sáva saꞌá‑ó rá tiñu váꞌa ya̱ ya nsa̱ꞌá túꞌva Ndiosíꞌ sáva kueꞌnu‑ó ichi re̱ꞌ sukuán.

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.

Colosenses 1:6

Tu̱ꞌun vá nkenta nu̱u̱nꞌ rán, sáni kénta‑a nu̱u̱nꞌ rá ñɨvɨ nɨꞌɨ ñɨ̱vɨ́. Sáꞌá tu̱ꞌun váꞌa vá ya̱ váꞌa iniꞌ ráa, sánikua̱ꞌ ɨɨn yutun váꞌa kúun ya̱ vixíꞌ váꞌa, jee jiáꞌnu ka̱ꞌ tu̱ꞌun vá iniꞌ ráa. Suꞌva sáꞌá tu̱ꞌun vá sánikua̱ꞌ suni sukuán sáꞌá‑a jín rán ne̱ sáá ki̱vɨ̱ꞌ nteso̱ꞌo rán maa, jee nku̱káꞌnú noo iniꞌ rán ya̱ nááꞌ nijia íyó ma̱ni̱ꞌ iniꞌ Ndiosíꞌ néꞌyá re̱ꞌ yó, sú ntu íyó ni̱ꞌi̱nꞌ‑ó ya̱ koo ma̱ni̱ꞌ iniꞌ re̱ꞌ kune̱ꞌyá re̱ꞌ yó.

1 Timoteo 2:7

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ ya̱ nsa̱ꞌá Cristo, jee sáva kunisotíñú ni̱ꞌ tiñu apóstol. Ya̱ nááꞌ ví ya̱ káchíꞌ ni̱ꞌ, jee ntu̱ví kátúꞌún ni̱ꞌ. Ñani re̱ꞌ nuꞌuꞌ sáva xinéꞌénꞌ ni̱ꞌ rá ñɨvɨ ntu kúvi Israel tu̱ꞌun nááꞌ Ndiosíꞌ, jín ya̱ íyó kuneí iniꞌ ráa Cristo.

2 Timoteo 1:11

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ tu̱ꞌun váꞌa vá. Jee sáva kunisotíñú ni̱ꞌ tiñu apóstol ya̱ chúichí Cristo, jín ya̱ kúvi ni̱ꞌ ɨɨn mestrúꞌ ya̱ xínéꞌénꞌ ni̱ꞌ [rá ñɨvɨ ntu kúvi Israel] tu̱ꞌun váꞌa vá.

2 Timoteo 2:2

Jee nta̱ká tu̱ꞌun, ya̱ nteso̱ꞌo nú ya̱ nkachiꞌ ni̱ꞌ nu̱u̱nꞌ nú ichinúúnꞌ kue̱ꞌe̱ꞌ ñɨvɨ ya̱ kúvi stúvi ráa maa, jee natetíñú nú tu̱ꞌun vá nu̱u̱nꞌ inka rá te̱e na̱a̱ꞌ, ya̱ síkúnkuvi va̱ꞌa ráa, ya̱ kuvi naxinéꞌénꞌ ráa maa nu̱u̱nꞌ rá inka ñɨvɨ.

Tito 1:5

Nxi̱nóo ni̱ꞌ noꞌó ñuunꞌ Creta, sáva nasaꞌá nú rá tiñu nkumaniꞌ saꞌá‑ó, jín sáva kani nú rá te̱e kúñáꞌnú kosoꞌ ráa nu̱u̱nꞌ rá ñɨvɨ kúneí iniꞌ ráa Cristo, ya̱ nééꞌ ráa ta ñuunꞌ tɨ́ɨn Creta, sáni nte̱tíñú ni̱ꞌ noꞌó.

Hebreos 11:4

Chi ni̱nu̱ꞌ iniꞌ Abel nku̱neí iniꞌ re̱ꞌ Ndiosíꞌ, jee saáva nso̱ko̱ꞌ re̱ꞌ ya̱ váꞌa víꞌí ka̱ꞌ nu̱u̱nꞌ Ndiosíꞌ nsú káꞌ Caín. Jee saáva nna̱kuetúꞌún Ndiosíꞌ ya̱ Abel kúvi re̱ꞌ te̱e na̱a̱ꞌ, chi nna̱kuetúꞌún Ndiosíꞌ jie̱ꞌe̱ꞌ ya̱ nsókoꞌ Abel. Jee saáva súka̱ꞌ ya̱ ni̱ꞌi̱ꞌ re̱ꞌ, jee kuéntáꞌ níkɨ́nꞌ i̱i̱ꞌ káꞌánꞌ re̱ꞌ ne̱ vitan chi nkuvi re̱ꞌ te̱e ni̱nu̱ꞌ iniꞌ.

Santiago 3:18

Jee rá ñɨvɨ núkú ya̱ nakama̱ni̱ꞌ ráa rá ñanitáꞌán‑ó, jee nikɨn táji ráa ví ya̱ nánukú ráa ya̱ kuneeꞌ ñunkúún rá ñanitáꞌán‑ó, jee tataꞌ sáꞌá ráa ví ya̱ kueꞌnu na̱a̱ꞌ ráa.

1 Pedro 3:15

Chisaꞌ ne̱ ánímaꞌ rán íyó chiñúꞌún rán Cristo jee íyó ku̱ꞌvayuꞌú rán ya̱ kúvi re̱ꞌ I̱toꞌoꞌ rán, jee sukuáni íyó satúꞌva rán maárán sáva naxiníkó váꞌa rán nu̱u̱nꞌ ntáká ñɨvɨ ya̱ jíkátu̱ꞌún‑u ránoꞌó jie̱ꞌe̱ꞌ ya̱ váꞌa ya̱ nétu rán íyó tu̱neí iniꞌ rán ya̱ saꞌá Cristo jín rán.

1 Pedro 3:2

Chi kuniꞌ ráa na̱ja ninuꞌun jiáꞌnu rán jín saꞌá ñáꞌnú rán nu̱u̱nꞌ ráa.

1 Juan 4:10

Jee yaꞌá kúvi tu̱ꞌun ñúnúunꞌ: nsú jie̱ꞌe̱ꞌ ya̱ nñunu̱u̱nꞌ‑ó Ndiosíꞌ, chisaꞌ maáréꞌ vá ñúnúunꞌ re̱ꞌ yó, jee nchu̱ichí re̱ꞌ Se̱ꞌya re̱ꞌ nkiji‑i sáva so̱ko̱ꞌ‑o maáa ya̱ kuviꞌ‑i, sáva kunekáꞌnú iniꞌ Ndiosíꞌ kua̱chi‑ó.

1 Juan 4:19

Jee maáó chi ñúnúunꞌ‑ó Ndiosíꞌ jín ñɨvɨ chi xíꞌna maáréꞌ ka̱ꞌ vá nñunu̱u̱nꞌ re̱ꞌ yó.