Génesis 17:17 - Sharanahua: Diospan Tsain

¹⁷ Nanori huaiton nicain Abraham fuopacucahuani Dioshuunoa shinansharai. Ascafia ahuun nomurannoashu fasi shuchini. —¿Ahuuscashumun un afanan upa itiroquin? Unfin fasi anifoquin. Un cien fari aya. ¿Uhuun ahuinri noventa fari ayafiashon asca ahuuscashomun facu nanutiroquin?

Génesis 17:17 交叉參考

Apocalipsis 11:16

Ascatan nan Jesús icoinra huaa cushumisifo veinte cuatro nocofunufo aton tsaotifoqui Dios icano tsaoafo. Ascashon fuoshonpacufoantan Upa Dios yoiafo isca huaquin, “¡Aicho! Min nocon Ifo Dios min ahuamamishti huatiro. Min curushhuunshon natian nantifi manifoti min ato iquina. Ahuashta min oni huataima min iyopaonishaquin. Natianrifi min ipanaca.

Juan 8:56

Maton shuni Abraham, yoini, “Un chipo Cristo ointiro. Oianshu un fasi unimashquinran,” ishon yoini. Ua oinni ascan fasi unimani, —Jesús huaiton.

Génesis 21:6

Ascashon Sarapan shinanni isca huaquin, —Tsoancai shinanmisima un facu nanuai Abraham furun iishquiai. Abraham anifoshtafiashon u futan furun aca. Ascan Diosin ua shuchimana cuscan arifi nicain shuchitiroforan, —ishon Sarapan shinanni.

Génesis 18:12

Ascaino nocon Ifon yoai cuscan Sara nicain ahuun nomurannoashu shuchini, —¿Ahuuscatsi ai un yoshafoshtafiano uhuun funuri anifofiashon ua facu nanumatiro? —ishon Sarapan shinanni.

Génesis 17:3

Nicain Abram fuopacucahuani.

Apocalipsis 5:8

Fishon nan rafu non rafuri Diosin onihuani yafi nan veinte cuatro icoinra huafo cushumisifoan fuoshopacufoan manuti guitarra cuscarafo yafi tutsofo nanfoan tsomafo. Nan tutsofo oro faca facaitsa. Nanfo muran fiin otano ahuun coin tipoi ininsharayacoin. Nanscarifiai Diospan yorafoan a cufiaiton Upa Dios nan icarishon ato nicamisi.

Josué 7:6

Ascano nan nicatan Josué fasi shinancoinni. Ahuun sahuutifo fashnu fashnuani Diosin tsain nan casho muran nanua naman fuopacucahuani. Nan fari caitishon nanscai fuoshon nocon Ifo Diosi cufini. Israeli niaifo patasharinoafoanri nansca huanifo. Aton fuyamisi cuscan mai mapo aton mapomaqui huanifo nan shinancoiainfo cuscan ismashcaquin.

Josué 5:14

—¡Ma! Un mato fu iyamacain nan mato noicasmaifo fucai un icama. Unfin Ifo Diosin ahuun oinmatifoan nai murannoa aton niaifoquin, —ishon yoini. Nan nicatan Josué maiqui fuoshopacuni ahuunoa shinansharaiton yoini. —Mian yonopaiyai cuscan un mia ashoriscatiro. ¿Ahua mian yonopaimun? —ishon yocaiton.

Números 16:45

—Na yorafomaquinoashu fotacahuun un ato namariscanon, —ishon Ifo Diosin yoini. Nicacatan Moisés yafi Aarón Ifo Dios ointaifi maiqui fuoshon pacunifo.

Números 16:22

Nannori nicacatan Moisés fu Aarón fuopacucahuan nocon Ifo Diosi cufinnifo isca huaquin, —Nocon Diosin, min nantifi yora niimamisi. Mia maisicai tsoa nipatiroma. ¿Ascafia nan nocofunu fustiton chaca huafiamun min nantifiqui sinaicai? —ishon nannori fasi curushcai cufinnifo.

Números 14:5

Nan nicacatan Moisés futan Aarón aton caifo Israelifo nanno ichanainno aton ointaifin fuopacucahuani nantifishon ointaifin.

Mateo 2:11

Ascaiton oincani pushu muran iquifainshon facu yafi ahua María fuchinifo. Ascashon ratoconun mai chachishon facu yoinifo isca huaquin, —Minfin fasi sharashtacoinquin. Min nocon Ifo, —ishon yoinifo. Ascacatan aton mao fupucashon ahuara chicoin inancoinnifo. Oro inanfain ahuun ininti shara inanfain ininti sharacapa futsa ahuun anu mirra nanri inannifo.

Lucas 1:18

Nicaquin Zacarías cumani, —¿Ahuuscashomun min yoiai cuscan un icoinra huatiroquin? Unfi anifocoinquin. Uhuun ahuinrifi yoshafoquin, —huaiton.

Génesis 17:18

Mian yoiyotiani cusca Ismaelhuunoa shara icuanaran, —ishon Abraham Diosi yoini.

Génesis 18:11

Ascafia Abraham anifo icaino ahuun ahuin Sara yoshafoshta afanan facu atiroma ini.

Génesis 21:5

Ahuun facu Isaac cainnitian Abraham cien fariya ini.