Filemón 1:6 - Mixteco del suroeste de Tlaxiaco Oaxaca

⁶ Jee nééꞌ ñunkúún nú jín ñɨvɨ ya̱ suni táꞌán kúneí iniꞌ nkaa ráa Jesús, jee jie̱ꞌe̱ꞌ íyó nú suꞌva jíkánꞌ ni̱ꞌ nu̱u̱nꞌ Ndiosíꞌ ya̱ kene ya̱ kukáꞌnú iniꞌ rá ñɨvɨ Ndiosíꞌ ntáká ya̱ váꞌa ni̱ꞌi̱nꞌ‑ó jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo.

Filemón 1:6 交叉參考

Mateo 25:16

Jee musúꞌ ya̱ nni̱ꞌi̱nꞌ u̱ꞌu̱nꞌ kustáꞌ xu̱ꞌún ka̱a vá, kuísá ña̱satíñú‑u jín xu̱ꞌún vá, jee nku̱neí‑i ni̱ꞌi̱nꞌ‑i u̱ꞌu̱nꞌ ka̱ꞌ kustáꞌ si̱kɨ̱ꞌ xu̱ꞌún vá.

Mateo 5:16

Jee suꞌva íyó kueꞌnu na̱a̱ꞌ va̱ꞌa rán sáva kúvi rán kuéntáꞌ ñuꞌunꞌ stúúnꞌ rán nu̱u̱nꞌ rá ñɨvɨ jee kune̱ꞌyá ráa ya̱ váꞌa sáꞌá rán, sáva nakuetúꞌún ráa Tátáꞌ rán Ndiosíꞌ ya̱ nééꞌ antivɨ́ súkún.

1 Corintios 14:25

Saájee stúvi Tu̱ꞌun Ndiosíꞌ ntáká ya̱ jiáni yuꞌuꞌ iniꞌ ánímaꞌ ñɨvɨ vá, yukuán jee nakui̱ñɨ̱ꞌ ítɨ́‑ɨ, jee kuneñu̱ꞌun‑u Ndiosíꞌ, jee kachiꞌ‑i ya̱ máá nááꞌ nijia ya̱ íyó Ndiosíꞌ nteñu rán.

1 Corintios 16:9

Chi nine ɨɨn ichi máá káꞌnú nu̱u̱nꞌ tiñu ya̱ kuvi saꞌá ni̱ꞌ ya̱ kéne ya̱ váꞌa, asúnika̱ꞌ íyó kue̱ꞌe̱ꞌ víꞌí rá ñɨvɨ kénta síkɨꞌ ni̱ꞌ.

Filipenses 4:8

Jee nu̱u̱nꞌ nɨ́ꞌɨ ka̱ꞌ kachiꞌ ni̱ꞌ ka̱ꞌ nu̱u̱nꞌ rán, ránoꞌó ñaniꞌ jín ku̱ꞌva. Kuꞌun iniꞌ rán jie̱ꞌe̱ꞌ nta̱ká tu̱ꞌun na̱a̱ꞌ, jín jie̱ꞌe̱ꞌ nta̱ká tiñu ya̱ íyó ñáꞌnú, jín jie̱ꞌe̱ꞌ nta̱ká tiñu ya̱ íyó na̱a̱ꞌ, jín jie̱ꞌe̱ꞌ nta̱ká tiñu ya̱ íyó ninuꞌun, jín jie̱ꞌe̱ꞌ nta̱ká tiñu ya̱ sáꞌá ya̱ níní viiꞌ kuvi iniꞌ ñɨvɨ, jín jie̱ꞌe̱ꞌ nta̱ká tiñu ya̱ sáꞌá ñáꞌnú ñɨvɨ nu̱u̱nꞌ‑u. Retú íyó tiñu ya̱ íyó váꞌa, jee retú íyó tiñu ya̱ íyó níꞌínꞌ‑i ya̱ nakuetúꞌún ñɨvɨ jie̱ꞌe̱ꞌ‑e, kuꞌun iniꞌ rán maa.

Colosenses 1:9

Saájee, ne̱ ki̱vɨ̱ꞌ ya̱ nteso̱ꞌo ráníꞌ tu̱ꞌun vá jie̱ꞌe̱ꞌ ránoꞌó, jee ntu̱ví síkɨ́kui̱ñɨ̱ꞌ ránꞌ maáránꞌ ya̱ káꞌánꞌ ránꞌ jín Ndiosíꞌ jie̱ꞌe̱ꞌ ránú. Jee jíkánꞌ táꞌvíꞌ ránꞌ nu̱u̱nꞌ re̱ꞌ ya̱ chitú noo rán kukáꞌnú iniꞌ rán ya̱ kuíni re̱ꞌ, jie̱ꞌe̱ꞌ ya̱ sáꞌá Ta̱chi̱ꞌ Ííꞌ re̱ꞌ ya̱ nta̱ká nu̱u̱nꞌ kuníchí xíniꞌ rán jie̱ꞌe̱ꞌ tu̱ꞌun re̱ꞌ, jín ya̱ ki̱ku̱ꞌun iniꞌ rán tu̱ꞌun re̱ꞌ.

Colosenses 3:10

Jee vitan jee nsama iniꞌ rán nnuvi rán ñɨvɨ jiáá. Chi násaꞌá jiáá Ndiosíꞌ iniꞌ ánímaꞌ ránoꞌó, ne̱kua̱ꞌ kuniꞌ va̱ꞌa rán re̱ꞌ, sáva koo rán ka̱ꞌ kua̱ꞌ íyó maáréꞌ ya̱ nsa̱ꞌá jiáá re̱ꞌ ránoꞌó.

Tito 3:14

Jee rá ñanitáꞌán‑ó íyó kutu̱ꞌva ráa kɨtíñú ráa saꞌá ráa tiñu váꞌa, sáva kɨtuvi ráa jín rá ñɨvɨ jíniñúꞌún ya̱ kutekuꞌ rává, jee sáva nkuéꞌnu ka̱ꞌá ráa.

Hebreos 6:10

Chi na̱a̱ꞌ kúvi Ndiosíꞌ, jee ntu náánꞌ iniꞌ re̱ꞌ rá tiñu sáꞌá rán nu̱u̱nꞌ re̱ꞌ, jín ya̱ ñúnúunꞌ rán re̱ꞌ. Jee sukuán nstúvi rán ya̱ ñúnúunꞌ rán re̱ꞌ jie̱ꞌe̱ꞌ nchi̱neí rán rá ñɨvɨ re̱ꞌ, ya̱ nsásɨ́ɨ́n re̱ꞌ sáva kɨꞌɨ ráa nu̱u̱nꞌ re̱ꞌ. Jee sukuán sáꞌá i̱i̱ꞌ rán ne̱ ntañúꞌún.

Santiago 2:14

Ránoꞌó ñaniꞌ ni̱ꞌ jín ku̱ꞌva ni̱ꞌ, ¿na̱ nu̱u̱nꞌ vá íyótiñu, retú ɨɨn ñɨvɨ káchíꞌ ya̱ kúneí iniꞌ‑i Jesús, jee retú ntu sáꞌá‑a tiñu váꞌa rúja? Retú suꞌva kúneí iniꞌ ñɨvɨ vá, ¿á kúvi natavaꞌ‑a ñɨvɨ vá nu̱u̱nꞌ kua̱chi ñɨvɨ vá sikáku‑u ñɨvɨ vá résa?

Santiago 2:17

Jee sukuán jee, retú káchíꞌ ñɨvɨ ya̱ kúneí iniꞌ ráa Jesús, jee suni retú ntu sáꞌá‑a tiñu váꞌa, saájee kuéntáꞌ níꞌiꞌ ya̱ kua̱chi kúneí iniꞌ‑i, chi ntu tékúꞌ ya̱ ínúꞌ iniꞌ‑i.

1 Pedro 2:12

Jee kueꞌnu va̱ꞌa rán nteñu rá ñɨvɨ ya̱ ntu jíníꞌ ráa Tu̱ꞌun Ndiosíꞌ, sáva súka̱ꞌ káꞌánꞌ rá ñɨvɨ si̱kɨ̱ꞌ rán kuéntáꞌ kua̱ꞌ sáꞌá rán tiñu níváꞌa, soo kuniꞌ rá ñɨvɨ vá rá tiñu váꞌa sáꞌá rán, jee nakuetúꞌún ráa Ndiosíꞌ ki̱vɨ̱ꞌ niji tuku Cristo sanáaꞌ re̱ꞌ sáni ya̱ nááꞌ.

1 Pedro 3:1

Jee suni sukuán ránoꞌó ñaꞌan íyó yɨɨ́, koo maniꞌ rán chiꞌi rán maárán xi̱ntíín yɨɨ́ rán, sáva retú néni ɨɨn rá yɨɨ́ rán vá ntu jínúꞌ iniꞌ ráa ntu káníjiá ráa Tu̱ꞌun Ndiosíꞌ, jee sijínúꞌ rán iniꞌ rá yɨɨ́ rán jín máá ni tiñu na̱ja va̱ꞌa na̱a̱ꞌ jiáꞌnu rán jee nsú jín tu̱ꞌun káꞌánꞌ rán.

1 Pedro 3:16

Soo másúꞌ koo iniꞌ rán naxiníkó rán nu̱u̱nꞌ ráa, jee kaꞌanꞌ yɨ́ñúꞌún rán jín ráa, jee kueꞌnu na̱a̱ꞌ rán ya̱ jíníꞌ rán ya̱ ntu íyó si̱kɨ̱ꞌ rán, sáva sáá káꞌánꞌ niva̱ꞌa ráa si̱kɨ̱ꞌ rán kukanuun ráa jie̱ꞌe̱ꞌ tu̱ꞌun niváꞌa ya̱ káꞌánꞌ ráa jie̱ꞌe̱ꞌ va̱ꞌa jiáꞌnu rán jie̱ꞌe̱ꞌ yɨ́ꞌɨ́ rán nu̱u̱nꞌ Cristo.

2 Pedro 1:8

Chi retú sáꞌá rán rá tiñu yaꞌá jee saꞌ víꞌí káꞌ sáꞌá rán maa, jee ni nsáꞌ kueꞌnu ka̱ꞌá rán, jee kene tiñu váꞌa ya̱ váji nu̱u̱nꞌ ya̱ jíníꞌ rán iniꞌ I̱toꞌoꞌ‑ó Jesús ya̱ kúvi Cristo.