Daniel 3:27 - Sharanahua: Diospan Tsain

²⁷ Ascan nanno niaifo patasharinoafo ato tarati huayacunaifoan oinnifo Sadrac non Mesac non Abed-nego non afocai ahuuscanifoma. Muma sharacoin inifo. Tsoacai coonima. Aton fooricai coonima. Aton sahuutiforicai coonima. Tsoancai aton nutati cooinsi shututiroma ini.

Daniel 3:27 交叉參考

Hebreos 11:34

Ascan atirifi niaifo chacapan futsafo yonocun ato chi uru muran potamafiafo Diosin ato cushushara coinni coononfoma. Atirifi ato nopun rutupaifiaquicai tsoan ato anima. Ascano atirifi shaca fuacai isininfiaifoan Diosin ato mutsismani. Ascanocai nan ato noicasmaifoan ahuun ranushumuafo atoqui fufiaifoan nanfoancairocon Diosin curushhuunshon ato ichonifo ato ahuusca huanonfoma.

Hechos 27:34

Ascan pii fucapun. Man piafin shara itiroquin. Non ahuuscaimaran, —ishon yoini.

Mateo 10:30

Diosin nantifi tapicoian. Nocon foori tanan huani.

Daniel 3:21

Asca huashon nan niaifoan sahuua cuscarayari chii urunmanhuan muran ato potanifo.

Hechos 26:26

Un mato yoia cuscan niaifo Agripa nicamisi. Ascan un shafacafi afohuunoa yoitiro. Un shinan arifi afohuunoa nicamisi. Man onan. Un mato yoia cuscacai onutirofoma. Nantifiton nicacuanifo.

Daniel 6:7

Nonfin nantifi niaifo patasharinoafoquin min mai anoshon nannorisi non shinan isca huaquin. Tsoan dios futsafo cufintan nocofunu futsahuunoa cufiainton non masharofoan ahuun quinin muran nan nocofunu non potashquin. Niaifon, nan mia fustifin nantifiton min mai anoafoan mia cufintirofoquin. Oshu fusti nanscara huanonfo. Min nannori yonoshquin tsoa mia nicacasmaiton masharofo muran ato potashquin.

Daniel 6:23

Nicain niaifo fasi unimacoinquin futsafo yononi Daniel masharofoan ahuun quini murannoa rusfipan pinushushon caimanonfo. Ascan Daniel caimashon oianfo ahuun caya muma sharacoin ini. Diosi icoinra huacoinnano masharofoancai Daniel ranishta ahuusca huafo inima.