Génesis 11:3 - Mixteco del suroeste de Tlaxiaco Oaxaca

³ Jee nkachiꞌ ɨɨn inka ráa nu̱u̱nꞌ táꞌán ráa: “Nkóꞌónꞌ‑ó kɨ̱saꞌá‑ó no̱ꞌo jee nateñuꞌun‑ó maa nu̱u̱nꞌ ñuꞌúnꞌ.” Jee sukuán ña̱tíñú ráa rá no̱ꞌo kuéntáꞌ kua̱ꞌ rá yu̱u̱ꞌ. Jee ña̱tíñú ráa su̱jie petroliúꞌ kuéntáꞌ kua̱ꞌ cementúꞌ.

Génesis 11:3 交叉參考

Génesis 11:4

Jee nkachiꞌ ráa: “Nkóꞌónꞌ‑ó kɨ̱saꞌá‑ó ɨɨn ñuunꞌ‑ó jín ɨɨn veꞌi súkún nasɨ́kuitɨꞌ ya̱ sikuéꞌnu súkún‑ó maa nekuaꞌ kenta xi̱ni̱ꞌ ve̱ꞌí súkún nasɨ́kuitɨꞌ vá ne̱ súkún, sáva te̱ku̱tu̱ꞌún jie̱ꞌe̱ꞌ‑ó sáva ntu kusɨ́ɨ́n‑ó kutenuun‑ó nu̱u̱nꞌ nɨꞌɨ ñɨ̱vɨ́.”

Génesis 11:7

Nkóꞌónꞌ‑ó kinkuun‑ó sama‑ó tu̱ꞌun ráa sáva sɨ́ɨ́n sɨ́ɨ́n kaꞌanꞌ ráa sáva nkíku̱ꞌun ka̱ꞌ iniꞌ ɨɨn inka ráa tu̱ꞌun kaꞌanꞌ táꞌán ráa.”

Génesis 14:10

Jee ñuꞌun Sidim, ya̱ káa nteñu jie̱ꞌe̱ꞌ rá yuku, jee yukuán ni̱yo kue̱ꞌe̱ꞌ yaviꞌ ya̱ ñúꞌún chitú su̱jie kixín. Yukuán jee sáá ninu rá te̱e tátúníꞌ Sodoma jín Gomorra jín rá se̱ꞌya ñuunꞌ ráa nka̱ku ráa nu̱u̱nꞌ nka̱ntáꞌán ráa, jee nkoyo sáva ráa iniꞌ rá yaviꞌ vá, jee rá inka ka̱ꞌ ráa ya̱ nka̱ku ráa ninu ráa kua̱ꞌa̱nꞌ ráa nu̱u̱nꞌ rá yuku.

Hebreos 10:24

Jee íyó kani iniꞌ‑ó na̱ja nachuneí‑ó iniꞌ ɨɨn inka‑ó ya̱ kunu̱u̱nꞌ‑ó ka̱ꞌ ñɨvɨ, jín ya̱ saꞌá‑ó ka̱ꞌ tiñu váꞌa.

Hebreos 3:13

Chisaꞌ nasaꞌá neí rán iniꞌ ɨɨn inka rá táꞌán rán vitan nteenꞌ, vitan ni íyó ka̱ꞌ tiempúꞌ, sáva ni ɨɨn rán ntu nuni̱ꞌin ánímaꞌ‑a nu̱u̱nꞌ Ndiosíꞌ, sáva ntu xináꞌví kua̱chi yɨ́ꞌɨ́ iniꞌ ánímaꞌ‑a maa.

Santiago 4:13

¡Ntañúꞌún teso̱ꞌo!, ránoꞌó ya̱ káchíꞌ: “Vitan áxí steñu̱ꞌún kɨ̱ꞌɨ̱nꞌ ráníꞌ nu̱u̱nꞌ ɨɨn ñuunꞌ yukuán, jee yukuán kukuéé ránꞌ ɨɨn kui̱ya̱ꞌ, jee nakeꞌen ránꞌ ya̱ naxi̱kó ránꞌ jee ni̱ꞌi̱nꞌ ránꞌ si̱kɨ̱ꞌ xu̱ꞌún ránꞌ.”

Santiago 5:1

¡Teso̱ꞌo rán ntañúꞌún, ránoꞌó ya̱ kúká! ¡Jiaku iniꞌ rán jee kunaꞌyuꞌ kóꞌó rán!, jie̱ꞌe̱ꞌ rá tu̱nóꞌó kiji nu̱u̱nꞌ rán.