Juan 14:3 - Mixteco del suroeste de Tlaxiaco Oaxaca

³ Jee sáá kɨ̱ꞌɨ̱nꞌ ni̱ꞌ jee saꞌá túꞌva ni̱ꞌ nu̱u̱nꞌ kuneeꞌ rán, jee kiji tuku ni̱ꞌ, jee kinake̱ꞌen ni̱ꞌ ránoꞌó, sáva suni kuneeꞌ rán nu̱u̱nꞌ kuneeꞌ ni̱ꞌ.

Juan 14:3 交叉參考

Juan 12:26

Jee retú íyó ne̱ ni ɨɨn sátíñú‑u nu̱u̱nꞌ nuꞌuꞌ, jee íyó‑o kunikɨnꞌ‑ɨ nuꞌuꞌ. Chi ñɨvɨ ya̱ sátíñú nu̱u̱nꞌ nuꞌuꞌ, jee nu̱u̱nꞌ kuneeꞌ ni̱ꞌ jee suni yukuán kuneeꞌ musúꞌ ni̱ꞌ. Jee retú íyó ɨɨn ñɨvɨ sátíñú nu̱u̱nꞌ nuꞌuꞌ, jee saꞌá Tátáꞌ ni̱ꞌ ya̱ kúñáꞌnú ráa.

Juan 14:28

’Ya nteso̱ꞌo rán ya̱ nkachiꞌ ni̱ꞌ nu̱u̱nꞌ rán: “Kɨ̱ꞌɨ̱nꞌ ni̱ꞌ, jee niji ni̱ꞌ nu̱u̱nꞌ rán.” Jee retú ñúnúunꞌ rán nuꞌuꞌ, yukuán re íyó tu̱ꞌun kusɨ̱ɨ̱ꞌ iniꞌ ánímaꞌ rán ya̱ kɨ̱ꞌɨ̱nꞌ noꞌonꞌ ni̱ꞌ nu̱u̱nꞌ Tátáꞌ ni̱ꞌ. Chi Tátáꞌ ni̱ꞌ vá kúñáꞌnú nasɨ́kuitɨꞌ ka̱ꞌ nsú káꞌ nuꞌuꞌ.

Juan 14:4

Jee ya̱ jíníꞌ rán ne̱ nu̱u̱nꞌ kɨ̱ꞌɨ̱nꞌ ni̱ꞌ, jee suni ya̱ jíníꞌ rán ichi kua̱ꞌa̱nꞌ yukuán ―nkachiꞌ Jesús.

Juan 17:24

’Tátáꞌ ni̱ꞌ, jee rá ñɨvɨ ya̱ ntaji nú nu̱u̱nꞌ ni̱ꞌ, jee kuíni ni̱ꞌ ya̱ suni maáráa kuneeꞌ ráa jín nuꞌuꞌ nu̱u̱nꞌ kuneeꞌ ni̱ꞌ, sáva kuniꞌ ráa na̱ja viiꞌ nasɨ́kuitɨꞌ kúñáꞌnú ni̱ꞌ ya̱ ntaji nú nu̱u̱nꞌ ni̱ꞌ, chi ñúnúunꞌ nú nuꞌuꞌ ne̱ ntiáꞌan ka̱ꞌ nsa̱ꞌá nú ñɨ̱vɨ́.

Hechos 1:11

Jee nkachiꞌ núvíꞌ rá te̱e vá nu̱u̱nꞌ ráa: ―Rá te̱e Galilea, ¿na̱ kuvi chi íñɨ́ rán néꞌyá rán súkún? Jesús yaꞌá, ya̱ nkene‑e nteñu rán jee nnaa‑a ne̱ súkún, nuún niji tuku‑u mákua niniꞌ rán maa kua̱ꞌa̱nꞌ‑a súkún ―nkachiꞌ núvíꞌ rá te̱e vá.

Romanos 8:17

Jee ya̱ ya kúvi‑ó se̱ꞌya Ndiosíꞌ, jee suni ni̱ꞌi̱nꞌ‑ó ɨɨn ta̱ꞌvi̱ꞌ. Chi kutaꞌviꞌ‑ó ta̱ꞌvi̱ꞌ taji Ndiosíꞌ nu̱u̱nꞌ‑ó. Jee kutaꞌviꞌ nkáá‑ó ta̱ꞌvi̱ꞌ vá jín Cristo. Retú kuiñɨ ni̱ꞌin‑ó jín Cristo jee íyó ñɨvɨ koto u̱ꞌvi̱ꞌ ráa yó kuéntáꞌ nito u̱ꞌvi̱ꞌ ráa re̱ꞌ. Jee nu̱u̱nꞌ nóꞌo‑órán sukuán jín Cristo, jee suni saꞌá Ndiosíꞌ ya̱ viiꞌ kuñáꞌnú nkáá‑ó jín Cristo.

Filipenses 1:23

Chi várésukuán jee tasáva ví ni̱ꞌ jee saꞌá ni̱ꞌ ni nuvi tiñu. Chi nóꞌónꞌ iniꞌ ni̱ꞌ ya̱ kuviꞌ ni̱ꞌ, jee kuneeꞌ ni̱ꞌ jín Cristo, nu̱u̱nꞌ ñuunꞌ íyó súkún, chi va̱ꞌa víꞌí ka̱ꞌ ví yaꞌá nu̱u̱nꞌ ni̱ꞌ.

2 Tesalonicenses 1:12

Saáva sukuán túvi ya̱ viiꞌ kúñáꞌnú I̱toꞌoꞌ‑ó Jesús, jie̱ꞌe̱ꞌ jiáꞌnu na̱a̱ꞌ rán. Jee suni sukuán túvi viiꞌ ránoꞌó sáꞌá re̱ꞌ, sánikua̱ꞌ íyó mániꞌ iniꞌ Ndiosíꞌ‑ó jín I̱toꞌoꞌ‑ó Jesús ya̱ kúvi Cristo néꞌyá ráa yó.

2 Timoteo 2:12

Jee retú kuni̱ꞌin‑ó kuiñɨ‑ó jín re̱ꞌ sú nóꞌo‑ó jee suni tatúníꞌ‑ó jín re̱ꞌ. Soo retú kúíchi iniꞌ‑ó re̱ꞌ ya̱ nsú I̱toꞌoꞌ‑ó ví re̱ꞌ, jee suni kuichi iniꞌ re̱ꞌ kune̱ꞌyá re̱ꞌ yó ya̱ nsú ñɨvɨ re̱ꞌ kúvi‑ó.

Hebreos 9:28

Jee suni sukuán Cristo ɨɨn ni íchí nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ sáva nsiíyo re̱ꞌ kua̱chi rá ñɨvɨ kue̱ꞌe̱ꞌ. Jee niji tuku re̱ꞌ ya̱ uvíꞌ íchí, soo nsú káꞌ sáva so̱ko̱ꞌ tuku re̱ꞌ maáréꞌ jie̱ꞌe̱ꞌ kua̱chi, chisaꞌ kiji re̱ꞌ sáva xinánitáꞌvíꞌ re̱ꞌ rá ñɨvɨ ya̱ nétu kuvi iniꞌ ráa re̱ꞌ.

Apoclipsis 3:21

’Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ku̱ꞌva ni̱ꞌ ya̱ kuneeꞌ ñɨvɨ vá jín nuꞌuꞌ nu̱u̱nꞌ teyuꞌ ni̱ꞌ nu̱u̱nꞌ tátúníꞌ ni̱ꞌ, kuéntáꞌ kua̱ꞌ nku̱neí ni̱ꞌ si̱kɨ̱ꞌ tiñu níváꞌa jee nééꞌ ni̱ꞌ jín Tááꞌ ni̱ꞌ nu̱u̱nꞌ teyuꞌ re̱ꞌ nu̱u̱nꞌ tátúníꞌ re̱ꞌ.