Éxodo 7:9 - Sharanahua: Diospan Tsain

⁹ —Faraón mato yoiquin isca huashquin, “Diosin mia nichicun ua ahuamamishti ismahuu un icoinra huanon,” ishon mato yoiaiton Aarón min poquiti ahuun ointaifi mai ano potahuun. Min ascahuaino min poquiti rono oniriscatashquiran, —ishon Diosin yoini.

Éxodo 7:9 交叉參考

Éxodo 10:13

Nannori nicatan Moisés ahuun poquiti Egipcio maihuuri susoni. Ascano nocon Ifo Diosin yononi fari oaiquirinoa ninhuunhuan curushupacoin Egipciofo mai ano noconon. Shafatishon non yamutishon fasi ninhuun huanon. Ascano funamarishta ninhuunhuanun ocutsurufo atoqui fumanon.

Éxodo 4:17

Natian min poquitiya catahuun un mia yonoai cusca huaquin min poquitihuunshon min ahuamamishti yoran atiroma cusca huaquin min yorafo ismashquiran, —ishon nocon Ifon Diosin Moisés yoini.

Éxodo 4:2

—¿Minmun ahua tsomaquin? —ishon nocon Ifon Diosin Moisés yocaiton. —Uhuun poquitiran, —ishon cumani.

Éxodo 4:20

Nannori yoiaiton nicaquin Moisés ahuun ahuin non furun rafu burro camaqui ato iyoni Egipcio mai ano ato fu iishquin. Diosin nan ahuun poquitihuunshon tsoan atiroma cusca huashoita cusca nan Moisés ahuun poquiti tsomani.

Éxodo 4:3

—Ascaiton min poquiti mai ano potahuu, —ishon nocon Ifo Diosin Moisés yonoai cuscan. Ahuun poquiti potaino samamashta rono oniriscatani. Ascatapaiyaino Moisés mustairitani. Rono omisi shucucaini.

Éxodo 7:8

Ascatan nocon Ifo Diosin Moisés yafi Aarón yoini isca huaquin,

Éxodo 9:23

Ascashon nocon Ifon Diosin yonoai cusca Moisés nai ari mutoni. Asca huaino nai turuicain cana piishicain unu matsi tocoronunhuanfo nai ariashu maiquin pacui futsuicai funa nishmanima. Nan Egipciofoan taui iyopaonifotiancai tsoan ascara oinyopaonima. Natian tsoan oinyomisima cuscaran. Fasi chaca musucoin oinnifo.

Mateo 12:39

Jesús ato cumani, —Manfin chaca shinanfain Dios cachiquiri huamisiquin. Ascacun tsoan atiroma cuscan noco ismahuu ishon man ua yoia. Ascafia nan Diosin tsain yoimisi mato shuni Jonás ani cuscacoin un chipo mato ismaiton nan fusti man oinshquin.

Juan 2:18

Jesús ascaiton Israelifoan nocon niaifofoan a yocanifo, —¿Ahuuscain Dios fu tsainti pushu muranshon min ato potamun? Diosin mia yonoaiton ahuara tsoan atiroma cuscan noco ismahuu non mia icoinra huanon, —ishon yoiaifoan.

Juan 6:30

Diosin tsain cununi isca huaquin, —Tsoa futsan atiroma cuscan huafain Moisés ato tushu fariña cuscara fatan shara ato pimani. Nan tushu shafatifi nai murannoashu pacupaoni. Nan tushu ahuun anu nocon tsainman manán. Nanfo nocon shunifoan tsoa istaipamashon piinifo. Ascan mirifi tsoan atiroma cuscan noco ahuamamishti ismahuu Upa Diosin mia nichini non mia icoinra huanon, —huaifoan.