Mateo 7:13 - Sharanahua: Diospan Tsain

¹³ Ascashon tsain futsari un mato yoinon. Nannofin fai rafuquin. Nan fai tohuaica uhuapaton yorahuanrasi ahuunsi fomisifo. Ascafia nan mau fai tanashu ahuun unutaqui omitsiscapanacafo muran iquishcani. Ascacun mau fai uhuapaton catama fai atsoshta tanacahuun.

Mateo 7:13 交叉參考

Juan 14:6

Ascaiton Jesús cumani, —Unfin na faiquin. Unfin iconmisiquin. Uhuunoashufin yorafo nipatirofoquin. Tsoacai afi uhuun Upa icano nocotiroma. Uhuunoashu fustifin uhuun Upa ari nocotirofoquin.

Juan 10:9

Unfin na shoi caincaiti cuscaraquin. Tsoa Upa Dios icano ipapaiquin uhuunoashu fusti ari iquitiro afu ipashquin. Natianri uhuunoashu isharatirofo ahuatocai aton nomuran fucash huatiroma.

Gálatas 5:24

Cristo Jesús ahuun yorafoan chaca huapaonifo cuscan ihui coyan iquinanqui man mastanifo aton chaca nantifi cuyonon. Jesús ihui coyan iquinanqui noco nashoni nocon chacafori afu mastai cafisca non a cuscara shara inon. Non chaca huapaoni cuscacai non afanan asca huapaima.

Mateo 3:2

Ascano nannoshon ato yoiquin isca huani, —Nantifi yorafoan ua nicacahuun. Maton chaca shatucoincashon Diosin tsain nicacoincahuun. Samamashta Diosin mato yonoshqui oiquin, —ishon Juanpan oi ashcafinin ato yoini.

Mateo 3:8

Ascacun chaca shatucoincashon Diosin mato yoia cuscan nicacoincahuun. Man ipaoni cuscari afanan ayamacahuun. Man ascaiton yorafoan ointirofo man afanan chaca huapaitama Dios fusti man tanasharaiton.

2 Corintios 6:17

Ascano icoinra huamafo icaifo cuscan ayamacahuun. Ato fu rafufafainyamacahuun. Ahua chaca huayamacahuun. Man ascaino un matofu iishquin.

Mateo 23:13

Ato asca huatan Jesús Moisés cununi cuscan tapimamisifo yafi Fariseofori yoiqui isca huani, —¡Ohua! Moisés cununi cuscan tapimamisifo futan Fariseofoan ua nicasharacahuun. Manfin fuparamitamisicoinfoquin. Upa Dios icano man yorafo iquimapaifiaquicai man ato iquimatiroma. Ascashu marificai man iquitiroma. Iquipaifiaifoan man ato catima huaa. Ascacun Diosin mato fasi onaintimaquin finacoinshquin.

Apocalipsis 20:15

Ascan nan libro ahuun anu nipamisi. Tsoa ahuun anu nan libro muran Upa Diosin cunumisima nanfo chi urumanhuan muran pota.

Filipenses 3:19

Jesús ato amapaiyai cuscacai shinantama nan afin apaiaifo cuscan fusti shinancani. Pifain ayafain huacaquin. Nan fusti shinancani. Ascashon nan nocofunufoan ainfofohuunoa fusti shinancani. Nanscarifi ainfofo aifono nocofunu futsafo yasi icaifoanno. Nanscara chacafosi huacani. Nanscaisi tapiafo. Non chacaforan itama noncaifin sharaquin icafo. Afanancai tsoa rafipaitirofoma. Nanscarafo nacanashu omitsiscapanacafo muran focani.

2 Corintios 4:4

Nanfofin yoshin chaca Satanás aton ifoshofin ato yonomisiquin. Ascashon aton nomuran fufopomua cuscara ato huamano tsain shara Jesushuunoa tapinonfoma. Jesús ato oinmapai arifi Apa Dios cuscaracoin icoinra huanonfo. Nan tsain fasi shara iconcoinfiacun Satanás ato fusho cuscara huama aton nomuranshonri icoinra huanonfoma.

Hechos 3:19

Ascacun man chaca huamisi cuscan shatucahuun. Chaca huatamarocon Upa Dios shinancahuun maton chaca soashonon.

Apocalipsis 20:3

Ascashon quininhuan faquish muran pota. Potatan aqui fupocoian amuran mil fari inon afanan caifoti paranonma. Nan mil fari anaitiano cainmayoi ahuutishotama afanan mai ano cahuancacayonon.

1 Juan 5:19

Man non tapiari non Diospan facufo. Nan icoinra huafoma ahuun facufoma. Manifoannati nan yoshin chaca ato iquina.

Mateo 25:46

Un ato nannori yoiaino umaquinoashu omitsiscapanacafo muran foshcani. Ascaino nan ua icoinra huafo uhuun Upa Diosin aton chaca soashonafo un icano ufu foshcani ufu ipashcaquin, —ishon Jesús ato yoini.

Mateo 25:41

Ascashon nan ua icoinra huamafo tiri futsa niafoan un ato yoiqui isca huashquin, “Manfin ua chaca huamisiquin. Un fonainfiaitocai man ua pimamisima. Un nomiaitoricai man ua ahuara ayamamisima. Un matoqui nocofiaitocai ua oinyamafiamisishaquin man ua pimayamafain un sahuutiromafiacuri man ua sahuumamisima. Un isinincaitoricai man ua cushumisima. Ua cunu muran iquimanafoanno cai man ua oincamisima. Ascacun umaquinoashu fotacahuun. Nan yoshin chaca Satanás yafi afu yoshin chaca futsafo Upa Diosin ato chi urumanhuan itishara huashoan nannori mato potai. Nannoashu nanfoya man omitsiscapashquin,” ishon un ato yoiaiton.

Génesis 6:12

Ascano Diosin oinni nantifi yorafoan fasi chaca fustisi shinanfafainaifoan. Ascan nan acaifo cuscan fasi chacacoin ini. Nanscara chacafo oinqui Diosin Noé yoini isca huaquin, —Un shinain cuscan un nantifi yorafo cuyoi. Nanfohuunoashu nantifi yorafo fasi sutumitsamisifo non rutumitsamisifori ichapacoin maitio ano. Ascacufin un ato nantifi cuyofain nan maitiori un ununhuanun fuposhquin.

Apocalipsis 13:8

Ascan nanfoan nantififain nan yoina pofu cuscara noishcani. Ascashon yoiquin isca huashcani, —Minfin nocon Diosiquin, —huashquicani. Ascaifoancai nocon Ifo Jesús aton anu ahuun libro muran cunuima afu nipanonfo. Mai oni huataima Jesús nantifi icoinra huanonpacoaifoan ato anufo ahuun libro muran iquisi cunuyoni afu ipanonfo. Ascashu nan chashoanun facu cuscarashu noco nashoni noco nimapacushquin.

Romanos 9:22

Nanscarifiai Upa Diosin nantifi yora onihuafiacun atirifoan ahuun tsain nicacasmamisifo. Funainquimashta ato yoiyofiaiton nicayamacaiyaifoan inoncai atoqui sinaquin. Ato potatiro chacani fustisi tapiaifoan. Asca huaquin ato ismatiro ahuamamishti huatiro cuscan.

Lucas 14:33

Nanscarifiai ratoranfoan uhuunshon nantifi ahuunafo potayamashucai ua tanamisi itiroma.

Apocalipsis 12:9

Ascacun Miguel futan Diospan oinmatifoan ato nai muranshon mai ano potani. Nan famanhuan cuscara nan rononhuan shuni ahuun anu futsa Satanás nantifi manifoti ato parafafainmisi.

Génesis 6:5

Ascaifoan nocon Ifo Diosin oinpaoni yorafo fasi chacacoinfocun. Nanfoan aton nomuranshon shinainfo cusca yafi afi apaiyai cuscari chaca fustisi huapaonifo.

Lucas 9:33

Ascashu nan rafu man Jesusmaqui caino Pedronun yoini, —Ifon, nuno non ica shara itiro. Non mia tapasi rafu non fusti huashonon. Mina futsa non Moisésna futsa non Eliasna futsari non huashonon, —ishon yoifiashocai Pedronun tapinima raquirimain huaaquin.

Mateo 7:14

Nan fai tohuaica uhuapama atsoshtacoin. Ascan nanfin fustirasiton fuchitirofo. Nan atsoshta tanafainashu omitsiscatirofofia ahuun unutaqui Dios ari nocoshcani nipasharashcaquin.