1 Juan 3:3 - Mixteco del suroeste de Tlaxiaco Oaxaca

³ Jee nta̱ká ñɨvɨ ya̱ íyó túꞌun neí iniꞌ ráa ya̱ saꞌá re̱ꞌ yaꞌá, jee násaꞌá ninuꞌun ráa maáráa, kuéntáꞌ íyó ninuꞌun maáréꞌ.

1 Juan 3:3 交叉參考

Mateo 5:48

Saáva na̱a̱ꞌ kueꞌnu ránú kɨtíñú noo rán nu̱u̱nꞌ Ndiosíꞌ kuéntáꞌ kua̱ꞌ máá na̱a̱ꞌ kúvi Tátáꞌ ránú Ndiosíꞌ ya̱ nééꞌ antivɨ́ súkún.

Lucas 6:36

Jee náꞌví koo iniꞌ rán kune̱ꞌyá rán rá ñɨvɨ, kuéntáꞌ kua̱ꞌ náꞌví íyó iniꞌ Tátáꞌ rán Ndiosíꞌ.

Juan 17:19

Jee yɨ́tíñú ni̱ꞌ nu̱u̱nꞌ noꞌó sáva kuvi ya̱ váꞌa nu̱u̱nꞌ ráa, sáva suni kúvi kɨtíñú ráa nu̱u̱nꞌ nú jie̱ꞌe̱ꞌ ya̱ naáꞌ.

Hechos 15:9

Ntu káji Ndiosíꞌ néꞌyá re̱ꞌ yó jín ráa. Chi nxi̱nónoo re̱ꞌ kua̱chi yɨ́ꞌɨ́ ánímaꞌ ráa, chi kúneí iniꞌ ráa Jesús.

Romanos 15:12

Jee suni káchíꞌ ya̱chi̱ꞌ tuku Isaías: Jee kiji kene ɨɨn te̱e ya̱ koo Se̱ꞌya ichiyúkúnꞌ kene ne̱ nu̱u̱nꞌ Isaí, jee maáréꞌ kikui̱ñɨ̱ꞌ re̱ꞌ sáva tatúníꞌ re̱ꞌ ntáká nación, jee rá ñɨvɨ ya̱ ntu kúvi ñɨvɨ ñuunꞌ Israel vá koo tu̱ꞌun kuneí iniꞌ ráa re̱ꞌ. Nkachiꞌ Isaías.

2 Corintios 7:1

Jee ránoꞌó ñanitáꞌán ya̱ ñúnúunꞌ ni̱ꞌ, nni̱ꞌi̱nꞌ‑ó tu̱ꞌun yaꞌá ya̱ nchi̱sóyuꞌú Ndiosíꞌ saꞌá re̱ꞌ jín‑ó. Jee saáva íyó koo noo ninuꞌun‑ó ya̱ nkɨ́ꞌɨ‑ó nu̱u̱nꞌ nta̱ká ya̱ sátéꞌén yɨkɨkúñu‑ó jín ánímaꞌ‑ó nu̱u̱nꞌ Ndiosíꞌ. Jee íyó kujia iniꞌ‑ó sasɨ́ɨ́n‑ó maáó ya̱ nkɨ́ꞌɨ‑ó nu̱u̱nꞌ ya̱ níváꞌa, chi ñúyúꞌví iniꞌ‑ó Ndiosíꞌ.

Colosenses 1:5

Jiáꞌnu rán suꞌva chi jie̱ꞌe̱ꞌ ni ka̱ꞌ íyó tu̱ꞌun neí iniꞌ rán ni̱ꞌi̱nꞌ rán ta̱ꞌvi̱ꞌ ya̱ nanitáꞌvíꞌ rán ya̱ ñúꞌún va̱ꞌa ne̱ ñuunꞌ íyó súkún nu̱u̱nꞌ íyó Ndiosíꞌ. Jie̱ꞌe̱ꞌ ta̱ꞌvi̱ꞌ vá ví ya̱ ya nteso̱ꞌo rán nu̱u̱nꞌ tu̱ꞌun na̱a̱ꞌ, ya̱ kúvi tu̱ꞌun váꞌa jie̱ꞌe̱ꞌ Cristo, naní evangelio.

2 Tesalonicenses 2:16

I̱ña̱jée, máá maá I̱toꞌoꞌ‑ó, Jesucristo, jín Tátáꞌ‑ó, Ndiosíꞌ, suviráa ñúnúunꞌ ráa yó. Saáva násaváꞌa ráa iniꞌ‑ó nɨ́ɨ́nkání, jee nsa̱ꞌá ráa ya̱ íyó tu̱neí iniꞌ‑ó ya̱ váꞌa saꞌá ráa nu̱u̱nꞌ‑ó, jie̱ꞌe̱ꞌ íyó mániꞌ iniꞌ ráa néꞌyá ráa yó.

Tito 3:7

Ntaji Ndiosíꞌ maa sáva ni̱ꞌi̱nꞌ‑ó ta̱ꞌvi̱ꞌ ya̱ kutekuꞌ‑ó nɨ́ɨ́nkání jín re̱ꞌ, ya̱ íyó tu̱neí iniꞌ‑ó, chi nsiíyo re̱ꞌ kua̱chi nsa̱ꞌá‑ó sáva ku̱ꞌvayuꞌú re̱ꞌ ya̱ kino̱o na̱a̱ꞌ‑ó nu̱u̱nꞌ re̱ꞌ, chi íyó mániꞌ iniꞌ re̱ꞌ néꞌyá re̱ꞌ yó, ya̱ ntu íyó ni̱ꞌi̱nꞌ‑ó maa.

Hebreos 12:14

Naniꞌvɨꞌ iniꞌ rán nukú rán kuneeꞌ ñunkúún rán jín ntáká ñɨvɨ jín ya̱ kusɨ́ɨ́n rán nu̱u̱nꞌ kua̱chi jee kɨtíñú rán nu̱u̱nꞌ Ndiosíꞌ. Chi retú ntu yɨ́tíñú ɨɨn ñɨvɨ nu̱u̱nꞌ Ndiosíꞌ, ni nsáꞌ kuniꞌ‑i nu̱u̱nꞌ I̱toꞌoꞌ‑ó.

Hebreos 6:18

Jee saájee íyó u̱vi̱ꞌ tu̱ꞌun nkachiꞌ re̱ꞌ vá ya̱ ni ntu̱né kúvi sama‑a, chi ntu kuvi katúꞌún Ndiosíꞌ. Saáva nsa̱náaꞌ re̱ꞌ sukuán sáva nuneí téyɨ́ɨ́ iniꞌ maáórán ya̱ numíjiꞌíꞌ nna̱tuꞌva‑ó nu̱u̱nꞌ re̱ꞌ nama re̱ꞌ yó, sáva ni̱ꞌi̱nꞌ‑ó tu̱neí iniꞌ‑ó ya̱ ni̱ꞌi̱nꞌ‑ó ta̱ꞌvi̱ꞌ taji re̱ꞌ nu̱u̱nꞌ‑ó.

Hebreos 7:26

Jee saáva, Jesús kúvi nijia re̱ꞌ su̱tu̱ꞌ maá kúñáꞌnú nasɨ́kuitɨꞌ ka̱ꞌ sáni jíniñúꞌún‑ó. Chi i̱i̱ꞌ víꞌí re̱ꞌ, chi ni ntu̱ví kua̱chi re̱ꞌ, jee íyó noo re̱ꞌ, jee íyó sɨ́ɨ́n re̱ꞌ nu̱u̱nꞌ rá ñɨvɨ íyó kua̱chi, jee nkenta kúñáꞌnú nasɨ́kuitɨꞌ re̱ꞌ ne̱ nu̱u̱nꞌ súkún nasɨ́kuitɨꞌ ka̱ꞌ antivɨ́.

Santiago 4:8

Natuꞌva rán nu̱u̱nꞌ Ndiosíꞌ, jee natuꞌva re̱ꞌ nu̱u̱nꞌ rán. ¡Ñɨvɨ kua̱chi! ¡Íyó saꞌá noo rán maárán nu̱u̱nꞌ kua̱chi sáꞌá rán! ¡Ñɨvɨ ya̱ ɨɨn u̱vi̱ꞌ ñúꞌún iniꞌ ánímaꞌ rán! ¡Jee íyó saꞌá ninuꞌun rán ánímaꞌ rán!

1 Pedro 1:15

Chisaꞌ sánikua̱ꞌ íyó sɨ́ɨ́n Ndiosíꞌ ntu yɨ́ꞌɨ́ re̱ꞌ nu̱u̱nꞌ ya̱ niváꞌa, jee suni sukuán koo sɨ́ɨ́n rán nkɨ́ꞌɨ rán nu̱u̱nꞌ ya̱ niváꞌa nu̱u̱nꞌ ntáká tiñu jiáꞌnu rán kɨtíñú rán nu̱u̱nꞌ Ndiosíꞌ ya̱ nkana re̱ꞌ ránoꞌó.

1 Pedro 1:3

Na̱ ka̱ꞌ nakuetúꞌún‑ó Ndiosíꞌ ya̱ kúvi re̱ꞌ Tátáꞌ I̱toꞌoꞌ‑ó Jesús ya̱ kúvi Cristo, chi jie̱ꞌe̱ꞌ ntántúníꞌ nasɨ́kuitɨꞌ náꞌví iniꞌ re̱ꞌ yó, jee nsama re̱ꞌ iniꞌ‑ó nna̱sikáku jiáá re̱ꞌ yó jee íyó kutú tu̱neí iniꞌ‑ó nétu‑ó kutekuꞌ‑ó nɨ́ɨ́nkání jín re̱ꞌ, jie̱ꞌe̱ꞌ ya̱ nna̱tekuꞌ i̱i̱ꞌ Jesús ya̱ kúvi Cristo nene re̱ꞌ nteñu rá níyɨ.

2 Pedro 1:4

Jee saáva jie̱ꞌe̱ꞌ nni̱ꞌi̱nꞌ‑ó nɨꞌɨ rá yaꞌá jee nchi̱sóyuꞌú re̱ꞌ nu̱u̱nꞌ‑ó ya̱ saꞌá re̱ꞌ rá tiñu jín‑ó ya̱ máá ñáꞌnú víꞌí ka̱ꞌ ya̱ váꞌa yɨ́yáꞌvi víꞌí ka̱ꞌ. Jee jie̱ꞌe̱ꞌ ya̱ nchi̱sóyuꞌú re̱ꞌ jee kuvi kenta koo rán kuéntáꞌ maáréꞌ, chi síkáku re̱ꞌ ránoꞌó nu̱u̱nꞌ ya̱ niváꞌa ya̱ nkúꞌun ka̱ꞌ iniꞌ rán rá tiñu néꞌí sɨ̱ɨ̱ꞌ iniꞌ ya̱ níyo iniꞌ rá ñɨvɨ ñɨ̱vɨ́ yaꞌá.

2 Pedro 3:14

Saáva ránoꞌó ya̱ ñúnúunꞌ ni̱ꞌ, jee ni nétu rán ya̱ kiji ntáká rá tiñu yaꞌá, jee kuniꞌvɨꞌ iniꞌ rán nikó néí rán ya̱ kino̱o noo ánímaꞌ rán jee ntu̱náꞌ kua̱chi kuniso ka̱ꞌ ánímaꞌ rán, jee kuniꞌ re̱ꞌ ya̱ ne̱ va̱ꞌa koo ntáká rán jín re̱ꞌ, sáá nenta re̱ꞌ.

1 Juan 2:6

Jee ñɨvɨ ya̱ káchíꞌ ya̱ kino̱o kutú‑u kɨꞌɨ‑ɨ nu̱u̱nꞌ re̱ꞌ, jee íyó ya̱ kueꞌnu‑u kuéntáꞌ ñaꞌnu Jesús.

1 Juan 4:17

Jee jín yaꞌá jíjia iniꞌ‑ó jín tu̱ꞌun ñúnúunꞌ ñúꞌún iniꞌ‑ó, sáva ne̱ yuchí kúkáꞌnú iniꞌ‑ó ki̱vɨ̱ꞌ keꞌneꞌ re̱ꞌ kua̱chi ñɨvɨ ñɨ̱vɨ́, chi sáni jiáꞌnu Jesús, suꞌva jiáꞌnu‑ó ñɨ̱vɨ́ yaꞌá.