Génesis 17:16 - Sharanahua: Diospan Tsain

¹⁶ Ascacun un Sara shara huashquin. Ahuunoashu min facuya ishquin. Ahuun funafohuunshon manifo futsafoti ishcani. Ahuun facu non ahuun funafori niaifo ishcani. Naanfin aton uhua cuscara ishquiran, —ishon Diosin Abraham yoini.

Génesis 17:16 交叉參考

Génesis 1:28

Asca huatan Diosin ato yoisharani, —Isharacain ichapa cai sharacahuun. Nan maitio iishcaquin. Ascano nantifi shimanfo unu murannoa icain puiya nan noyamisifo icain mai anoafo ato ifo icain yoina futsa futsatapafo non mai ano sharatirofo man ato ifo iishcaquin.

Génesis 12:2

Min funafohuunshon min caifo ichapacoin un imanon. Ascacun un mia fasi shara huashquin. Ascaiton nantifi yorafoan mihuunoa nicashcani. Ascashon mihuunshon nantifi yora maitio anoafo un ato shara huashquin.

Génesis 15:4

Afanan Ifo Diosin yoini, —Min naitiancai aya cuscan min yonomatinin fima. Min facucoin chipo nantifi min aya cuscan ahuunari ishquiran, —ishon yoini.

Génesis 17:15

Ascatan Diosin afanan Abraham yoini, —Min ahuin Sarai ahuun anucai natian Sarai iquima. Natian Sara iishquin.

Génesis 17:19

Ascaiton cumani, —Ma. Uncai anori mia yoiama. Min ahuin Sara min facu nanumashquin. Ascan caincun min anushqui Isaac. Un mia yoiyotiani cuscan nannoricoinri un min facu yoishquin. Un Isaac yoishquiai cusca unupacunacama. Ahuun funafohuunoari mun yoiyoni.

Génesis 17:6

Ascashu min funafori fasi ichaparasi iishquicani. Ascano atohuunoashu mani futsa futsatapafo iishquin. Min funafohuunoashuri niaifofo iishquicani.

Génesis 21:1

Nan nocon Ifo Diosin yoiyoni cuscan Sara shara huani.

Génesis 24:60

Foafotaima iyoa futan ahuan isca huani, —Chicoshta, min facu ichapa caihuapainon. A mia noicasmaifo min ato finonpainonran, —ishon yoinifo.

Génesis 25:23

Ascaiton Diosin yoini, —Min shaqui murannoashu shoco rafu caicani. Chipo pashcanancani. Futsan fasi finacaia. Iyoacai chipocuton ahuun oinmati cuscara huashquiquin, —ishon yoini.

Génesis 35:11

—Unfin Diosiquin un ahuamamishti huatiro. Min facufo ichapa cai huahuu min funafori caiyaifoanno. Mihuunoashu shoco fustifiashu mani futsa futsatapafo caicani. Min funafo niaifo ichaparasi ishcani.

Génesis 36:31

Israelifo niaifoataima nanfo Edomfo aton niaifofo ipaoni.

Romanos 9:9

Abraham ahuin Sarapan facu nanuataima Upan Diosin yoiyoni isca huaquin, —Fari futsan un miqui nasoshquin. Nantianri min ahuin Sarapan facu furonanfacu cainshquiran, —ishon yoini.

Gálatas 4:23

Nan yonomati ahuun anu Agarcai yoshafoatai inima. Nantifi facu cainmisifo cuscari ahuun facuri caini. Abraham ahuincoin yoshafoshtan facu nanutiroma. Ascafiacun Upa Diosin Abraham yoiyoni isca huaquin, —Min ahuinin chipo furonanfacu nanushquin. Ascashu cainsharashquiran, —ishon inonpacoai cuscan yoiyoni.

1 Pedro 3:6

Nocon shuni Abraham ahuun ahuin Sara nanscapaoni. Ascashon ahuun funu fu tsainquin isca huapaoni, —Uhuun iforan, —ishon yoipaoni. Marifi ratutama isharacain nan Sara ipaoni cuscan man shinainno ahuun facufo cuscara man itiro.