Efesios 6:9 - Sharanahua: Diospan Tsain

⁹ Nanscarifi aquin ifofoan maton yonomatifo shara huafain ato omismati huayamacahuun. Man man tapia aton Ifon Jesús nai murannoashu nanrifi maton Ifo. Jesús noco oin nanscarafosi yonomatifo yafi ifofori atocai futsa ichapama noifain futsa fasi finonmafain noima. Ascatama nanscarafosi huaquin nantifi nocohuun noiaquin.

Efesios 6:9 交叉參考

Daniel 3:15

Un afanan mato yoi fusti. Nan nocofunu ointsa cuyamasoa un oro rami huahuunoa man manutifo nicaquin ahuun ointaifin man maiqui fuoshopacucahuantiro. Man ascashonaino shara itiro. Mato ahuusca huaima. Ascan un yonoa cuscan afanan man ayamaiton un samamashta mato chii urumanhuan muran mato potamashquin. Un mato asca huaiton rato diosi futsacai mato numatiroma un mato namanonmaran, —ishon niaifoan yoiaiton.

Daniel 3:6

Ratora futsan maiqui fuopacucahuan a cufincuma chii urumanhuan muran potashquinran, —ishon oi ashcafinin yoini.

Mateo 22:10

Ato asca huaino focashon nan fai uhuapafo anoa ratoran futsafo fuchicashon ato ihuunifo. Yora sharafo ihuufain yora chacafori ihuunifo. Ascano nan niaifoan ahuun facun ainfo fiai pushu muran yorahuanrasi fospicoinnifo.

Mateo 22:8

Asca huatan niaifoan ahuun oinmati futsafo yoini, “Uhuun facu ainfo fiaino un tushu ichapa itishara huaa ato futan piishquin. Ascafia futamarocon fasi chaca huafo. Asca huashucai afanan futirofoma.

Mateo 24:48

Ascafia niaifo patashari chacapan ahuun nomuran shinanquin isca huatiro, “Uhuun ifo funa nasoimaran,” ishon shinanquin.

Mateo 24:51

Ascashon niaifoan nan niaifo patashari fasi onaintimai. Asca huatan ahuun oinmati futsafo yonoqui isca huai, “Nan omitsiscapanacafo muran fuparamitsamisifo ano nan chaca potacahuun,” ishon ato yoishquin. Ascan nannoashu uaiqui omitsiscapanaca.

Mateo 7:12

Man futsafo matohuunoa shara huamapaiyai cuscan nanscarifi huaqui futsafori shara huashofafaincahuun. Moisés cununi cuscan yafi Diosin tsain yoimisifoanri nannori cununifo man shara huashofafainon.

Lucas 6:31

Man futsafo shara huamapaiyai cuscan marifi futsaforifi shara huashocahuun.

Juan 13:13

“Tapimamisiton,” huafain “Uhuun Ifon man ua huaaquin.” Iconquiquian. Unmainquifin.

Hechos 10:34

Ascaiton Pedronun nishon yoini, —Nantian mun tapia iconquin. Upa Diosin nantifi yorafo nan manifoti anoafo noicoian. Upa Diosincai toon huatan noima nanscasi huaquin noicoin.

Romanos 2:11

Ascacun Diospan nantifi noco nanscarafosi oin.

1 Corintios 7:22

Man ratoran futsa Diosin mato catoaintian futsafoan aton oinmati man iquin. Ascafiashucai afanan Satanás maton ifo itiroma mato chaca huamashquin. Atiri mato catoaintian tsoan oinmaticai man imisima. Ascanfiashu natianfin man Jesús ahuun oinmati.

Colosenses 3:25

Man chaca huaiton Diosin mato onaintimai. Diosin nanscarafosi noco oin. Ascan ratofoanmain chaca huaiquin nanfo ato onaintimai.

Colosenses 4:1

Ascan ifofoan maton yonomatifo inansharafain ato parayamacahuun. Man man tapia marifi man ifoya. Maton Ifoan nai muranshon matori oinfafainni.

Santiago 2:13

Ascashon Diosin nantifi yorafo puashoshquin. Ascan niyoshon man futsafohuun ramapaipaonimacun Diosiri matohuunri ramapaishquima. Ascan niyoshon man futsafohuun ramapaipaonicun Upa Diosin matohuunri ramapaishquin. Ascashocai mato onaintimaima. Ascatama manrocon afu ipasharatiro.

Santiago 2:8

Ascan nocon Niaifoan Diospan noco yononi cuscan man ashufin man cayacafi isharatiroquin. Noco yononi isca huaquin, —Mafiri man noimuai cuscan huafain futsafohuunri noicoincahuun, —ishon Diospan noco yononi.

Santiago 5:4

Shinancapon. Mancai maton yonomamisifo inansharamisima. Man ato fuparamisi finonmafain fiifiaquin. Upa Diosin ahuamamishti atiroquin. Man ato chaca huamisi cuscan nanton oian. Fasi yonoi atsanacani piniaifoan Diosin man ato nica.

1 Samuel 15:17

Ascaiton Samuel yoini isca huaquin, —Un ahuamaran ishon min shinanpaoni. Ascafia min natian nocon caifo Israelifo manifoti min nocon niaifo. Nocon Ifo Diosin nocon caifo ismayamua mia catoan min nocon niaifo inon.