12 Ascaino nocon Ifon yoai cuscan Sara nicain ahuun nomurannoashu shuchini, —¿Ahuuscatsi ai un yoshafoshtafiano uhuun funuri anifofiashon ua facu nanumatiro? —ishon Sarapan shinanni.
Nanori huaiton nicain Abraham fuopacucahuani Dioshuunoa shinansharai. Ascafia ahuun nomurannoashu fasi shuchini. —¿Ahuuscashumun un afanan upa itiroquin? Unfin fasi anifoquin. Un cien fari aya. ¿Uhuun ahuinri noventa fari ayafiashon asca ahuuscashomun facu nanutiroquin?
Ascashon nocon Ifon Diosin Abraham yoini, —¿Ahuuscaimun Sara shuchiquin? ¿Ahuuscai yoimun isca huaquin? “¿Un yoshafofiashomun un facu atiro?” —ishon Sarapan yoia.
Ascafiashu funufoan mafiri man noiai cuscan maton ahuinfohuun noicoincahuun. Ainfofoan maton funufohuunoari shinansharacoincahuun. Aqui tsain chipuyamafain ato nicasharacoincahuun.
Nocon shuni Abraham ahuun ahuin Sara nanscapaoni. Ascashon ahuun funu fu tsainquin isca huapaoni, —Uhuun iforan, —ishon yoipaoni. Marifi ratutama isharacain nan Sara ipaoni cuscan man shinainno ahuun facufo cuscara man itiro.
