Juan 1:7 - Mixteco del suroeste de Tlaxiaco Oaxaca

⁷ Jee te̱e yaꞌá nkiji re̱ꞌ sáva kuvi re̱ꞌ te̱e ya̱ ku̱ꞌva re̱ꞌ ya̱ naáꞌ, sáva ku̱ꞌva re̱ꞌ ya̱ naáꞌ jie̱ꞌe̱ꞌ ɨɨn re̱ꞌ ya̱ kúvi ñuꞌunꞌ vá, jee sáva i̱nu̱ꞌ iniꞌ ntáká ñɨvɨ maáréꞌ ya̱ kúvi ñuꞌunꞌ vá jie̱ꞌe̱ꞌ tu̱ꞌun kachiꞌ Juan.

Juan 1:7 交叉參考

Juan 1:12

Soo nta̱ká rá ñɨvɨ ya̱ nákuatáꞌví ráa re̱ꞌ, ya̱ kúneí iniꞌ ráa re̱ꞌ, jee jiáꞌayuꞌú re̱ꞌ ni̱ꞌi̱nꞌ ráa kuvi ráa se̱ꞌya Ndiosíꞌ.

Juan 1:15

Jee Juan jiáꞌa ya̱ naáꞌ jie̱ꞌe̱ꞌ re̱ꞌ, jee nkachiꞌ‑i: ―Te̱e yaꞌá kúvi re̱ꞌ jie̱ꞌe̱ꞌ nkachiꞌ ni̱ꞌ: “Maáréꞌ ya̱ kiji ichinúúnꞌ ni̱ꞌ máá kúñáꞌnú ka̱ꞌ ví re̱ꞌ nsú káꞌ nuꞌuꞌ, chi íyó re̱ꞌ xíꞌnañúꞌún ka̱ꞌ nsú káꞌ nuꞌuꞌ.”

Juan 1:19

Jee rá tee nísotíñú nu̱u̱nꞌ rá ñɨvɨ Israel nchu̱ichí ráa sava rá su̱tu̱ꞌ jín sava rá te̱e tataꞌ Leví, ya̱ sátíñú nu̱u̱nꞌ veñu̱ꞌun káꞌnú, ne̱ nu̱u̱nꞌ ñuunꞌ Jerusalén kɨ̱ꞌɨ̱nꞌ ráa nu̱u̱nꞌ Juan sáva katu̱ꞌún ráa re̱ꞌ: ―¿Né ɨɨn kúvi nú? Jee yaꞌá ví ya̱ naáꞌ njia̱ꞌa Juan.

Juan 1:36

Jee sáá niniꞌ Juan ya̱ kua̱jia̱ꞌa Jesús yukuán, jee nkachiꞌ re̱ꞌ: ―Kune̱ꞌyá rán, chi yukuán kua̱ꞌa̱nꞌ te̱e ya̱ kúvi kuéntáꞌ lanchi lúlí Ndiosíꞌ ―nkachiꞌ Juan.

Juan 1:9

Jee maáréꞌ ya̱ kúvi ñuꞌunꞌ nijia ya̱ túúnꞌ iniꞌ ánímaꞌ nta̱ká rá ñɨvɨ. Nkiji re̱ꞌ iniꞌ ñɨ̱vɨ́ yaꞌá.

Hechos 19:4

Jee nkachiꞌ Pablo: ―Juan nsi̱kuánuté re̱ꞌ rá ñɨvɨ ya̱ nna̱kani iniꞌ ráa jie̱ꞌe̱ꞌ kua̱chi ráa. Jee káchíꞌ re̱ꞌ nu̱u̱nꞌ rá ñɨvɨ ya̱ íyó kuneí iniꞌ ráa ɨɨn te̱e kiji ya̱ta̱ꞌ re̱ꞌ. Jesús ví te̱e vá ya̱ íyó kuneí iniꞌ ráa ―nkachiꞌ Pablo.

Gálatas 3:26

Jee nta̱ká ránoꞌó ví nijia se̱ꞌya Ndiosíꞌ jie̱ꞌe̱ꞌ ya̱ kúneí iniꞌ rán Cristo Jesús jee yɨ́ꞌɨ́ rán chi̱ji naꞌá re̱ꞌ.

Efesios 3:9

Jee ñani re̱ꞌ nuꞌuꞌ sáva stúvi nijinꞌ ni̱ꞌ nu̱u̱nꞌ ntáká ñɨvɨ jie̱ꞌe̱ꞌ tiñu yuꞌuꞌ ya̱ ñúꞌún iniꞌ Ndiosíꞌ saꞌá re̱ꞌ ya̱ ñúꞌún yuꞌuꞌ iniꞌ re̱ꞌ ne̱ nɨ́ɨ́nkání yanaꞌán nékúvi. Jee maáréꞌ ví ya̱ nsa̱ꞌá nɨꞌɨ ya̱ íyó.

1 Timoteo 2:4

jee kuíni re̱ꞌ ya̱ nɨꞌɨ ñɨvɨ ni̱ꞌi̱nꞌ ráa ya̱ natavaꞌ re̱ꞌ ráa nu̱u̱nꞌ kua̱chi ráa nanitáꞌvíꞌ ráa, jín ya̱ kenta kukáꞌnú iniꞌ ráa ya̱ naáꞌ.

Tito 2:11

Chi ntu̱vi nu̱u̱nꞌ nɨꞌɨ ñɨvɨ ya̱ íyó mániꞌ iniꞌ Ndiosíꞌ néꞌyá re̱ꞌ ñɨvɨ sáá nta̱jí re̱ꞌ Cristo, ya̱ nátavaꞌ re̱ꞌ ñɨvɨ nu̱u̱nꞌ kua̱chi ráa xinánitáꞌvíꞌ re̱ꞌ ráa.

2 Pedro 3:9

Jee nsáꞌ kúkuéé I̱toꞌoꞌ‑ó síkúnkuvi re̱ꞌ ya̱ nchi̱sóyuꞌú re̱ꞌ ya̱ tiaaꞌ tuku re̱ꞌ kuéntáꞌ kua̱ꞌ ya̱ jiáni iniꞌ sava rá ñɨvɨ jie̱ꞌe̱ꞌ ya̱ kukuéé re̱ꞌ. Chisaꞌ nétukáꞌnú iniꞌ re̱ꞌ néꞌyá re̱ꞌ ránoꞌó, chi ntu kuíni re̱ꞌ ya̱ kɨ̱naanꞌ ni ɨɨn ñɨvɨ chisaꞌ kuíni re̱ꞌ ya̱ nta̱ká ñɨvɨ nakani iniꞌ ráa chiꞌi ráa maáráa xi̱ntíín re̱ꞌ.