Apoclipsis 22:3 - Mixteco del suroeste de Tlaxiaco Oaxaca

³ Jee ntu̱náꞌ koo ka̱ꞌ ya̱ kɨꞌɨ chi̱ji tu̱ꞌun chisónínu Ndiosíꞌ. Jee nu̱u̱nꞌ ñuunꞌ vá koo teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ jín maáréꞌ ya̱ kúvi re̱ꞌ Lanchi Lúlí Ndiosíꞌ. Jee rá musúꞌ re̱ꞌ kɨtíñú ráa nu̱u̱nꞌ re̱ꞌ.

Apoclipsis 22:3 交叉參考

Mateo 25:21

Jee nkachiꞌ i̱toꞌoꞌ re̱ꞌ nu̱u̱nꞌ re̱ꞌ: “Va̱ꞌa nsa̱ꞌá nú, chi musúꞌ va̱ꞌa síkínkuvi na̱a̱ꞌ kúvi nú. Chi síkúnkuvi na̱a̱ꞌ nú jín yakuꞌ tiñu lúlí, saájee kani ni̱ꞌ noꞌó nu̱u̱nꞌ kue̱ꞌe̱ꞌ tiñu ñáꞌnú ka̱ꞌ. Ki̱vɨ nu̱u̱nꞌ nasaꞌá sɨ́ɨꞌ ni̱ꞌ iniꞌ nú jín nuꞌuꞌ, ya̱ kúvi I̱toꞌoꞌ nú”, nkachiꞌ i̱toꞌoꞌ musúꞌ vá.

Mateo 25:41

’Saájee kachiꞌ ni̱ꞌ nu̱u̱nꞌ rá ñɨvɨ íñɨ́ ichi sátín ni̱ꞌ: “¡Kuiyo rán nu̱u̱nꞌ ni̱ꞌ! Chísónínu Tátáꞌ ni̱ꞌ ránoꞌó. Kɨ̱ꞌɨ̱nꞌ rán nu̱u̱nꞌ ñuꞌúnꞌ xéénꞌ ya̱ káyúꞌ nɨ́ɨ́nkání, nu̱u̱nꞌ ya̱ íyó stákoo nu̱u̱nꞌ kɨ̱ꞌɨ̱nꞌ kui̱ꞌna̱ꞌ kúñáꞌnú jín rá ta̱chi̱ꞌ kíni‑i ya̱ kúvi najiáꞌáꞌ‑a.

Juan 12:26

Jee retú íyó ne̱ ni ɨɨn sátíñú‑u nu̱u̱nꞌ nuꞌuꞌ, jee íyó‑o kunikɨnꞌ‑ɨ nuꞌuꞌ. Chi ñɨvɨ ya̱ sátíñú nu̱u̱nꞌ nuꞌuꞌ, jee nu̱u̱nꞌ kuneeꞌ ni̱ꞌ jee suni yukuán kuneeꞌ musúꞌ ni̱ꞌ. Jee retú íyó ɨɨn ñɨvɨ sátíñú nu̱u̱nꞌ nuꞌuꞌ, jee saꞌá Tátáꞌ ni̱ꞌ ya̱ kúñáꞌnú ráa.

Juan 13:32

Retú nuꞌuꞌ stúvi ni̱ꞌ na̱sa kúñáꞌnú nasɨ́kuitɨꞌ Ndiosíꞌ, máá Ndiosíꞌ stúvi na̱sa kúñáꞌnú nuꞌuꞌ, jee ya̱chi̱ꞌ ni stúvi re̱ꞌ maa.

Juan 14:3

Jee sáá kɨ̱ꞌɨ̱nꞌ ni̱ꞌ jee saꞌá túꞌva ni̱ꞌ nu̱u̱nꞌ kuneeꞌ rán, jee kiji tuku ni̱ꞌ, jee kinake̱ꞌen ni̱ꞌ ránoꞌó, sáva suni kuneeꞌ rán nu̱u̱nꞌ kuneeꞌ ni̱ꞌ.

Juan 17:24

’Tátáꞌ ni̱ꞌ, jee rá ñɨvɨ ya̱ ntaji nú nu̱u̱nꞌ ni̱ꞌ, jee kuíni ni̱ꞌ ya̱ suni maáráa kuneeꞌ ráa jín nuꞌuꞌ nu̱u̱nꞌ kuneeꞌ ni̱ꞌ, sáva kuniꞌ ráa na̱ja viiꞌ nasɨ́kuitɨꞌ kúñáꞌnú ni̱ꞌ ya̱ ntaji nú nu̱u̱nꞌ ni̱ꞌ, chi ñúnúunꞌ nú nuꞌuꞌ ne̱ ntiáꞌan ka̱ꞌ nsa̱ꞌá nú ñɨ̱vɨ́.

Apoclipsis 7:10

Saájee kánajíín ni̱ꞌin ráa, jee káchíꞌ ráa: Métúꞌún Ndiosíꞌ‑ó jín Lanchi Lúlí vá kúvi ya̱ síkáku‑u yó nu̱u̱nꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee Ndiosíꞌ ví maáréꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ.

Apoclipsis 7:9

Jee sáá nkuvi yaꞌá, jee nna̱kune̱ꞌyá ni̱ꞌ, jee niniꞌ ni̱ꞌ kue̱ꞌe̱ꞌ víꞌí rá ñɨvɨ, ya̱ ni ɨɨn ñɨvɨ nsúkua kuneí‑i kaꞌvi‑i ráa. Va̱ji ráa nu̱u̱nꞌ ntáká nu̱u̱nꞌ rá ñɨvɨ, jín nu̱u̱nꞌ ntáká tataꞌ, jín nu̱u̱nꞌ ntáká ñuunꞌ, jín nu̱u̱nꞌ ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa. Jee íñɨ́ ráa yuꞌú teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ, jín nu̱u̱nꞌ maáréꞌ ya̱ kúvi re̱ꞌ Lanchi Lúlí vá. Jee ñúꞌún ráa saꞌma kuíjín, jee ínaꞌá ráa naꞌá yu̱ku̱ñu̱u̱nꞌ.