Mateo 11:10 - Sharanahua: Diospan Tsain

¹⁰ Ascacun nanhuunoa Diosin tsain cununi isca huaquin, “Min nai ariashu mai ano fotoataima iquisi uhuun tsain yoimisi un nichiqui tau huai. Mihuunoa ato yoiaino itisharashon mia nicanonfo,” ishon cununi.

Mateo 11:10 交叉參考

Mateo 11:11

Un mato icon yoi. Tsoashtacai Juan finoanma. Ascashon Juanpan tsain yoimisi cuscaricai tsoan ascara yoiyomisima. Ascafia Dios niaifo icanoafoan yoisharatirofo cuscacai Juanpan nicayamafain nanfoan oianfo cuscaricai Juanpan oinyomisima. Ascashon nantifi Dios icanoafoan Juan finoanfo.

Mateo 3:3

Nan Isaías Diosihuunshon inon pacoai cuscan yoimisi ipaoni. Nanton Juanhuunoa yoini isca huaquin, “Tsoan istaipamashon Diosin yonoa cuscan oi ashcafinin yoiquin isca huanonpacoin, ‘Nocon Ifo nocoqui ooshquin. Ascacun itisharacahuun. Maton chaca shatucoincahuun,’ ” ishon Isaías Juanhuunoa cununi.

Marcos 1:2

Cainyataima fari ichapa inonpacoai cuscan ahuunoa nocon shuni Isaías cununi. Chipo inaca cuscan yoiyomisi. Upa Diosin Furun yoiyoni cuscan Isaías aqui cununi isca huaquin, “Upashtan, min yorafoan mia onantaima uhuun tsain yoimisi un atoqui nichicain mihuunoa ato yoinon. Itisharanonfo mia nicashquin,” ishon Upa Diosin Furun yoini cuscan aqui cununi.

Lucas 1:76

Ascashon ahuun facu yomushtafiacun pushcoashu ishquiai cuscan yoiqui isca huani, “Uhuun facushtan, ‘Mirifi min Diosin tsain yoishomisiran,’ mia huaashquicani. Diosin nai murannoaton ahuun Yoshin Sharahuunshon ishquiai cuscan min ato yoifoanfafainquin isca huashquin. ‘Nocon Ifo oshquiquin itisharacahuun. Maton chacari shatucahuun a nocoaiton nicasharashcaquin.

Juan 1:23

Isaías cununi cuscan nannoricoin Juanpan ato yoini isca huaquin, —Diosin mato yoipaiyai cuscan ua tapimana un mato yoinon. Tsoan istaipamashon un oi ashcafinin yoimisi isca huaquin, “Nocon Ifo nocoqui oshquiquin. Nocoataima itisharacahuun. Man ipaoni cuscan afanan ayamacahuun. Nantifi maton chaca potacahuun. Cayacafi isharashcaquin,” —ishon ato yoini.