1 Juan 4:4 - Mixteco del suroeste de Tlaxiaco Oaxaca

⁴ Ránoꞌó ya̱ kúvi kuéntáꞌ se̱ꞌya ni̱ꞌ, kúvi rán ñɨvɨ Ndiosíꞌ. Jee nku̱neí rán jín rá ñɨvɨ xínáꞌví vá, ya̱ ntu xínáꞌví ráa ránoꞌó, chi máá kúñáꞌnú ka̱ꞌ ví Ta̱chi̱ꞌ Ííꞌ Ndiosíꞌ ya̱ yɨ́ꞌɨ́ iniꞌ ánímaꞌ ránoꞌó, nsú káꞌ ta̱chi̱ꞌ kúneí jín rá ñɨvɨ yɨ́ꞌɨ́ ñujiínꞌ ñɨ̱vɨ́ yaꞌá.

1 Juan 4:4 交叉參考

Juan 12:31

Vitan kúvi tiempúꞌ ya̱ saꞌá na̱a̱ꞌ Ndiosíꞌ kua̱chi jie̱ꞌe̱ꞌ rá ñɨvɨ ñɨ̱vɨ́ yaꞌá. Jee vitan jee tavaꞌ Ndiosíꞌ máá maá kui̱ꞌna̱ꞌ kúñáꞌnú ya̱ tátúníꞌ iniꞌ ñɨ̱vɨ́ yaꞌá kɨ̱ꞌɨ̱nꞌ iyo‑o.

Juan 14:30

Nka̱ꞌánꞌ kue̱ꞌe̱ꞌ ni̱ꞌ ka̱ꞌ jín rán, chi ya̱ va̱ji máá kui̱ꞌna̱ꞌ kúñáꞌnú ya̱ tátúníꞌ iniꞌ ñɨ̱vɨ́ yaꞌá. Asúnika̱ꞌ ntu̱náꞌ fesáꞌ níso‑o tatúníꞌ‑i nu̱u̱nꞌ nuꞌuꞌ.

Juan 16:11

Jee stúvi kájí re̱ꞌ ya̱ keꞌneꞌ na̱a̱ꞌ re̱ꞌ kua̱chi si̱kɨ̱ꞌ rá ñɨvɨ ñɨ̱vɨ́, chi ya̱ nkuna̱a̱ꞌ kɨ̱naanꞌ ta̱chi̱ꞌ kíni kúñáꞌnú ya̱ tátúníꞌ iniꞌ ñɨ̱vɨ́ yaꞌá.

Juan 17:23

Nuꞌuꞌ, jee yɨ́ꞌɨ́ ni̱ꞌ iniꞌ ráa, jee noꞌó, yɨ́ꞌɨ́ nú iniꞌ nuꞌuꞌ, sáva kenta kuna̱a̱ꞌ nuún koo iniꞌ ráa, sáva kuniꞌ rá ñɨvɨ ñɨ̱vɨ́ ya̱ maánú nchu̱ichí nú nuꞌuꞌ, jín ya̱ ñúnúunꞌ nú ráa kuéntáꞌ ñúnúunꞌ nú nuꞌuꞌ.

Romanos 8:31

¿Ná kúvi ya̱ kachiꞌ‑ó jie̱ꞌe̱ꞌ rá tu̱ꞌun yaꞌá, résa? Chi nu̱u̱nꞌ íñɨ́ Ndiosíꞌ jín‑ó, ¿né ɨɨn ya̱ kenta si̱kɨ̱ꞌ‑ó nu̱u̱nꞌ Ndiosíꞌ résa? ¡Ntu̱né kúneí ráa nɨ́ɨ́nkání!

Romanos 8:37

Soo súka̱ꞌ nóꞌo‑ó tu̱nóꞌó sukuán, jee Cristo ya̱ ñúnúunꞌ re̱ꞌ yó, maáréꞌ sáꞌá re̱ꞌ ya̱ ntántúníꞌ kuneí‑ó núneí ka̱ꞌ iniꞌ‑ó,

1 Corintios 2:12

Jee maáórán chi ntu níꞌínꞌ‑ó ta̱chi̱ꞌ váji ñɨ̱vɨ́ yaꞌá jee saáva ntu jiáni xi̱ni̱ꞌ‑ó sánikua̱ꞌ jiáni xi̱ni̱ꞌ rá ñɨvɨ ñɨ̱vɨ́ ya̱ ntu jíníꞌ ráa iniꞌ Ndiosíꞌ, chisaꞌ níꞌínꞌ‑ó Ta̱chi̱ꞌ Ííꞌ vá va̱ji nu̱u̱nꞌ maá Ndiosíꞌ, sáva kuniꞌ‑ó ya̱ váꞌa ya̱ nsi̱kútaꞌviꞌ saɨn re̱ꞌ maa nu̱u̱nꞌ‑ó.

1 Corintios 6:13

Suni káchíꞌ ráa: “Ya̱ yájíꞌ‑ó kúvi ya̱ kuꞌun chi̱ji‑ó, jee chi̱ji‑ó kúvi ya̱ kuꞌun ya̱ yájíꞌ‑ó.” Soo koo ɨɨn ki̱vɨ̱ꞌ ya̱ xináánꞌ Ndiosíꞌ ni núvíꞌ ráa. Soo yɨkɨkúñu‑ó, jee ntu̱ví nsáꞌá Ndiosíꞌ maa sáva kuatíñú‑ó maa saꞌá‑ó tiñu téní kúsíkɨ́ iniꞌ‑ó, chisaꞌ nsa̱ꞌá re̱ꞌ maa sáva kɨtíñú‑ó jín‑i nu̱u̱nꞌ maá I̱toꞌoꞌ‑ó, jee íyó ya̱ kuatíñú I̱toꞌoꞌ‑ó yɨkɨkúñu‑ó.

2 Corintios 4:4

Maá kui̱ꞌna̱ꞌ kúñáꞌnú ya̱ yósóꞌ nu̱u̱nꞌ rá ñɨvɨ ñɨ̱vɨ́ yaꞌá tiempúꞌ vitan kuéntáꞌ ɨɨn ndiosíꞌ, jee sáꞌá re̱ꞌ kuneenꞌ antúníꞌ rá ñɨvɨ vá, ya̱ ntu ínúꞌ iniꞌ ráa Cristo, ya̱ kuéntáꞌ kuáá ráa, sáva ntu̱ví jiáꞌa re̱ꞌ tu̱ꞌun váꞌa jie̱ꞌe̱ꞌ Cristo na̱tuunꞌ‑u iniꞌ ánímaꞌ ráa, sáva ntu kuniꞌ ráa ya̱ máá kúñáꞌnú Cristo ya̱ ɨɨn ni kúvi re̱ꞌ jín Ndiosíꞌ ya̱ tu̱vi nijinꞌ sáá íyó Ndiosíꞌ.

2 Corintios 6:16

Jee, ¿ná kúvi ya̱ kétáꞌán veñu̱ꞌun Ndiosíꞌ jín rá nantíñú ya̱ nsú Ndiosíꞌ ví‑i ya̱ néñu̱ꞌun ñɨvɨ rúja? Chi maáó kúvi‑ó veñu̱ꞌun Ndiosíꞌ tékúꞌ, chi yɨ́ꞌɨ́ re̱ꞌ iniꞌ‑ó, sáni nkachiꞌ re̱ꞌ: Kuneeꞌ ni̱ꞌ nteñu ráa jee kakanuun ni̱ꞌ satíñú ni̱ꞌ iniꞌ ráa. Jee maáníꞌ kuvi Ndiosíꞌ ráa. Jee suviráa kuvi ñɨvɨ maáníꞌ.

Efesios 2:2

Jee sukuán ñaꞌnu rán tiempúꞌ ya̱ta̱ꞌ nékúvi ne̱ sáá ñaꞌnu rán ichi ñujiínꞌ sáni jiáꞌnu rá ñɨvɨ ñɨ̱vɨ́ yaꞌá ya̱ ntu̱ví yɨ́ꞌɨ́ ráa xi̱ntíín Ndiosíꞌ. Sukuán ñaꞌnu rán sánikua̱ꞌ kuíni kui̱ꞌna̱ꞌ kúñáꞌnú ya̱ kúvi i̱toꞌoꞌ rá ta̱chi̱ꞌ kíni ya̱ jíkanuun ráa nu̱u̱nꞌ ta̱chi̱ꞌ víjin ñɨ̱vɨ́ yaꞌá. Jee kúvi re̱ꞌ ta̱chi̱ꞌ kíni ya̱ sátíñú iniꞌ rá ñɨvɨ kújiááꞌ iniꞌ ráa nu̱u̱nꞌ Ndiosíꞌ.

Efesios 3:17

Sáva kɨꞌɨ Cristo iniꞌ ánímaꞌ rán jie̱ꞌe̱ꞌ ya̱ kúneí iniꞌ rán re̱ꞌ, sáva kuiñɨ ni̱ꞌin rán kuꞌun tu̱ꞌun ñúnúunꞌ re̱ꞌ iniꞌ ránoꞌó, kuéntáꞌ kúkutú yoꞌo yutun jín kuéntáꞌ veꞌi yósóꞌ kutú nu̱u̱nꞌ koo sámáꞌ,

Efesios 6:10

Jee íyó inka ka̱ꞌ jie̱ꞌe̱ꞌ tu̱ꞌun kachiꞌ ni nu̱u̱nꞌ ránoꞌó, rá ñaniꞌ ni̱ꞌ jín rá ku̱ꞌva ni̱ꞌ ya̱ yɨ́ꞌɨ́ rán nu̱u̱nꞌ Cristo, íyó koo neí iniꞌ rán jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó, jee nachuꞌun neí rán iniꞌ rán jín fuersáꞌ ííꞌ mánasɨ́ ni̱ꞌin níso re̱ꞌ.

1 Juan 2:1

Ránoꞌó ya̱ kúneí iniꞌ rán Jesús, ya̱ kúvi rán kuéntáꞌ se̱ꞌya ni̱ꞌ, tée ni̱ꞌ rá tu̱ꞌun yaꞌá nu̱u̱nꞌ rán sáva nsáꞌá rán kua̱chi. Soo retú néni ɨɨn‑ó saꞌá kua̱chi, jee íyó ɨɨn re̱ꞌ ya̱ yɨ́tuvi re̱ꞌ náma re̱ꞌ yó ichinúúnꞌ Tátáꞌ‑ó Ndiosíꞌ, jee suvire̱ꞌ kúvi Jesús ya̱ kúvi Cristo ya̱ na̱a̱ꞌ kúvi re̱ꞌ.

1 Juan 2:13

Tée ni̱ꞌ nu̱u̱nꞌ ránoꞌó, rá tátáꞌ, chi ma̱ni̱ꞌ rán jín maáréꞌ ya̱ ya íyó ne̱ tiempúꞌ xíꞌnañúꞌún. Tée ni̱ꞌ nu̱u̱nꞌ ránoꞌó, rá te̱e súchí, chi nku̱neí rán jín kui̱ꞌna̱ꞌ kúñáꞌnú ya̱ ntu kúvi sikúvi re̱ꞌ iniꞌ ránoꞌó nu̱u̱nꞌ kua̱chi. Tée ni̱ꞌ nu̱u̱nꞌ ránoꞌó rá kuáchí lúlí, chi ma̱ni̱ꞌ rán jín Tátáꞌ‑ó Ndiosíꞌ.

1 Juan 3:20

Chi retú ñúꞌún kua̱chi iniꞌ ánímaꞌ‑ó, soo kúñáꞌnú ka̱ꞌ ví Ndiosíꞌ nu̱u̱nꞌ ánímaꞌ‑ó, ya̱ kunekáꞌnú iniꞌ re̱ꞌ ka̱ꞌ yó, jee jíníꞌ re̱ꞌ nɨꞌɨ.

1 Juan 3:24

Jee ñɨvɨ ya̱ síkúnkuvi ya̱ tátúníꞌ Ndiosíꞌ, jee kínóo kutú ñɨvɨ vá yɨ́ꞌɨ́‑ɨ nu̱u̱nꞌ re̱ꞌ, jín suni máá Ndiosíꞌ kínóo kutú re̱ꞌ yɨ́ꞌɨ́ re̱ꞌ iniꞌ‑i. Jee jie̱ꞌe̱ꞌ ya̱ ntaji re̱ꞌ Ta̱chi̱ꞌ Ííꞌ re̱ꞌ yɨ́ꞌɨ́‑ɨ iniꞌ‑ó, saáva jíníꞌ‑ó ya̱ kínóo kutú re̱ꞌ yɨ́ꞌɨ́ re̱ꞌ iniꞌ‑ó.

1 Juan 4:13

Jee jín yaꞌá jíníꞌ‑ó ya̱ kínóo kutú‑ó yɨ́ꞌɨ́‑ó nu̱u̱nꞌ re̱ꞌ, jín ya̱ maáréꞌ chi kínóo kutú re̱ꞌ yɨ́ꞌɨ́ re̱ꞌ iniꞌ‑ó, chi ntaji re̱ꞌ Ta̱chi̱ꞌ Ííꞌ re̱ꞌ yɨ́ꞌɨ́‑ɨ iniꞌ‑ó.

1 Juan 4:16

Jee jíníꞌ‑ó jee ínúꞌ iniꞌ‑ó ya̱ ñúnúunꞌ Ndiosíꞌ yó. Chi mánitu̱ꞌun ñúnúunꞌ ñúꞌún iniꞌ Ndiosíꞌ. Jee ñɨvɨ kínóo kutú‑u nu̱u̱nꞌ mánitu̱ꞌun ñúnúunꞌ‑u, jee suvivá kínóo kutú‑u yɨ́ꞌɨ́‑ɨ nu̱u̱nꞌ re̱ꞌ, jee kínóo kutú Ndiosíꞌ yɨ́ꞌɨ́ re̱ꞌ iniꞌ ñɨvɨ vá.

1 Juan 4:6

Jee maáórán chi ñɨvɨ Ndiosíꞌ ví‑ó. Jee ñɨvɨ ya̱ ma̱ni̱ꞌ jín Ndiosíꞌ, jee tésóꞌo ñáꞌnú ñɨvɨ vá rá tu̱ꞌun káchíꞌ‑ó. Jee ñɨvɨ ya̱ ntu kúvi ñɨvɨ Ndiosíꞌ, ntu tésóꞌo ñáꞌnú ráa rá tu̱ꞌun káchíꞌ‑ó. Jee jín yaꞌá jíníꞌ‑ó né ɨɨn ví ñɨvɨ ya̱ yɨ́ꞌɨ́ Ta̱chi̱ꞌ Ííꞌ Ndiosíꞌ iniꞌ‑i ya̱ jiáꞌa ya̱ naáꞌ, jín né ɨɨn ñɨvɨ yɨ́ꞌɨ́ xi̱ntíín ta̱chi̱ꞌ túꞌún.

1 Juan 5:19

Jee jíníꞌ‑ó ya̱ kúvi‑ó ñɨvɨ Ndiosíꞌ, jín ya̱ kua̱íyó kuitɨꞌ rá inka ñɨvɨ ñɨ̱vɨ́ yaꞌá ya̱ ntu yɨ́ꞌɨ́ ráa nu̱u̱nꞌ re̱ꞌ, yɨ́ꞌɨ́ ráa chi̱ji xi̱ntíín kui̱ꞌna̱ꞌ kúñáꞌnú.

1 Juan 5:4

Chi nta̱ká ñɨvɨ ya̱ nsa̱ꞌá Ndiosíꞌ ya̱ nna̱kaku ráa kúvi nijia ráa se̱ꞌya re̱ꞌ, jee kúneí ráa si̱kɨ̱ꞌ ñujiínꞌ ñɨ̱vɨ́ yaꞌá ya̱ ntu yɨ́ꞌɨ́ vá xi̱ntíín Ndiosíꞌ. Jee tu̱ꞌun kúneí iniꞌ‑ó Jesús vá kúvi fesáꞌ ya̱ kúneí‑ó si̱kɨ̱ꞌ ñujiínꞌ ñɨ̱vɨ́ yaꞌá.

Apoclipsis 12:11

Soo nku̱neí ráa nu̱u̱nꞌ Satanás vá jie̱ꞌe̱ꞌ ya̱ nñatɨ Cristo ni̱ñɨ̱ꞌ re̱ꞌ sáá ni̱ꞌi̱ꞌ re̱ꞌ nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ jie̱ꞌe̱ꞌ ráa, ya̱ kúvi re̱ꞌ Lanchi Lúlí Ndiosíꞌ, jee suni nku̱neí ráa jie̱ꞌe̱ꞌ tu̱ꞌun ya̱ njia̱ꞌa ráa ya̱ naáꞌ jie̱ꞌe̱ꞌ re̱ꞌ, jee nku̱neí ráa jie̱ꞌe̱ꞌ ntu ñúnúunꞌ ráa maáráa ya̱ kutekuꞌ ráa jee ñeꞌneꞌ iniꞌ ráa maáráa súka̱ꞌ ne̱ kuviꞌ ráa jie̱ꞌe̱ꞌ tu̱ꞌun re̱ꞌ.