1 Juan 2:16 - Mixteco del suroeste de Tlaxiaco Oaxaca

¹⁶ Chi nsú nu̱u̱nꞌ Tátáꞌ‑ó Ndiosíꞌ va̱ji nta̱ká ya̱ íyó ñujiínꞌ ñɨ̱vɨ́: ya̱ níyo néꞌén iniꞌ saꞌá‑ó jín yɨkɨkúñu‑ó, jín ya̱ níyo iniꞌ‑ó ya̱ néꞌyá‑ó jín nchinúún‑ó, jín ya̱ kúvíxiꞌ‑ó ya̱ kúmí‑ó jín ya̱ sáꞌá‑ó. Chisaꞌ káku rá yaꞌá iniꞌ ñɨ̱vɨ́ yaꞌá.

1 Juan 2:16 交叉參考

Génesis 3:6

Jee niniꞌ ña ya̱ va̱ꞌa íyó ya̱ vixíꞌ vá kajiꞌ maa. Jee tóó túvi néꞌyá ña maa. Jee síkúvi ya̱ vixíꞌ vá iniꞌ ña kajiꞌ ña maa sáva kuníchí ña. Jee nka̱neeꞌ ña ɨɨn ya̱ vixíꞌ vá jee nyajiꞌ ña maa jee suni njia̱ꞌa ña maa nu̱u̱nꞌ yɨɨ́ ña ya̱ nééꞌ re̱ꞌ jín ña yukuán, jee nyajiꞌ re̱ꞌ maa.

Génesis 6:2

Jee niniꞌ rá se̱ꞌya Ndiosíꞌ ya̱ viiꞌ íyó rá se̱ꞌya sɨ́ꞌɨ́ rá ñɨvɨ jee nkeꞌen ráa nta̱na̱ꞌá ráa jín ne̱ ni ɨɨn ya̱ nka̱ji ráa.

Mateo 4:8

Soo tukuni kua̱ꞌa̱nꞌ kui̱ꞌna̱ꞌ nnaka‑a Jesús ne̱ ɨɨn yuku máá súkún, jee yukuán nxi̱néꞌénꞌ‑e re̱ꞌ kua̱íyó rá ñuunꞌ íyó ñɨ̱vɨ́ jín rá nantíñú viiꞌ íyó nu̱u̱nꞌ rává.

Mateo 5:28

Soo nuꞌuꞌ káchíꞌ ni̱ꞌ nu̱u̱nꞌ ránú, ya̱ néni ɨɨn ñɨvɨ ya̱ néꞌyá‑a ɨɨn ñaꞌan níyo iniꞌ‑i néꞌyá‑a, saájee ne̱ iniꞌ ánímaꞌ‑a ya nkusi̱kɨ́ iniꞌ‑i tiñu téní jín ñaꞌan vá.

Lucas 4:5

Saájee nnaka kui̱ꞌna̱ꞌ vá re̱ꞌ nsi̱káa‑a re̱ꞌ kua̱ꞌa̱nꞌ‑a jín re̱ꞌ ɨɨn xi̱ni̱ꞌ yuku súkún víꞌí, jee nstúvi‑i ɨɨnúún ni nu̱u̱nꞌ re̱ꞌ ntáká rá ñuunꞌ íyó ñɨ̱vɨ́.

Romanos 13:14

Chisaꞌ íyó koo‑ó kuéntáꞌ I̱toꞌoꞌ‑ó Jesús ya̱ kúvi Cristo, jee koto ñúꞌún iniꞌ‑ó ka̱ꞌ saꞌá‑ó máá tiñu niváꞌa ka̱ꞌ ya̱ sáni níyo iniꞌ‑ó jín yɨkɨkúñu kua̱chi‑ó.

1 Corintios 10:6

Jee rá nkuvi jín ráa tiempúꞌ yukuán, jee ɨɨn ichi táji‑i nu̱u̱nꞌ‑ó, sáva ntu níyo iniꞌ‑ó rá níváꞌa, kuéntáꞌ nniyo iniꞌ ráa rá níváꞌa.

Gálatas 5:17

Chi ya̱ níyo néꞌén iniꞌ rán jiásɨ́ꞌ nu̱u̱nꞌ ya̱ kuíni Ta̱chi̱ꞌ Ííꞌ Ndiosíꞌ. Jee ya̱ kuíni Ta̱chi̱ꞌ Ííꞌ jiásɨ́ꞌ ya̱ níyo néꞌén iniꞌ rán. Ña̱re jiásɨ́ꞌ ɨɨn inka ráa nu̱u̱nꞌ táꞌán ráa. Sáva ntu kúvi saꞌá rán néni ɨɨn tiñu kuíni rán saꞌá rán.

Gálatas 5:24

Saájee rá ñɨvɨ yɨ́ꞌɨ́ nu̱u̱nꞌ Cristo Jesús, ñaꞌniꞌ ráa ya̱ níyo néꞌén iniꞌ ráa nu̱u̱nꞌ kurúsiꞌ, jín ne̱ ya̱ néꞌén ya̱ nóꞌónꞌ iniꞌ ráa saꞌá ráa, jín ne̱ ya̱ néꞌén ya̱ tíntɨ́ ráa.

Efesios 2:3

Jee suni sukuán ntáká‑ó nuún ñaꞌnu‑ó jín ráa nteñu ráa tiempúꞌ yukuán, sáni ya̱ níyo iniꞌ‑ó saꞌá‑ó jín yɨkɨkúñu kua̱chi‑ó chi ntu nyɨ́ꞌɨ‑ó xi̱ntíín Ndiosíꞌ, jee nsa̱ꞌá‑ó sáni kuíni iniꞌ yɨkɨkúñu‑ó jín sáni jiáni iniꞌ antúníꞌ‑ó. Jee saáva nkuvi‑ó ñɨvɨ ya̱ íyó níꞌínꞌ‑ó ya̱ kítɨ́ꞌ iniꞌ Ndiosíꞌ néꞌyá re̱ꞌ yó ya̱ kunoꞌo‑ó tu̱nóꞌó xéénꞌ ya̱ taji re̱ꞌ nékúvi, kuéntáꞌ íyó níꞌinꞌ rá inka rá ñɨvɨ.

Tito 2:12

Jie̱ꞌe̱ꞌ ya̱ íyó mániꞌ iniꞌ re̱ꞌ, jee suꞌva síkújia re̱ꞌ iniꞌ‑ó ya̱ chusává‑ó maáó nu̱u̱nꞌ ichi níváꞌa ya̱ ntu íyó sáni kuíni Ndiosíꞌ, jín nu̱u̱nꞌ ya̱ níyo iniꞌ‑ó ya̱ íyó sáni níyo iniꞌ rá ñɨvɨ ñɨ̱vɨ́ ya̱ ntu chíꞌi ráa maáráa naꞌá Ndiosíꞌ. Jee suꞌva síkújia re̱ꞌ iniꞌ‑ó, ya̱ tiempúꞌ vitan kueꞌnu kájí‑ó, jín ya̱ kaka na̱a̱ꞌ‑ó nu̱u̱nꞌ Ndiosíꞌ, jín ya̱ kɨtíñú‑ó nu̱u̱nꞌ ichi na̱a̱ꞌ sáni kuíni Ndiosíꞌ.

Tito 3:3

Chi nékúvi sunisaá maáó nkuvi‑ó ñɨvɨ naanꞌ, jee nku̱jiááꞌ iniꞌ‑ó, jee maáó nika̱ꞌ ni̱nu̱ꞌ iniꞌ rá tu̱ꞌun xínáꞌví, jee nyɨ̱ꞌɨ‑ó chi̱ji xi̱ntíín kéꞌín ya̱ níyo iniꞌ jín xi̱ntíín kéꞌín ya̱ sɨ̱ɨ̱ꞌ iniꞌ, jee niva̱ꞌa ñaꞌnu‑ó, jee ni̱yo uꞌvi iniꞌ‑ó, jee nta̱ꞌvi̱ꞌ iniꞌ ñɨvɨ nne̱ꞌyá ráa yó, jee nta̱ꞌvi̱ꞌ iniꞌ‑ó nne̱ꞌyá‑ó ɨɨn inka‑ó.

Santiago 3:15

Chi nsáꞌ níchí va̱ji ne̱ nu̱u̱nꞌ Ndiosíꞌ ví yaꞌá. Va̱ji ya̱ níchí yaꞌá ne̱ nu̱u̱nꞌ ñɨ̱vɨ́ yaꞌá, jín ne̱ nu̱u̱nꞌ antúníꞌ ñɨvɨ ya̱ ntu kúneí Ta̱chi̱ꞌ Ííꞌ Ndiosíꞌ jín ráa, jín ne̱ nu̱u̱nꞌ kui̱ꞌna̱ꞌ.

Santiago 4:16

Soo vitan sáꞌá víxiꞌ rán jee káꞌánꞌ téyɨ́ɨ́ rán, jee nɨꞌɨ ya̱ káꞌánꞌ téyɨ́ɨ́ suꞌva kúvi ya̱ niváꞌa.

1 Pedro 1:14

Jee kuéntáꞌ se̱ꞌya ya̱ káníjiá, jee koto jiáꞌnu rán ka̱ꞌ sáni ñaꞌnu rán jín ya̱ sɨ́ɨ́ꞌ néꞌí níyo iniꞌ rán tióꞌ ya̱ta̱ꞌ ne̱ sáá ntiáꞌan ka̱ꞌ kuniꞌ rán Tu̱ꞌun Ndiosíꞌ.

1 Pedro 2:11

Ránoꞌó ñanitáꞌán ya̱ ñúnúunꞌ ni̱ꞌ, náxiníꞌvɨ́ꞌ ni̱ꞌ iniꞌ rán ya̱ koo rán kuéntáꞌ kua̱ꞌ retánꞌ kúvi rán to̱ꞌo̱ꞌ inka ñuunꞌ ya̱ váji íká rán jee ntu jiáꞌnu rán kuéntáꞌ jiáꞌnu rá ñɨvɨ ñɨ̱vɨ́ yaꞌá, jee saáva chusává rán rá tiñu ya̱ níyo iniꞌ rán saꞌá rán ya̱ ntu yɨ́ꞌɨ́ xi̱ntíín Ndiosíꞌ chi súkúta̱ꞌán‑a jín ánímaꞌ rán.

2 Pedro 2:10

Jee víꞌí ka̱ꞌ xinóꞌo re̱ꞌ rá ñɨvɨ ya̱ núkú ráa sáꞌá ráa tiñu téní sɨ̱ɨ̱ꞌ iniꞌ ya̱ níyo néꞌén iniꞌ ráa ya̱ ntu íyó ninuꞌun iniꞌ ráa, jee kúíchi iniꞌ ráa ya̱ ni ɨɨn nkúvi tátúníꞌ‑i nu̱u̱nꞌ ráa. Jee ni̱ꞌin víꞌí iniꞌ ráa, jee chúneí iniꞌ ráa saꞌá ráa rá tiñu kuíni iniꞌ maáráa, jee ni ntu yúꞌví ráa tenu̱u̱nꞌ ráa si̱kɨ̱ꞌ rá kúñáꞌnú.

2 Pedro 2:18

Chi jie̱ꞌe̱ꞌ rá tu̱ꞌun vi̱xi̱ꞌ káꞌánꞌ ka̱ꞌá ráa jie̱ꞌe̱ꞌ rá tiñu téní sɨ̱ɨ̱ꞌ iniꞌ jín rá tiñu kánéꞌí, jee sukuán ne̱ ñunkúún síjínúꞌ ráa iniꞌ rá ñɨvɨ ya̱ sukuán ni nkaku rává nkene rává nu̱u̱nꞌ rá ñɨvɨ jiáꞌnu ichi stívɨ́, jee náxtá ráa rá ñɨvɨ vá ni̱kóyátá rává kunikɨnꞌ rává ichi xínéꞌénꞌ ráa.