Génesis 9:2 - Sharanahua: Diospan Tsain

² Nantifi yoinafo matoqui onanya iishquin. Nan yoinafo non puiyafo nan mai ano sharaifo yafi nantifi ununhuan muran icafori man apaiyai cuscan man ato huashquin.

Génesis 9:2 交叉參考

Génesis 1:21

Ascashon shimanoanfori unu murannoafo oni huafain nantifi unu muran niafo onihuafain puiyafo futsa futsatapafo onihuani cuscan Diosin oian sharacoin ini.

Génesis 1:26

Asca huashon Upa Diosin yoiquin isca huani, —Natian non nocofunuri oni huanon non shinain cuscara arifi shinanon. Ascano nan mai anoafo futan unu murannoafo non nan noyamisifori nanfoan ato ifo inon, —ishon yoini.

Génesis 1:28

Asca huatan Diosin ato yoisharani, —Isharacain ichapa cai sharacahuun. Nan maitio iishcaquin. Ascano nantifi shimanfo unu murannoa icain puiya nan noyamisifo icain mai anoafo ato ifo icain yoina futsa futsatapafo non mai ano sharatirofo man ato ifo iishcaquin.

Génesis 2:19

Ascashon maiyashon yoina futsa futsatapafo yafi puiya nai muran noyamisifori oni huani. Naanfo onihuapashon Diosin Adán shinanmaqui ihuuni ato anupacunon. Nantia Adán yoina futsa futsatapafo yafi inafo non puiyafori anupacuni. Asca huatan Diosin oiancai rato yoina futsa nocofunu fu rafutiro inima.

Génesis 35:5

Ascan Siquem anoashu focanashu Diosin yononi caifo futsafo chaimashta icafo atoqui ratunifo. Ascacun tsoan ato mufainnima.

Génesis 9:1

Ascan Diosin Noé yafi ahuun facufo tsain shara yoiyoni isca huaquin, —Facu ichapa caihuacahuun maitio ano inonfo.

Génesis 9:3

Nantifi yoinafo yafi fanafori man pipaiyaiti man pitiroquin.

Santiago 3:7

Asca yoina futsa futsatapafo yafi puiyafo non mupash cuscara non unu muran icafori non onaonma huatiro. Ascafia noco anancai tsoanshta non onaonma huatiroma. Ascashon nocon tsainman non chaca futsa futsatapafo yoitiro. Nocon tsainfin nan rono pau cuscaraquin. Nocon tsain chacahuunshon non futsafo namatiro.