Apocalipsis 9:8 - Sharanahua: Diospan Tsain

⁸ Aton foo ainfoan foo ointsa ato shutarifi masharonun shuta ointsa icain

Apocalipsis 9:8 交叉參考

Salmos 57:4

Nan yora chaca masharo cuscarafoan ua chaca huapaicani. Masharonun ato shutafo cunocoinshon yora piquin cuyotiro. Nanscarifi ai nan chacafoan ua tarati huayacuna ua omitsisca huamashcaquin. Uqui tsain chaca huacaquin uhuunoa yoiaifono uhuun nomuran ua isinmapaicani.

Romanos 9:29

Ascashon Isaías afanan yoiyoni cuscan nanscacoiain. Isca huaquin, “Upa Diosin ahuamamishti huatiro. Nocon caifo Israelifo fustirasi numani atifi cuyononfoma. Asca huayamaino non Sodoma yafi Gomorra cuscarafo icuana. Nonrifi non cuyocuanaran,” ishon Isaías cununi.

1 Timoteo 2:9

Ainfofori un yoisharapai non ichanaintian isca huaquin shinanonfoma, —Uhuun saya sharashtacoin sahuufain fusoqui cunucain uhuun foo shara huafain nantififain ua oinonforan, —ishon ascacaquin man icai cuscan matohuunoa futsafo shinansharamapaiyamacahuun.

1 Pedro 3:3

Foaromucai tuhuuti sahuufain sahuuti sharacapacoin sahuuahuunshoncai maton funu man icoinra huamatiroma.