1 Samuel 16:2 - Sharanahua: Diospan Tsain

² —Ifon, uncai ari catiroma. Ua Saúl nicaquin ua rututiroran, —ishon yoini. —Moi facuoma iyotahuun. Nocoshon ato yoihuun min na ina ua rutushon nai cuscan uhuunoa yoisharafain ua cufinon, —ishon ato yoihuun.

1 Samuel 16:2 交叉參考

Éxodo 3:11

Nannori Diosin yoiaiton nicain Moisés Upa Diosi cumaquin isca huani, —Ma. Uncai ahuama. Un Faraón icano uhuun caifo Israelifo Egipcio mai anoshon un ato iyotapanan, —ishon Moisés Upa Dios cumaiton.

Mateo 10:16

Chashoanfo masharonun pipaitiro. Nanscarifiai nan icoinra huamafoan mato chaca huapaitirofo. Ascafia nanfo muran un mato nichi. Ascacun nan rono onanya cuscara marifi icahuun. Ruhuincai ahua shinanchacamisima cuscan marifi nanscarifi isharacahuun.

Lucas 1:34

Afanan María cumani, —Uncai funuyamafinquin. Uacai tsoan tanamisima. ¿Ascan ahuuscashomun un facu nanutiroquin? —huaiton.

1 Samuel 16:3

Nantianri Isaí yoihuun min ua moi facuyamisima ua rutushonni oa atirifi funonfo. Ascan nantianri un mia tapimai rato Isaí ahuun furunmain un catoincain min caifoan aton niaifo inon. Nanton ahuun mapoqui shuni ocahuun naanfin niaifo iquiquin.

1 Samuel 20:29

Nanno oshu ina funa fusititian ina rutushcaquin nocon Ifohuunshon shinanyonifo. Ascacun uhuun ochin ua yonoa urifi un ato fu inon. Ascan ua noicoinquin ua nichipun uhuun yorafo fu un inon,” ishon ua yoita. Ascan no fu icamaran, —ishon Jonatán apa yoini.

1 Samuel 9:12

—Ai. Nanno. Nan fai cayacafin tapiaton foriscatacahuun. Nocon pushu rasi cusumunri natian nanno. Man ramashta nocoa ahuun yorafo futan machimamaquishon nocon Ifo Diosi ina rutushon inantani. Natian foriscatacahuun machi mamaqui cataima man aqui nocotiro. Atoqui nocoataima nuno icafoan piyotirofoma. Nantofin iquisi Upa Diosi cufinyotiroquin ina rutuataima. Ascano nan cunafoan a futan pitirofo. Ascacun cariscatahuun natian man fuchitiroran, —ishon shomayafoan yoini.