1 Samuel 18:1 - Sharanahua: Diospan Tsain

¹ Ascan David yafi Saúl yoinonain unucatan Saúl furun Jonatán Davidqui oni. Ascatan a fu tsaintan samamashta noicoiacufoanni. Afiri noimua cuscari David fasi ahuun noicoinpaoni.

1 Samuel 18:1 交叉參考

Génesis 44:30

Ascan nocon upaqui nocon ushto maisi non nasoaino nocon upa ushtohuun noi fasi omitsiscatiro.

Salmos 86:11

Uhuun Ifon, min ua amapaiyai cuscan ua tapimahuu. Min ua tapimapaiyai cuscan ua tapimahuu. Minfin icon yoimisi fustiquin. Nanfin un tanaicai. Ua cayacafi shinanmahuu un ointi rafuya inonma. Mia fustifin un tanasharaiquin.

Colosenses 2:2

Ascashon un mato cufishomisi mato nomuranshon man shinansharafain mafiranan man noinancoinon. Asca huatananshu man Upa Dioshuunoa shafacafi tapisharatiro. Ipaoni tsoancai Cristohuunoa tapiyopaonima. Ascacun natian ahuunoa mato shafacafi tapimapai man onancoinsharanon.

1 Samuel 18:3

Ascan Jonatán fasi David noicoinquin yoini isca huaquin, —David, un mia fasi noi. Un mi fu rafupacushquin. Un mia potapacunacamaran, —ishon Jonatán David yoiyoni.

1 Samuel 19:1

Ascano chipo Saúl ahuun facu Jonatán yafi ahuun oinmatifo yoini isca huaquin, —David rutuhuun, —ishon ato yoini. Ascafiaino Jonatán fasi David noicoinquin a rututamarocon apan yoini cuscan David tapimani. —Uhuun upan mia rutupai. Oinfain funamari onutahuun.

1 Samuel 20:17

Ua noiquin afanan ua yoiyohuun uhuun yorafo min ato shara huashquinran, —ishon Jonatán David yoini. Ascan Jonatán afin noimuai cuscan Davidhuuri noicoinni.

1 Samuel 20:8

Ascan uhuun yorashta. Man min tapia min u fu nocon Ifo Diosin ointaifin non yoinonansharapacunaca. Ascan ua upa achimayamahuun. Min shinain un min upa chaca huacun min upa ua achimatamarocon mifin ua rutuyohuun, —ishon David yoini.