2 Nocotan oian tsoa istaipama ano pozo shatsocamun. Chashoanfori mani rafunon fusti racafo ini. Nannoshon nan pozon anoshon chashoan cushumisifo ato ayamamisi. Nan pozon camaqui toquirininhuan sapa fupoa ini.
Ascatan ahuun oinmatinin Abraham ahuun ina camellofo non ahuara shara futsa futsatapafo foni. Pushu rasi ahuun anu Nacor nan Mesopotamia mai ano nan fari caiquiri noconi.
Nanno pozomua pushu rasi pasoatoshon ifoan ahuun camellofo ratoconun mai chachimani unu ayanonfo. Na yorafo nanno icafoan ato ainfofoan man fari caino pozomua ano fonifo unu fiishcaquin.
Nantifi nan chashoanfo ichananhuanfotian aton cushumisifoan toquiri fupunifo ato ayamashquin. Ato ayamaquin anaititan afanan toquirininhuanun fupomisi ini.
Ascafia tsoan na unu un ato ayamacai afanan nomipacunacama. Iconcoin na unu un inanquin a muran unu tsosi shara fuchoi cafiscai. Ayashu nan unuhuunoashu ipasharacointiro, —huaiton.
Nannori Jacob mai poquini a murannoa unu fishqui. Ascaino fari masafinin racano Jesús arusu nanno noconi. Fasi chai cunoashu oashu atsanacoin. Ascashu nanno tsaoyoni.
