13 Ascashon nocon Ifon Diosin Abraham yoini, —¿Ahuuscaimun Sara shuchiquin? ¿Ahuuscai yoimun isca huaquin? “¿Un yoshafofiashomun un facu atiro?” —ishon Sarapan yoia.
Ascaino nocon Ifon yoai cuscan Sara nicain ahuun nomurannoashu shuchini, —¿Ahuuscatsi ai un yoshafoshtafiano uhuun funuri anifofiashon ua facu nanumatiro? —ishon Sarapan shinanni.
—Ascan ahuara tsoan atiroma cuscan Diosin huatiro. Fari fusti finontan un afanan mia oinyoi oshquin. Nantiari Sara furun cainshquiran, —ishon nocon Ifoan yoiaiton.
Ascashon Sarapan shinanni isca huaquin, —Tsoancai shinanmisima un facu nanuai Abraham furun iishquiai. Abraham anifoshtafiashon u futan furun aca. Ascan Diosin ua shuchimana cuscan arifi nicain shuchitiroforan, —ishon Sarapan shinanni.
Yorafoan aton nomuran shinainfo cuscacai tsoan Jesús yoitiroma. Afincoinmain nantifi onancoiainton. Aton nomuran shinainfo cuscan onancoinni. Icoinra huayofianishaquin tapini samamashta shinan futsaifoan.
