Génesis 1:11 - Mixteco del suroeste de Tlaxiaco Oaxaca

¹¹ Jee kuíre nkachiꞌ Ndiosíꞌ: “Staꞌvíꞌ nu̱u̱nꞌ ñu̱ꞌún ntáká nu̱u̱nꞌ ya̱va̱ꞌ, rá yu̱ku̱ꞌ ya̱ koo nikɨn, jín rá yutun ya̱ ku̱ꞌva ya̱ koo nikɨn áxí titɨ iniꞌ‑i. Jee ta ɨɨn ku̱ꞌva sánikua̱ꞌ tataꞌ ku̱ꞌva maáa.” Jee nkuvi suꞌva.

Génesis 1:11 交叉參考

Génesis 1:12

Jee nta̱ꞌvi̱ꞌ ntáká nu̱u̱nꞌ ya̱va̱ꞌ nu̱u̱nꞌ ñuꞌún: rá yu̱ku̱ꞌ ya̱ jiáꞌa nikɨn sánikua̱ꞌ tataꞌ jiáꞌa maáa, jín yutun ya̱ jiáꞌa ya̱ íyó nikɨn áxí titɨ iniꞌ‑i sánikua̱ꞌ tataꞌ jiáꞌa maáa. Jee niniꞌ Ndiosíꞌ ya̱ va̱ꞌa ví‑i.

Génesis 1:29

Jee kuíre nkachiꞌ Ndiosíꞌ: “Tɨɨn kuéntáꞌ rán. Ntaji ni̱ꞌ nɨꞌɨ rá yu̱ku̱ꞌ ya̱ íyó nikɨn ya̱ íyó nɨꞌɨ nu̱u̱nꞌ ñu̱ꞌún, jín nɨꞌɨ rá yutun ya̱ jiáꞌa ya̱ vixíꞌ ya̱ íyó nikɨn áxí titɨ iniꞌ‑i, jee ntaji ni̱ꞌ maa nu̱u̱nꞌ ránoꞌó ya̱ kajiꞌ rán maa.

Génesis 2:16

Jee nta̱túníꞌ I̱toꞌoꞌ‑ó Ndiosíꞌ nu̱u̱nꞌ ñɨvɨ vá jee nkachiꞌ re̱ꞌ: “Kuvi kajiꞌ nú rá vixíꞌ ntáká rá yutun nu̱u̱nꞌ ñu̱ꞌún.

Génesis 2:5

jee ntiáꞌan koo ku̱ꞌu̱ꞌ nu̱u̱nꞌ ñu̱ꞌún jee ntiáꞌan taꞌviꞌ ya̱va̱ꞌ líꞌí, chi I̱toꞌoꞌ‑ó Ndiosíꞌ ntiáꞌan sikúun re̱ꞌ sa̱vi̱ꞌ nu̱u̱nꞌ ñu̱ꞌún, ni ntiáꞌan koo ni ɨɨn ya̱ satíñú maa.

Génesis 2:9

Jee I̱toꞌoꞌ‑ó Ndiosíꞌ nxta̱ꞌvíꞌ nu̱u̱nꞌ ñu̱ꞌún nɨꞌɨ nu̱u̱nꞌ yutun ya̱ viiꞌ túvi, jín ya̱ jiáꞌa ya̱ váꞌa kajiꞌ. Suni ma̱ꞌñú ñuꞌun vá nu̱u̱nꞌ viiꞌ víꞌí íyó ñani re̱ꞌ ɨɨn yutun ya̱ sáꞌá‑a ya̱ kutekuꞌ ñɨvɨ nɨ́ɨ́nkání. Jee ñani re̱ꞌ yukuán ɨɨn yutun ya̱ sáꞌá‑a ya̱ kuniꞌ ñɨvɨ ya̱ váꞌa jín ya̱ niváꞌa.

Mateo 3:10

Jee [maárán ya̱ ntu nákani iniꞌ rán jie̱ꞌe̱ꞌ kua̱chi rán kúvi rán kuéntáꞌ] yutun ya̱ ntu jiáꞌa ya̱ vixíꞌ váꞌa jee ya íyó tu̱ꞌva hacha ya̱ keꞌneꞌ‑e ne̱ yoꞌo ntáká rá yutun ya̱ ntu jiáꞌa ya̱ vixíꞌ váꞌa jee chuꞌun maa nu̱u̱nꞌ ñúꞌúnꞌ ka̱yu̱ꞌ‑u.

Mateo 6:30

Jee ya̱ sukuán viiꞌ nasɨ́kuitɨꞌ síkúnijin Ndiosíꞌ rá yu̱ku̱ꞌ yúkú íyó nu̱u̱nꞌ kuꞌúꞌ vitan, jee ki̱vɨ̱ꞌ steñu̱ꞌún chuꞌun ñɨvɨ maa nu̱u̱nꞌ ñuꞌúnꞌ sikáyúꞌ‑u maa, jee ya̱ sukuán síkúnijin Ndiosíꞌ rá yu̱ku̱ꞌ yúkú, jee, ¿á nsú saꞌ víꞌí káꞌ sikúnijin re̱ꞌ ránoꞌó rúja? Ránoꞌó chi matíꞌínꞌ nijia kúneí iniꞌ rán re̱ꞌ.

Marcos 4:28

Jee maá nu̱u̱nꞌ ñu̱ꞌún vá xtáꞌvíꞌ tataꞌ. Xíꞌna táꞌvíꞌ ya̱va̱ꞌ, saájee kénta yoko, jee kuíre chítú iniꞌ yoko vá jee jíjia nikɨn.

1 Corintios 15:38

jee táꞌvíꞌ yuku vá, soo jiáꞌa Ndiosíꞌ nu̱u̱nꞌ yuku vá na̱sa koo sáni kuíni re̱ꞌ, jee jiáꞌa re̱ꞌ na̱sa kua̱ꞌ koo yu̱ku̱ꞌ ta ɨɨn ɨɨn nu̱u̱nꞌ rá nikɨn tataꞌ vá.

Hebreos 6:7

Chi [suni rá ñɨvɨ ya̱ tɨ́ɨn ráa Tu̱ꞌun Ndiosíꞌ kúvi ráa kuéntáꞌ] kúvi ñuꞌun ya̱ jíꞌi‑i ntesáví, ya̱ kue̱ꞌe̱ꞌ íchí kúun sa̱vi̱ꞌ nu̱u̱nꞌ‑u. Jee sáꞌá Ndiosíꞌ ya̱ netuꞌ kúvi ñuꞌun vá retú kéne tataꞌ sáꞌá nu̱u̱nꞌ‑u ya̱ íyótiñu nu̱u̱nꞌ rá ñɨvɨ ya̱ sátíñú nu̱u̱nꞌ‑u.

Santiago 3:12

Ránoꞌó, rá ñaniꞌ ni̱ꞌ jín rá ku̱ꞌva ni̱ꞌ, ¿á kúvi ku̱ꞌva yutun higo rá aceituna?, áxí, ¿á kúvi ku̱ꞌva yokúꞌúꞌ uva rá higo? Ni nsáꞌ kúvi ɨɨn nu̱u̱nꞌ káku nute ku̱ꞌva‑a nute u̱ꞌva̱ꞌ jín suni nute ninuꞌun.