Génesis 48:15 - Sharanahua: Diospan Tsain

¹⁵ Ato asca huatan Israel ahuun facu José Dioshuunshon yoi sharani isca huaquin, —Uhuun shota Abraham yafi uhuun upa Isaac Diosi nicacoinpaoni. Nan Diosiri ua cushumisi nantishon tapiquin natianri.

Génesis 48:15 交叉參考

Génesis 17:1

Ascashu Abram noventa nueve fariano Ifo Diosin Abram oinmariscatani. Diosin Abram yoini isca huaquin, —Unfin Diosiquin. Un ahuamamishti huatiro. Ua nicacoinfain isharahuu. Ahua chaca huaquima.

Génesis 24:20

Yoiano ayati unu oca afanan chitun ano cari caripaoni nantifi camellofoan ayanonfo.

Génesis 24:40

Ua cumaitan, “Uhuun Ifo Diosi fu un nia. Ascacun ahuun oinmati a fu nai muran icaton miaya nichin min ahuuscatama casharatanon. Uhuun upan ahuun yorafo murannoa uhuun facu ahuin min ihuushonon.

Génesis 27:27

Fishtafuranaiton ahuun camisa shutuni. Ascatan furun iyoa yoi sharapaiyai cuscacoin yoisharani isca huaquin, —Nii murannoa ahuun itsa cuscara uhuun facu un shutui. Ascan mun tapia natian Upa Diosin uhuun facu shara huashquiai cusca un yoiyoi.

Génesis 27:4

Ascan rutushon un fuchipaiyai cuscan ua pichashohuun ua pimashquin. Min ua asca huaino un nataima un mia inon pacoai cuscan ahuu cuscara sharamain min ashquicai un mia tapimanon, —ishon ahuun facu iyoa yoini.

Génesis 28:20

Nannoshon Jacob yoiquin isca huani, —Diosin u fu cacain ua cushusharafain ua tushu inanfain ua sahuumafain ua nasomasharafain ua cushuquin asca huaino uhuun Ifo icain uhuun Diosin itiroquin.

Génesis 28:22

Upa Diosi un na toquiri nichiahuunshon nuno min pushuran ishon un shinantiro. Nan mian inainti pashcatama un mia inain. Un mucu rafuti fiaino mina fusti nitucacaini, —ishon cufinni.

Génesis 28:3

Diosin ahuamamishti huatiroshaquin mia cushusharai min funafo ichaparasi cainonfo. Mihuunoashu manifoti ichapa cainonfo.

Génesis 35:3

Man ascahuano non Betel ari cai. Un omitsiscanitian un Upa Diosi cufinni. Un cufiain cuscan ua nicaquin ua numani. Un anoashu caacun ua cushusharani. Ascan nanno un toquiri putsashquin anoshon afanan Upa Dios cufinshquinran, —ishon ato yoini.

Génesis 48:16

Ahuun oinmati a fu nai muran icaya ua nichini un ahuara chaca finononma. Nan furonanfacu rafu Diosicoinin shara huapacunaca. Nan rafu isharapainon uhuun anu non uhuun shota Abraham anu non uhuun upa Isaac anuhuunoari futsafoan yoisharanonfo. Aton funafo ichaparasi inonforan, —ishon Jacob yoini.

Génesis 49:22

Joséfin nan ihui unu cusumun nia cuscaraquin. Ihui fimi ichapaya shara cuscaran. Ihui poyanfoan pushu cunu mata shara huatiro cuscaran. Nanscarifi ai Joséhuunoashu yora isharamisi ato cushusharamisi.

Génesis 49:24

Nansca huafiaifoan Diosin ahuamamishti huatiro cuscan nanton José mutsismananocai tsoan ahuusca huatiroma. Diosin José cushusharacoinmisi nan noicasmaifoan ahuusca huanonfoma. Nanfin uhuun Diosiquin. Aicho Diosin min ahuamamishti huatiro. Aicho Diosin nonfin Israelifoquin. Min nocon cushumisicoin.

Génesis 49:28

Nan doce Israel ahuun facufo. Nannori ato yoipacuni. Chipo aton funafo doce mani futsafo icafo ini.

Génesis 6:9

Noé ipaoni cuscahuunoa cununi isca huaquin. Noé nocofunu fasi sharacoin ini. Diosin yoia cuscacoin huapaoni. Ascashon Diosi amapaiyai cuscan aru fusti huafafainpaoni Noé niyoatiancai rato futsan Diosi amapaiyai cuscan huapaonima.

Salmos 16:8

Mun tapian uhuun Ifo ufu ipanaca. Ufuri rafupacunaca. Uacai potapacunacama. Ua cushushara. Ascacucai tsoan ua ahuusca huatiroma ua ratupaiquin.

Salmos 37:3

Ascatamarocon nocon Ifo Diosi icoinra huafain futsafo shara huacahuun. Man ascaiton nocon Ifo Diosin mato cushusharai man isharanon.

Éxodo 3:16

Ascacun natian min catiro min caifo aton niaifofo ichanan huahuu. Nan un mia yoia cusca un ato tapimanon. Ato yoitahuun isca huaquin, “Nocon Ifo Diosifin Abraham non Isaac non Jacob nan nocon shunifoan aton Diosiquin. Arus fustifin ua oinmanaquin. Ascashon ua yoiquin isca hua, “ ‘Un min caifo Israelifo oian Egipciofoan ato fasi omitsisca huaiton.

Éxodo 4:5

—Nan min chipo ato iscara ismaitian unquian nan mato Ifo Diosin maton shunifoan aton Ifo nan un mia nichiaitian chipo mia icoinra huashcani. Nan maton shunifo Abraham non Isaac non Jacob nanfoan un aton Diosin. Nanscacun nan un miqui nocoaiton mia icoinra huashcani, —ishon nocon Ifo Diosin yoini.

Lucas 1:6

Ascashon nan rafutan Diosin tsain cununi cuscan nicasharacoinpaonifo. Nantifi Diosin yononi cuscan tanasharamisifo. Nan rafutan tanasharaifoan Diosin oinpaoni. Ascacucai tsoan ato ahuashta rafatiro ipaonima.

1 Corintios 10:31

Un mato tapimasharanon. Ahuara man pifain ayafain man ahuarashta futsa huai cuscari acafiri futsafoan Diosihuunoa shinansharanonfo.

2 Corintios 1:12

Man non tapia manifoti iconcoin yoimisishaquin nocon nomuran non unimacoinni. Non mato murannoashu isharacoinmisi. Non Dioshuunoashu a cuscara sharacoin non imisi. Noncai mato paramisima. Icon fusti non mato yoimisi. Icoinra huamafoan shinanmisi cuscacai non mato ismamisima. Upa Diosin noco shinanmashara cuscan huafain non mato oinmana.

Colosenses 2:6

Man Jesucristo icoinra huaquin tau huashon man Ifo huacoinna. Ascacun shafatifi afu rafufafaincahuun. Ahuun tsain nicacoincahuun.

Hebreos 11:21

Nanscarifiai Jacob arifi Dios icoinra huacoinpaoni. Ascacun nataima Diosin ahuun nomuran shinanmanai cuscan ahuun shota nan Josépan facu rafu Diosin ato shara huashononpacoai cuscan ato yoini. Ato yoitan ahuun poquitiqui cocusamushon Dios cufini.