Éxodo 8:18 - Sharanahua: Diospan Tsain

¹⁸ Ascano nan Egipciofoan ato yofufoanri aton yoshinhuunshon nanscari huapaiquin ranannifo. Shion huarasi muucani yorafo ato inafoya fupoi futsunifo.

Éxodo 8:18 交叉參考

Génesis 41:8

Iyoconaino moishon fasi shinanpaiqui futsani. Ato yoimani yora yofufo yafi mapo sharayafo aqui funonfo. Nantifi na cuscarafo Egipcio anoafo aqui funifo. Nocoafono ahuun namapanhuunoa ato yoini. Ahuun namapan yoiai cuscacai tsoashta Faraón tapimatiro inima.

Éxodo 10:23

Nantiancai tsoan ahuashta ointiroma ini. Aton pushu murannoashucai tsoanshta raqui catiro inima. Ascafiainocai Israelifo ato chaima icafoannocai faquish inima. Nan Israelifo icafoanno shafa shara ini.

Éxodo 7:11

Nanscaiton oinquin Faraón ahuun yora nan Egipciofo aton mapo sharayafo non yofufo cunani. Aarón aca cusca nanfoannorifi aton yonohuunshon nansca huanifo. Nanfoan amisifo cuscacai aton caifo futsa tsoa atiroma.

Éxodo 7:12

Nantifi nan yofufoan aton poquiti mai ano potaino rono oniriscatani. Nansca huafiafo Aarón ahuun poquitinin atona shuani.

Éxodo 8:7

Nantianri nan yofufoan nanscari huaquin yoshinfohuunshori fushco huarasi unu murannoa machi mapumanifo.

Éxodo 9:11

Ascaino yofufoancai Moisés aca cusca ahuun ointaifin huatirofo inima. Nan yofufori pau yoratishon coyoi futsunifo. Nan aton caifofo nantifi Egipciofori pau yoratishon coyoi fuchinifo.

Daniel 4:7

Rato futsafoan atiroma cuscan huamisifo uqui fuafo shointiafo uqui fuaifono fishifo oincashon ahuara chipo iishquiai cuscan yoimisifori uqui fuafono inon pacoai cuscan yoimisifori uqui fuafo. Un nama cuscan un ato yoifiaitocai ua tapimapaifiaquicai tsoan ua tapimatiroma.

Daniel 5:8

Yoitan nantifi tapimisifo cunu muran iquinifo nan mutotinin cunua cuscan oinshcaquin. Ascafiacai tsoan niaifo tapimatiro inima.

Lucas 10:18

Jesús ato cumani, —Aifain. Dios icanoashu nan cana piishicai cafiscai Satanás mai ano pacutanaiton un oian.