Juan 11:5 - Mixteco del suroeste de Tlaxiaco Oaxaca

⁵ Jee ñúnúunꞌ Jesús Marta jín ku̱ꞌvi̱ꞌ ña María jín ku̱ꞌva ráña Lázaro.

Juan 11:5 交叉參考

Lucas 10:38

Jee sáá kua̱ꞌa̱nꞌ Jesús ichi jín rá te̱e kútáꞌán jín re̱ꞌ súkuáꞌa re̱ꞌ ráa, jee nki̱vɨ ráa ɨin ñuunꞌ lúlí, jee ɨɨn ñaꞌan naní Marta njia̱ꞌa ña veꞌi ña kino̱o ráa.

Lucas 10:40

Soo Marta jee níꞌvɨ́ꞌ iniꞌ ña sáꞌá ña kue̱ꞌe̱ꞌ rá tiñu iniꞌ veꞌi ya̱ kajiꞌ ráa jín nu̱u̱nꞌ kino̱o ráa. Jee ña̱kuyatin ña nu̱u̱nꞌ I̱toꞌoꞌ‑ó jee nkachiꞌ ña nu̱u̱nꞌ re̱ꞌ: ―I̱toꞌoꞌ, ¿á ntu jítú iniꞌ nú ya̱ ku̱ꞌvi̱ꞌ ni̱ꞌ nxi̱nóo métúꞌún ña nuꞌuꞌ nu̱u̱nꞌ ntáká tiñu sáꞌá ni̱ꞌ yaꞌá? Kachiꞌ nú xá nu̱u̱nꞌ ña chineí ña nuꞌuꞌ ―nkachiꞌ Marta.

Lucas 10:41

Jee nna̱xiníkó I̱toꞌoꞌ‑ó jee nkachiꞌ re̱ꞌ nu̱u̱nꞌ ña: ―Marta, Marta, na̱ ka̱ꞌ nániꞌvɨꞌ nániꞌvɨꞌ iniꞌ nú jee ñúníní iniꞌ nú jie̱ꞌe̱ꞌ kue̱ꞌe̱ꞌ rá tiñu íyó nu̱u̱nꞌ nú.

Juan 11:1

Jee ni̱yo ɨɨn te̱e naní Lázaro ya̱ kúꞌvíꞌ re̱ꞌ. Kúvi re̱ꞌ te̱e ñuunꞌ Betania ya̱ kúvi ñuunꞌ María jín ku̱ꞌvi̱ꞌ ña Marta.

Juan 11:3

Saájee nchu̱ichí rá ku̱ꞌva re̱ꞌ tu̱ꞌun kua̱ꞌa̱nꞌ nu̱u̱nꞌ Jesús, jee nkachiꞌ ráña: ―I̱toꞌoꞌ, te̱e ya̱ ñúnúunꞌ nú kúꞌvíꞌ re̱ꞌ.

Juan 11:36

Saájee nkachiꞌ rá ñɨvɨ Israel vá: ―Kune̱ꞌyá rán, na̱ ka̱ꞌ nñunu̱u̱nꞌ re̱ꞌ ka̱ꞌ maa ―nkachiꞌ ráa.

Juan 11:6

Sáá nteso̱ꞌo Jesús ya̱ kúꞌvíꞌ Lázaro, soo nkino̱o ka̱ꞌ Jesús u̱vi̱ꞌ ki̱vɨ̱ꞌ nu̱u̱nꞌ nééꞌ re̱ꞌ.

Juan 11:8

Jee nkachiꞌ rá te̱e súkuáꞌa re̱ꞌ ráa nu̱u̱nꞌ re̱ꞌ: ―Mestrúꞌ, sukuán yatin ni ya̱ nkuini rá te̱e kúñáꞌnú nu̱u̱nꞌ ñɨvɨ Israel kuun ráa yu̱u̱ꞌ noꞌó jee, ¿á tukuni kuíni nú ya̱ kɨ̱ꞌɨ̱nꞌ nú yukuán rúja? ―nkachiꞌ ráa.

Juan 16:27

Chi maá Tátáꞌ ni̱ꞌ kúvi ya̱ ñúnúunꞌ re̱ꞌ ránoꞌó, chi jie̱ꞌe̱ꞌ ni ka̱ꞌ ñúnúunꞌ rán nuꞌuꞌ, jee suni jínúꞌ iniꞌ rán ya̱ ne̱ nu̱u̱nꞌ maá Tátáꞌ ni̱ꞌ Ndiosíꞌ nkene ni̱ꞌ va̱ji ni̱ꞌ.

Juan 17:26

Ni̱stúvi ni̱ꞌ noꞌó nu̱u̱nꞌ ráa jee istúvi ni̱ꞌ ka̱ꞌ noꞌó, sáva kuéntáꞌ kua̱ꞌ ñúnúunꞌ nú nuꞌuꞌ, jee suni sukuán kunu̱u̱nꞌ ráa rá táꞌán ráa, jee kɨꞌɨ ni̱ꞌ iniꞌ ráa ―nkachiꞌ Jesús.