Éxodo 15:20 - Sharanahua: Diospan Tsain

²⁰ Ascano nantian Aarón ahuun chipi ahuun anu María nantorifi Diospan tsain ahuun yorafo yoimisi. Arifi Diosiqui fasi unimacoinquin ahuun manuti ahuun anu pandereta manuaino nantifi Israelifo ainfofoan a futan aton manutifo manuaino nantifi mononifo.

Éxodo 15:20 交叉參考

1 Samuel 18:6

Ascan David nan Filisteo Goliat rutuano Israeli ranushumuafo aton pushu ano nasonifo. Pushu rasi anoafo Israeli ainfofo fai cusumunrinoashu fanainyanan manutifo manunifo. Nan manutifo ahuun anu pandero non platillo manuyanan unimacani mononifo.

Lucas 2:36

Nannori ainfoan ahuun anu Ana, Fanuel facu. Nanton arifi Dioshuunshon inon pacoai cuscan yoipaoni. Nanrifi Aser ahuun caifo ini. Siete fari funun fipaoni. Ascafiashu amaqui funu naniano man Ana yoshafoshta ini.

Éxodo 2:4

Ascano nan facushtan ahuun chipi nanno chaimashta nishon oinni ahuuscaratiroran ishon oinshquin.

Hechos 21:9

Ahuun facu shomaya rafu non rafuri Diospan Yoshin Sharahuunshon ahuun tsain yoipaonifo. Nanfo funuomafo ini.

1 Samuel 10:5

Nan min ato anoashu cai min nan Diosi ahuun mai Gabaa ano min nocoshquin. Nanno Filisteofoan aton ranushumuafoan cushumisi ano. Min nocoaiton Diosin tsain yoimisifo nantian miqui nocoshcaniquin. Machi mamaquinoashu aton manutifo manuyanan fotoshcani. Nan manutifo ahuu anufo futsan salterio manufain panderofo manufain shaintifo manufain arpafo nan guitarra cuscaran manucani. Diospan tsain yoifocani.

Números 20:1

Ascan nan oshu abril Israelifo tsoa istaipama ano noconifo. Ahuun anu Sin. Nanno mai ahuun anu Cades ano aton pano pushufo huanifo. Nanno icafoanno Moisés ahuun chipi María naacun mai huanifo.

1 Corintios 11:5

Ascatari ainfoan Dios cufipai yamaraquin ahuun tsain yoipaiquin iquisi maiti nutatiro ismashquin nocofunu ahuun ifocun. Ascaqui maton fuyamisi cuscarari ismashcaquin aton funuhuunoa shinansharashcaquin. Ahuun maiti nutancasmaquicai funu ifoancoinnama cuscara itiro.

1 Corintios 14:34

Ascatan ahuara futsari un mato tapimasharapai. Nantifi icoinra huaa futsafo ichanainfono ainfofo tsaintiroma. Diospan tsain cununi isca huaquin. Nan ichanainfotiancai Diospan tsain futsan yoiainocaiyainfofo pusitiroma. Tsaintamarocon Diosin tsain yoimisiton yoiai cuscan nicacointiro nan yoiai cuscan aashquin.

Números 12:1

Nantian María futan Aarón ahuun ushto Moisésqui tsain chaca huanifo. Moisés ainfo Etiope caifo fiini. Nanscacun aqui tsain chaca huanifo.

Génesis 31:27

Ua yoitama min ichoitan. Mian yoifuranaiton un unimaqui manuyanan mia yoisharacuana.

Números 12:2

—¿Nocon Ifo Diosicai Moisés fustihuunshon ahuun tsain futsafo yoiamun? ¡Ma! Nocohuunshonri ahuun tsain futsafo yoimisiran, —ishon María futan Aarón Moisésqui tsain chaca huanifo. Nan yoiti huaifo cusca nocon Ifo Diosin nicani.