Génesis 19:17 - Sharanahua: Diospan Tsain

¹⁷ Ascashu pushu rasi anoashu chaimashta fonifo. Ascashon Diospan oinmati futsan afanan ato yoini, —Ichoriscatahuun naashcaquima. Ifiacuyamacahuun. Machi nushmancayan rafu ano nituhuayamacahuun. Man machifo ano ichoyamaiton man nai cuyoshquin, —ishon ato yoiaiton.

Génesis 19:17 交叉參考

Lucas 9:62

Jesús cumaquin, —Tsoan ua yonoshofiaquin apaoni cuscan afanan huapai, nanscara yorafocai itisharafoma uhuun Upa Dios niaifo ano iquishcaquin, —ishon Jesús yoini.

Génesis 19:26

Nan Lotpan ahuinin funu mufainquin ifiacucahuan Sodoma coaiton oinpai sao oniacucahuani.

Génesis 19:22

Ascafia ichoriscatahuun. Min ari nocoataima uncai ahua ahuusca huayotiromaran, —ishon Diospan oinmatinin yoini. Ascacun natian yafi nan ipanaca nan pushu facufo anumisifo Zoar. Nan tsain Zoar yoipai, —Pushu facuforan, —huamisifo.

Mateo 3:7

Ascaino Fariseofo yafi Saduceofo Juanqui funifo yorafo ato unu muran iquimanaiton oin fucani. Nanfori Israelifo ini. Ascaiton oinquin Juanpan ato yoini isca huaquin, —Manfin rono paupaton facu cuscaracoinfoquin. Icoinra huayamaifoan Diosin atoqui sinaquin ato omitsiscapanonfo. Ascan manfin omitsiscapanacafo muran focasmafiaqui maton chaca man shatupaima.

Génesis 13:10

Ascaiton nicaquin Lotpan nantifi oiancuni. Ascaquin oian Jordán unu cusumun mai mispa fasi sharacoin. Nannori unu afain. Ascan nan mai anori yonofo foaisharatiro ini. Nan mau sharacoin ini. Nan Egipto anoa mai ahuun anu Zoar sharashta cuscara ini. Nan Lot icatiancai nocon Ifo Diosin Sodoma yafi Gomorra cuyoatai inima.

Salmos 121:1

Un machifo oinquin un shinan isca huaquin, —¿Na machifoanmun ua ashotiroquin? —ishon un shinan. Ma. Ascan na machifoancai ua ashotiroma. Nan nocon Ifon Diosi fustitofin ua ashotiroquin. Nantofin nantifi onihuaniquin. Machifo yafi mai anoafoti nantifi nai murannoafori oni huani.

1 Samuel 19:11

Ascashon Saúl ahuun ranushumuafo David pushu ano nichini cushunonfo. Ato yoiquin isca huani, —Funamarishta David pushu murannoashu cainyaiton rutucahuun, —ishon Saúl ato yononi. Ascaiton David ahuinin Mical tapishon funu yoini isca huaquin, —Min na yamu nunoashu cayamaiton funamarishta mia rutucaniran, —ishon ahuinin yoini.

Génesis 18:22

Asca huatan nan rafu Abrahammaquinoashu Sodoma fain fonifo. Ascaino Ifo Diosin Abraham fu nituyoni.

Hebreos 2:3

Diospan nai oinmatifoan ato yoini cuscan nicacasmaifoan ato onaintimani. Nanscarifi huaquin Furun nan nocon Ifo Jesús noco yoini cuscan non nicayamacaiyaiton mimacai huaquin noco onaintimashqui. Ascan nantorifi yoini nocohuunoashu chipo nashquiai. Ascashon noco chaca soashonano non afu ipanon. Ascano yoiaiton nicacashon afu rafumisifoan nannori noco tapimani.

Génesis 14:10

Nan Sidim mai mispa ano tsoan quini huanima nanscara Dios oni huani quini muran shuni cuscara fisopa ofu chacacoin ini. Ascano nan Sodoma futan Gomorra anoafoan aton niaifofoan ranushumuafo ichoaino atirifi nan quini muran pacui futsunifo. Atirifi machi ano ichoaifoanno.

Génesis 19:18

Lotpan cumani, —Ma. Uhuun niaifo rafutan, noco machifo ano nichiyamapun. Manfin noco ichapa shara huamisiquin. Ascashon man noco numafain nocohuunri man ramapaimisi. Ascacun noco machifo ano nichiyamapun. Un machi pochinin nocoyamashu Diosin Sodoma cuyoaino urifi fai pochininnoashu natiroquin.

Génesis 19:30

Ascashu chipo Lot Zoar anoafoqui ratuquin ainfacu rafu ya machi pochinin ichonifo. Nanno mahua quini muran ipaonifo.

Números 16:26

Atoqui nocotan Moisés nantifi Israelifo yoini isca huaquin, —Na yora chaca icanoashu foriscatacahuun. Ato ahuarari muunyamacahuun. Man ato ahuara muaino marifi aton chacahuunoashu man nai futsushquinran, —ishon Moisés ato yoini.

Lucas 12:23

Non ahuara pifain non sahuuatocai noco imasharatiroma.