1 Juan 4:5 - Mixteco del suroeste de Tlaxiaco Oaxaca

⁵ Suviráa yɨ́ꞌɨ́ ñujiínꞌ ñɨ̱vɨ́ yaꞌá ya̱ ntu níkɨ́nꞌ ráa Ndiosíꞌ, saáva káꞌánꞌ ráa jie̱ꞌe̱ꞌ ñujiínꞌ ñɨ̱vɨ́ yaꞌá, ya̱ ntu va̱ji ne̱ nu̱u̱nꞌ Ndiosíꞌ. Jee rá ñɨvɨ ya̱ yɨ́ꞌɨ́ ichi ñɨ̱vɨ́ yaꞌá, tésóꞌo ñáꞌnú ráa rá tu̱ꞌun káꞌánꞌ rá ñɨvɨ vá.

1 Juan 4:5 交叉參考

Lucas 16:8

’Saájee nna̱kuetúꞌún i̱toꞌoꞌ xí tiñu vá musúꞌ ntu náaꞌ vá ya̱ nito víꞌí‑i jín rá tiñu sáꞌá‑a. Chi rá ñɨvɨ jiáꞌnu ñujiínꞌ ñɨ̱vɨ́ yaꞌá nito víꞌí ráa ka̱ꞌ jie̱ꞌe̱ꞌ rá tiñu sáꞌá ráa jín ɨɨn inka rá táꞌán ráa, nsú káꞌ rá se̱ꞌya Ndiosíꞌ ya̱ túúnꞌ ñuꞌunꞌ Ndiosíꞌ ánímaꞌ ráa.

Juan 17:14

Jee njia̱ꞌa ni̱ꞌ tu̱ꞌun nú nu̱u̱nꞌ ráa, soo rá ñɨvɨ ñɨ̱vɨ́ yaꞌá ya̱ ntu yɨ́ꞌɨ́ rává xi̱ntíín nú jee táꞌvi iniꞌ rává néꞌyá rává ráa, chi ntu íñɨ́ ráa ichi jiáꞌnu rává, kuéntáꞌ su jín nuꞌuꞌ ya̱ ntu̱ví yɨ́ꞌɨ́ ni̱ꞌ ñujiínꞌ rá ñɨvɨ ñɨ̱vɨ́ yaꞌá.

Juan 17:16

Chi ntu íñɨ́ ráa ichi jiáꞌnu rá ñɨvɨ ñɨ̱vɨ́ yaꞌá, kuéntáꞌ sú nuꞌuꞌ ntu yɨ́ꞌɨ́ ni̱ꞌ nu̱u̱nꞌ ñujiínꞌ ñɨvɨ ñɨ̱vɨ́ yaꞌá.

Juan 3:31

’Jee maáréꞌ ya̱ va̱ji ne̱ antivɨ́ jee maáa vá kúñáꞌnú nu̱u̱nꞌ nɨꞌɨ. Jee ɨɨn ya̱ va̱ji iniꞌ ñɨ̱vɨ́ yaꞌá kúvi ñɨvɨ ñɨ̱vɨ́ yaꞌá, jee káꞌánꞌ‑a jie̱ꞌe̱ꞌ rá máá tiñu íyó iniꞌ ñɨ̱vɨ́ yaꞌá. Soo maáréꞌ ya̱ va̱ji ne̱ si̱kɨ̱ꞌ, chi maáa ví ya̱ kúñáꞌnú nu̱u̱nꞌ nɨꞌɨ.

Juan 8:23

Saájee nkachiꞌ Jesús nu̱u̱nꞌ ráa: ―Ránoꞌó chi ñɨvɨ ñɨ̱vɨ́ chi̱ji yaꞌá kúvi rán. Soo nuꞌuꞌ chi ne̱ ñuunꞌ antivɨ́ súkún si̱kɨ̱ꞌ va̱ji ni̱ꞌ. Jee ránoꞌó chi ñɨvɨ ñɨ̱vɨ́ yaꞌá kúvi rán. Soo nuꞌuꞌ chi nsú ñɨ̱vɨ́ yaꞌá va̱ji ni̱ꞌ.

2 Timoteo 4:3

Chi kiji tiempúꞌ ya̱ ni nsáꞌ keꞌneꞌ iniꞌ rá ñɨvɨ teso̱ꞌo ráa tu̱ꞌun na̱a̱ꞌ va̱ꞌa ya̱ xínéꞌénꞌ‑ó, chi sáni níyo iniꞌ maáráa, jee nukú ráa kue̱ꞌe̱ꞌ te̱e ya̱ xínéꞌénꞌ tu̱ꞌun sáni táꞌán iniꞌ ráa teso̱ꞌo ráa.

Apoclipsis 12:9

Sukuán nkuvi jee ntavaꞌ rá najiáꞌáꞌ ííꞌ vá ko̱o̱ꞌ mánasɨ́ yukuán antivɨ́ súkún. Jee ko̱o̱ꞌ mánasɨ́ vá kúvi ko̱o̱ꞌ ya̱ íyó ne̱ yanaꞌán víꞌí. Jee maátíꞌ ví ya̱ naní ti̱ꞌ kui̱ꞌna̱ꞌ kúñáꞌnú jín suni naní ti̱ꞌ Satanás. Jee maáa vá xínáꞌví‑i rá ñɨvɨ kua̱íyó ñɨ̱vɨ́. Jee ntavaꞌ ráa maa ne̱ jín rá najiáꞌáꞌ‑a antivɨ́ súkún, jee nsi̱kéne ráa maa jín ne̱ rá najiáꞌáꞌ‑a nu̱u̱nꞌ ñu̱ꞌún iniꞌ ñɨ̱vɨ́ yaꞌá.