Lucas 15:20 - Sharanahua: Diospan Tsain

²⁰ Nannori shinantan apa ari cani. Ascashu caiton chai cunoa apan ahuun facu fuchini. Fuchitan fasi ahuun ramapaicoin aqui ichoni. Aqui nocoshon icoacufoan tsoatoshini.

Lucas 15:20 交叉參考

Génesis 33:4

Ascashon ofiaiton Esaú aqui ichotan icoancufoan tamoqui tsoatoshini. Ascatan uaiquinantanannifo.

Génesis 45:14

Nannori ato yoitan ahuun ushto Benjamín icoancufoan uaini. Benjamín arifi ahuun ochi icoanshu uaini.

Génesis 46:29

Ascano José yononi ahuun caballo taramutiya itishara huashononfo apaqui nocoi canon. Apaqui nocotan icoacufoantan uaiquicai funa ununima.

Salmos 86:15

Ascafia mincai ato cuscarama. Minfin yorafohuun ramapaicoinquin. Min ato shara huamisi. Mincai funa sinamisima. Nantishotapiquin nocohuun noicoin. Min yoiain cuscan huamisi. Mincai noco potamisima.

Salmos 86:5

Un mia chacahua cuscan mian rauhua. Min fasi shara. Tsoan mia cufiain min fasi atohuun noiquin.

Lucas 15:19

Ascan uncai natian min facu cuscara itiroma. Natian min yonoshomisi cuscara un itiroran,’ ishon uhuun upa un yoishquin.”

Lucas 15:21

Ascaiton apa yoiqui isca huani, “Upan, un Dios chaca huafain miari un chaca huamisi. Asca un afanan natian min facu cuscara itiromaran,” ishon yoifiaino.

Hechos 2:39

Jesús yoiquin isca huaita, “Ratoran futsan nuno nocon Ifo Diosin catoan ahuun Yoshin Shara mato ya rafumashquin. Maton facufo ya chai manifoannafori ato ya rafumashquin,” —ishon Pedronun ato yoini.

Hechos 20:37

Cufincatan uaiyanan Pablo icoacufoannifo.

Efesios 2:13

Ascashon mancai Diosihuunoa shinanyopaonima. Ascafia Cristo Jesús matohuunoashu naino ahuun imi foni man afu ipanon.

Efesios 2:17

Ascano mani futsafoancai Diosihuunoa tsoan shinanyopaonima. Uhuun caifo Israelifoan Dioshuunoa shinanmisifo. Ascan Jesús nan noco rafuhuunoashu mai ano oni ahuunoashu non Dios fu ipanon. Ato yoipaoni isca huaquin, —Natian Upa Diosin mato rau huatiro man afu ipanon, —ishon ato yoini.