Génesis 2:24 - Sharanahua: Diospan Tsain

²⁴ Nan nocofunun ainfo fiatiancai afanan apa yafi ahua fu itiroma. Apa yafi ahuamaquinoashu pashcatiro ainfo fiiashu. Ascashu nan fusti cuscaran iishquin.

Génesis 2:24 交叉參考

Génesis 4:19

Nan Lamec ahuin rafuya ini. Ahuin futsan ahuun anu Adá. Ascan futsan ahuun anuri Zila ini.

Hechos 11:23

Nocoshon Diosin ato shara huaa cuscan atohuun ramapaiyaiton oinni. Oin ahuun nomuran fasi unimani. —¡Aicho! Natian man Jesús icoinra huaa. Ascan nocon Ifo tanasharacahuun. Maton nomuran ahua futsa shinanyamacahuun, —ato huani.

Romanos 7:2

Iscara un mato tapimapai. Ainfo funun fianocai nocon caifoan yononi cuscan funu niyoano unutiroma. Ascacun funu nanocai afanan tsoan afanan yonotiroma.

Deuteronomio 4:4

Ascafia atirificai man nocon Ifo Diosicoin potanima. Nan fusti man icoinra huani. Ascano natamarocon nantianri man nia.

1 Timoteo 5:14

Ascacufin ainfofo yoshafoataifoma un ato yoisharapai isca huaquin, —Man afanan shara itiro. Ascan man mato facucoin ayashon cushusharafain maton funuri pichasharashon man shara huashotiroran, —ishon un ato yoi. Man ascaitocai yoshin chacafoan matohuunoa tsain chaca yoitiroma.

Josué 23:8

Ascatamarocon nan man amisi cuscan nocon Ifo Diosi fusti fu rafucahuun.