Números 13:19 - Sharanahua: Diospan Tsain

¹⁹ Ascatan aton maihuunoari oinsharacahuun. Shara iyamaraimain chacaquin. Ascashon aton pushu rasi cunu cuyacoin tarati huayacunafo iyamaraimain tsoan aton pushu rasi ano cushuamaquin.

Números 13:19 交叉參考

Éxodo 3:8

Unfin nai murannoashu fotoaquin ato numashquin. Unfin Egipcio mai anoshon ato nichicain nan mai uhuapa fasi sharacoin ano un ato iyoi cai. Nannofin nantifi yono foaisharacain tushu sharacoinfo futsa futsatapafo icain fona ichaparasiquin. Nan unu afatiro cusca nanscarifi ai nan fona ayati sharacoin afain. Nantianri nanno Cananeofo non Hititafo non Amorreofo non Ferezeofo non Heveofo non Jebuseofo non afo icafoquin.

Números 13:18

Ahuu cuscaramainquin oinyotacahuun. Yora ano icafomain ahuu cuscarafoquin mutsisipafo iyamaraimain tsoan mutsisipamaquin nanfo oinfain yora ichapa iyamaraimain yora ichapamaquin oinsharatacahuun.

Números 13:20

Oinfain aton mai anomain yono foaisharatiro iyamaraimain yono foaisharatiromaquin. Ascatari nannomain nii ichapa iyamarai nii yamaicain. Ratuquima nan mai ari fotacahuun aton yonofo non aton fimifo noco fushoshcaquin non oinon, —ishon Moisés ato yononi. Nantianri uva rama oshi futsui ini.